ଓଡିଶା ତାଜା ନ୍ୟୁଜ୍ (୨୬ ମଇ, ମଙ୍ଗଳବାର) ବିଚରା ପ୍ରକୃତି ଶେଷ ହେଇ ନ ଯାଉ : – ‘ପ୍ରକୃତି’ (ଜଗତ) ପ୍ରତି ପ୍ରଗତିଶୀଳ-ମଣିଷର ‘ସଭ୍ୟ-ଯୁଗର ଏଇ ଆଦିମ-ମଣିଷଟି’ର ବିବେକର ଆଜି ବୈଧବ୍ୟ-ବ୍ରତ । ବୁଦ୍ଧି ….ତା’ର ବିକୃତ ! ଭାବନା….. ତା’ର ଭ୍ରାନ୍ତି-ଯୁକ୍ତ !! ମନନ (ଚିନ୍ତନ) ….ତା’ର ଅପସ୍ମାରଗ୍ରସ୍ତ !!! ଆଚାର/ଆଚରଣ ବିଚାର….ରହିତ (ତେଣୁ ‘ଆଚାର’ ନୁହେଁ ‘ବ୍ୟଭିଚାର’) !!! । କର୍ମ ଅହଂ… ପ୍ରଣୋଦିତ !!!!! ସେ ଯେମିତି ଗୋଟେ ତୀବ୍ର-ଦଂଶନ ଆଉ ଵିଧ୍ଵଂସନ ମୋହରେ ଉନ୍ମତ୍ତ । ଏମିତି କି ଏ ଦିବ୍ୟ ସୃଷ୍ଟି ପ୍ରକୃତି ବି ! ମାଟି ପାଣି ଆକାଶ ସବୁଠି ଏଇ ଜାନୁଆରଟିର ନଖ-ଦନ୍ତାଘାତର ରକ୍ତିମ-ସଜ-କ୍ଷତରେ ସେ ଲୀଳା ସ୍ପଷ୍ଟ ଦୃଶ୍ୟମାନ ।
ହାୟ ! ସନ୍ଦେହ ଲାଗେ, ଏଇ କ’ଣ ଦିବ୍ୟ ସ୍ରଷ୍ଟାଙ୍କର ମହତ୍ତମ ସୃଷ୍ଟି ! ଇଏ ଭବିଷ୍ୟତର ସେଇ ଦିବ୍ୟ ମାନବର ପ୍ରତିଶ୍ରୁତି…!! ଯା’ ବି ହେଉ, ଆଜିର ଏ ବହୁବ୍ୟକ୍ତିକ-ଧର୍ଷଣର ଫଳ ସ୍ୱରୂପ ଆସନ୍ତା କାଲି କିଛି ଅଶୁଭ ଘଟିପାରେ, ପୌନଃପୁନିକତାର ପୁନରାବୃତି… ହୁଏତ ହେଇପାରେ । ଯାହା ଇତିହାସ-ସିଦ୍ଧାଂତିତ ବାଣୀ – “ଧର୍ଷଣର ଜବାବ ସଂହାରରେ ଆସିପାରେ” ତାକୁ ଭୁଲି ନ ଯିବା ମଙ୍ଗଳକର । ପ୍ରକୃତିର ଭୀଷଣ ରୂପଟି ପୁନଶ୍ଚ ପ୍ରକଟିତ ହେବା ଆଗରୁ ଆମ ଚିନ୍ତନର ବେଳ ଯଥେଷ୍ଟ ବିଳମ୍ବ ହେଇନି ବୋଧେ । (ରିପୋର୍ଟ – ରାମକୃଷ୍ଣ ରଥ )
.
odishatazanews.com, whatsApp – 9938341180, ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
