ଓଡିଶା ତାଜା ନ୍ୟୁଜ୍ (୨୯ମେ ୨୦୨୦ ଶୁକ୍ରବାର) ଭୁବନେଶ୍ୱର : – ଭୁବନେଶ୍ୱର ଆମ ରାଜ୍ୟର ଓ ଦେଶର ଯେଉଁ ପରିସ୍ଥିତି ଏହି ପରିସ୍ଥିତିକୁ ମୁକାବିଲା କରିବା ପାଇଁ ଗତକାଲି ଆମ ରାଜ୍ୟର ମୁଖ୍ୟମନ୍ତ୍ରୀ ମହାଶୟ ସମସ୍ତ ବିରୋଧି ଦଳକୁ ଅନୁରୋଧ କରିଛନ୍ତି ଯେ ଆସନ୍ତା କାଲି ୫.୩୦ ସମୟରେ ‘ବନ୍ଦେ ଉତ୍କଳ ଜନନୀ’ ସଂଗୀତ ଗାନ କରିବାକୁ । ଏହା ସ୍ୱାଗତଯୋଗ୍ୟ । ଏହା ଆମ ଓଡିଶା ରାଜ୍ୟ ସଂଗୀତ । ଏହାକୁ ସମ୍ମାନ ଦେବା ଉଚିତ୍ । ବିଗତ ୨୦ ବର୍ଷ ଭିତରେ ପ୍ରଥମଥର ଆମ ମୁଖ୍ୟମନ୍ତ୍ରୀ ବିରୋଧିମାନଙ୍କର ସହଯୋଗ କାମନା କରିଛନ୍ତି । ନହେଲେ ମୁଖ୍ୟମନ୍ତ୍ରୀ କୌଣସି କାର୍ଯ୍ୟରେ କେବେ ବିରୋଧିଙ୍କ ସହଯୋଗ ଆଶା କରନ୍ତି ନାହିଁ । ସେଥିପାଇଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇବା ସହ ପିସିସି ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଆଜିର ପ୍ରେସ୍ ବାର୍ତା ମାଧ୍ୟମରେ ଏକ ପ୍ରସ୍ତାବ ମଧ୍ୟ ମୁଖ୍ୟମନ୍ତ୍ରୀଙ୍କୁ ଦେଇଛନ୍ତି ଯେ ବିଧାନସଭା ସମ୍ମୁଖରେ ସମସ୍ତ ବିରୋଧିଦଳଙ୍କୁ ଡାକନ୍ତୁ ଏବଂ ସମସ୍ତଙ୍କ ଉପସ୍ଥିତିରେ ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ‘ବନ୍ଦେ ଉତ୍କଳ ଜନନୀ’ ସଂଗୀତ ଗାନ କରାଯାଉ ।
ଏହା କଲେ ସାରା ଓଡିଶାରେ ତା’ର ସୁପ୍ରଭାବ ନିଶ୍ଚିତ ଭାବରେ ପଡିବ । ମୁଁ ଆଶା କରେ ମୁଖ୍ୟମନ୍ତ୍ରୀ ମହାଶୟ ଆମ ଅନୁରୋଧକୁ ରକ୍ଷା କରିବେ ବୋଲି ପିସିସି ସଭାପତି ଶ୍ରୀ ପଟ୍ଟନାୟକ କହିଛନ୍ତି । ପ୍ରବାସୀ ଶ୍ରମିକଙ୍କ ପ୍ରସଙ୍ଗରେ ଗତକାଲି ସର୍ବୋଚ୍ଚ ନ୍ୟାୟାଳୟ ଯେଉଁ ନିଷ୍ପତି ନେଲେ ତାହା ସ୍ୱାଗତଯୋଗ୍ୟ । ସେଥିପାଇଁ ସର୍ବୋଚ୍ଚ ନ୍ୟାୟଳୟଙ୍କୁ ଧନ୍ୟବାଦ ଓ କୃତଜ୍ଞତା ଜଣାଇଛନ୍ତି ଶୀ ପଟ୍ଟନାୟକ । ପ୍ରବାସୀ ଶ୍ରମିକମାନେ ଯେଉଁ ହିନସ୍ତାରେ ଅଛନ୍ତି ସେମାନଙ୍କ କଥା ଉଲ୍ଲେଖ କରି ବହୁଦିନ ଧରି କଂଗ୍ରେସ ଦଳ ଦାବି କରି ଆସୁଥିଲା । କିନ୍ତୁ ସେ ଦାବିକୁ କେନ୍ଦ୍ର ସରକାର ଭ୍ରୁକ୍ଷେପ କରୁନଥିଲେ । ଗତକାଲି ଉଚ୍ଚ ନ୍ୟାୟାଳୟ ଯେଉଁ ନିର୍ଦ୍ଦେଶ ଦେଇଛନ୍ତି ସେଥିପାଇଁ ନିଶ୍ଚିତ ଭାବରେ ଆମ ପ୍ରବାସୀ ଶ୍ରମିକମାନେ ଉପକୃତ ହେବେ ଓ ସେମାନଙ୍କର କିଛିଟା ଦୁଃଖ ଲାଘବ ହେବ ବୋଲି ପିସିସି ସଭାପତି ଶ୍ରୀ ପଟ୍ଟନାୟକ କହିଛନ୍ତି ।
odishatazanews.com, whatsApp – 9938341180, ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
