ଗଜପତି ଜିଲ୍ଲା ମୋହନା ବ୍ଲକର ଡ୍ରାଇଭର ମହାସଂଘ ପକ୍ଷରୁ ରାଷ୍ଟ୍ରୀୟ ଡ୍ରାଇଭର ଦିବସ ପାଳିତ

ଓଡ଼ିଶା ତାଜା ନ୍ୟୁଜ (୦୨ସେପ୍ଟେମ୍ବର ଶୁକ୍ର ବାର) ପାରଳାଖେମୁଣ୍ଡି :- ଗଜପତି ଜିଲ୍ଲା ମୋହନା ଡ଼୍ରାଇଭର ମହାସଂଘ ପକ୍ଷରୁ ରାଷ୍ଟ୍ରୀୟ ଡ଼୍ରାଇଭର ଦିବସ ପାଳିତ ହୋଇଯାଇଛି l ଏହି ଅବସରରେ ବ୍ଲକର ଶତାଧିକ ଡ଼୍ରାଇଭର ଯୋଗଦେଇ ମୋହନା ବଜାର ସଫେଇ କରିଥିଲେ l ସ୍ଥାନୀୟ ହାଇସ୍କୁଲ ଛକରୁ ସଫେଇ ଆରମ୍ଭ କରିଥିଲେ l ଏହା ପରେ ବସଷ୍ଟାଣ୍ଡ, ପଣ୍ଡାଛକ, ମୁଖ୍ୟ ବଜାର, ମହାରାଜା କୃଷ୍ଣଚନ୍ଦ୍ର ଗଜପତି ଛକରେ ସଫେଇ କରି ଡ଼୍ରାଇଭର ମହାସଂଘ କାର୍ଯ୍ୟଳୟରେ ପହଞ୍ଚିଥିଲେ l

ସେଠାର ଲୋକଙ୍କୁ ସଫେଇ ଅଭିଯାନ ବିଷୟରେ ସଚେତନ କରାଇଥିଲେ ଡ୍ରାଇଭର ମାନେ l ଏହା ପରେ ଡ଼୍ରାଇଭର ମହାସଂଘ କାର୍ଯ୍ୟଳୟରେ କେକ୍ କଟାଯାଇଥିଲା l ଏହି କାର୍ଯ୍ୟକ୍ରମକୁ ମୋହନା ଡ଼୍ରାଇଭର ମହାସଂଘର ସଭାପତି ବିଜୟ ବେହେରଦଳାଇ, ଉପ ସଭାପତି ରତ୍ନାକର ବଳିଆରସିଂ, ସମ୍ପାଦକ ସୁଶାନ୍ତ କୁମାର ପୂଜାରୀ, ସହସମ୍ପାଦକ ସତ୍ୟ ପାତ୍ର, କୋଷାଧ୍ୟକ୍ଷ ବାବୁଲି ଗୌଡ଼ ଓ ବ୍ଲକ ସଂଯୋଜକ ରଞ୍ଜନ ଜାନୀ ପ୍ରମୁଖ ପରିଚାଳନା କରିଥିଲେ l ଗତ କିଛି ଦିନ ତଳେ କେରlଖାଲ ଗାଁର ଜଣେ ଡ୍ରାଇଭରଙ୍କ ପତ୍ନୀଙ୍କ ଶବକୁ ବୋହି ଭରା ନଈ ପାର କରି ଶ୍ମଶାନରେ ଶବ ସତ୍କାର କରି ଚର୍ଚ୍ଚାରେ ଥିବା ମୋହନା ଡ୍ରାଇଭର ସଂଘର ଏଭଳି କାର୍ଯ୍ୟକୁ ପ୍ରଶଂସା କରିଛନ୍ତି ସ୍ଥାନୀୟ ଲୋକେ l