କୌନ୍ ବନେଗା କୋରଡପତିରେ ଖୋର୍ଦ୍ଧାରୋଡ଼ ରେଳ କର୍ମଚାରୀ

ଓଡ଼ିଶା ତାଜା ନ୍ୟୁଜ (୬ ସେପ୍ଟେମ୍ବର ମଙ୍ଗଳବାର) ଖୋର୍ଦ୍ଧା-ଜଟଣୀ :-  ସ୍ଥାନୀୟ ଖୋର୍ଦ୍ଧାରୋଡ଼ ରେଳ ମଣ୍ଡଳର ମୁଖ୍ୟ ବାଣିଜ୍ୟ ନିରୀକ୍ଷକ ଶ୍ରୀ କ୍ରୀଷ୍ଣା ଦାସ ଗତ କାଲି ସୋନି ଟିଭିର ଲୋକପ୍ରିୟ ପ୍ରତିଯୋଗିତା କୌନ୍ ବନେଗା କୋରଡପତିରେ ଭାଗ ନେଇ ବାର ଲକ୍ଷ ପଚାଶ ହଜାର ଟଙ୍କାର ଅର୍ଥ ରାଶି ଜିତିନେଇଛନ୍ତି । ଶ୍ରୀ ଦାସ ଖୋର୍ଦ୍ଧାରୋଡ଼ ରେଳ ମଣ୍ଡଳ ବାଣିଜ୍ୟ ବିଭାଗରେ ମୁଖ୍ୟ ବାଣିଜ୍ୟ ନିରୀକ୍ଷକ ଭାବେ କାର୍ଯ୍ୟରତ । ଗତକାଲି ସେ ବାର ତମ ପ୍ରଶ୍ନର ସଠିକ୍ ଉତ୍ତର ଦେଇ ଏହି ଅର୍ଥରାଶି ଜିତି ନେଇଥିଲେ ।

ଅର୍ଥ ଜିତିବା ଅପେକ୍ଷା ମେଘା ଷ୍ଟାର ଅମିତାଭ ବଚନଙ୍କ ସାମନାରେ ବସିବା ଏକ ଗୌରମୟ ମୁହୂର୍ତ୍ତ ବୋଲି ଶ୍ରୀ ଦାସ ଅତ୍ୟନ୍ତ ଭାବବିହୋଳ ହୋଇ ପ୍ରକାଶ କରିବା ସହିତ ପତ୍ନୀ ଦୀପା ଦାସ ତାଙ୍କ ପ୍ରେରଣା ବୋଲି କହିଥିଲେ । ହଟ୍ ସିଟ ଉପରେ ସେଥିରେ ନେଇଥିବା ପୁରୀ ଜଗନ୍ନାଥଙ୍କ ମହାପ୍ରସାଦ ଶ୍ରୀ ବଚନଙ୍କୁ ଭେଟି ଦେବା ସହ ପ୍ରଭୁ ଶ୍ରୀ ଜଗନ୍ନାଥଙ୍କ ଅଲୌକିକ ଶକ୍ତି ଉପରେ ଆଲୋକପାତ କରିଥିଲେ । ତାଙ୍କର ଏହି ସଫଳତାରେ ଖୋର୍ଦ୍ଧାରୋଡ଼ ମଣ୍ଡଳ ରେଳକର୍ମଚାରୀ ମାନେ ଭୁରୀୟସି ପ୍ରଶଂସା କରିବା ସହିତ ମଣ୍ଡଳ ଶ୍ରମିକ କଂଗ୍ରେସ ତରଫରୁ ଶାଖା ସମ୍ପାଦକ ଶ୍ରୀ ଏଲ ଡି ମହାନ୍ତି ଉତ୍ତରୀୟ ଫୁଲତୋଡ଼ା ଦେଇ ସମ୍ମାନିତ କରିଥିଲେ ।