ପାରଳାଖେମୁଣ୍ଡି ପୌରପରିଷଦ ପରିସରରେ ପୌରପରିଷଦର ଲୋକାଭିମୁଖୀ ଜନଶୁଣାଣି କାର୍ଯ୍ୟକ୍ରମ ଅନୁଷ୍ଠିତ

ଓଡ଼ିଶା ତାଜା ନ୍ୟୁଜ (୬ ଅଗଷ୍ଟ ଶନିବାର) ପାରଳାଖେମୁଣ୍ଡି :- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ପୌର ପରିଷଦର କାର୍ଯ୍ୟାଳୟ ପରିସରରେ ପୌରପରିଷଦର ଲୋକାଭିମୁଖୀ ଜନ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି।ଏହି କାର୍ଯ୍ୟକ୍ରମ ରେ ପୌର ପରିଷଦ ଅଧ୍ୟକ୍ଷା ନିର୍ମଳା ସେଠୀ, ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ଜୁବୁଲି ଚରଣ ବେହେରା, ପୌର ଉପାଧ୍ୟକ୍ଷ ଲେଙ୍କା ମଧୁଙ୍କ ସମେତ ପୌର ପରିଷଦର କର୍ମଚାରୀ ପ୍ରମୁଖ ଉପସ୍ଥିତ ଥିଲେ । ପୌର ପରିଷଦ ଲୋକାଭିମୁଖୀ ଜନ ଶୁଣାଣି ପ୍ରଥମ ଥର ୧୨ଗୋଟି ଅଭିଯୋଗ ଆସିଥିବା ବେଳେ ଦ୍ୱିତୀୟ ଅଭିଯୋଗ ଶୁଣାଣୀରେ ଖବର ନେବା ସୁଦ୍ଧା କୌଣସି ଅଭିଯୋଗ ଆସି ନ ଥିବା ଦେଖିବାକୁ ମିଳିଛି ।

ପୌର ପରିଷଦ ପକ୍ଷରୁ ଲୋକଙ୍କ ସମସ୍ୟା ସମାଧାନ ସକାଶେ ଲୋକାଭିମୁଖୀ ଜନ ଶୁଣାଣି ଅନୁଷ୍ଠିତ ହୋଇଥିବା ବେଳେ ଦ୍ୱିତୀୟ ଲୋକାଭିମୁଖୀ ଜନ ଶୁଣାଣୀରେ ଜନ ସାଧାରଣ ସମସ୍ୟା ନେଇ ଆସି ନ ଥିବା ଖବର ନେବା ସୁଦ୍ଧା ଜଣା ପଡିଛି ।  ଏହି ଲୋକାଭିମୁଖୀ ଜନ ଶୁଣାଣୀକୁ ପ୍ରଚାର ପ୍ରସାର ଅଭାବ ନା ଜନ ସାଧାରଣ ଏ ବିଷୟରେ ଅବଗତ ନାହାଁନ୍ତି ଯେ ଏହି ଭଳି ଜନ ଶୁଣାଣୀକୁ ପହଞ୍ଚି ପାରୁ ନାହାନ୍ତି ପ୍ରଶ୍ନ ବାଚି ସୃଷ୍ଟି କରୁଛି।ତେଣୁ ଜନ ସାଧାରଣ ଙ୍କ ସମସ୍ୟା ନେଇ ପୌର ପରିଷଦ କାର୍ଯ୍ୟାଳୟ କୁ ଲୋକାଭିମୁଖୀ ଜନ ଶୁଣାଣୀ କୁ ଆସିଲେ ସମସ୍ୟା ସମାଧାନ ହୋଇ ପାରିବ ବୋଲି ପୌର ପରିଷଦ ପକ୍ଷରୁ ସୂଚନା ପ୍ରଦାନ କରାଯାଇଛି ।

ପ୍ରଥମେ ପାରଳାଖେମୁଣ୍ଡି ପୌରପରିଷଦ ଅଧକ୍ଷା ପୌରପରିଷଦ କାର୍ଯ୍ୟାଳୟ ପା ର୍ଶରେ ନାଳ ଖଳନ୍ତୁ ଟିକେ ବର୍ଷା ହେଲେ ସେଠାରେ ଡ୍ରେନେଜର ବ୍ୟବସ୍ଥା ନଥିବାରୁ ନାଳର ପାଣି ମୁଖ୍ୟ ରାସ୍ତା ଉପରେ ପ୍ରବାହିତ ହେଉଥିବା ଯୋଗୁଁ ଜନସାଧରଣ ଙ୍କ ଯାତାୟତରେ ବାଧା ଦେଖା ଦେଉଛି  l ଏହି ଘଟଣାକୁ ଗଣ ମାଧ୍ୟମରେ ବାରମ୍ବାର ଖବର ପ୍ରକାଶ ପାଇବା ପରେ ମଧ୍ୟ ପୌରପରିଷଦ କର୍ତ୍ତୃପକ୍ଷ କୌଣସି ପଦକ୍ଷେପ ଗ୍ରହଣ କରୁନଥିବା ଯୋଗୁଁ ଜନ ଅସନ୍ତୋଷ ଦେଖିବାକୁ ମିଳୁଛି  l ଏଣୁ ପ୍ରଥମେ ପୌରପରିଷଦ କର୍ତ୍ତୃପକ୍ଷ ନିଜକୁ ସୁଧାରିବାକୁ ଚେଷ୍ଟା କରନୁ ପରେ ଯାଇ ଲୋକାଭିମୁଖୀ ଜନ ଶୁଣାଣି କଲେ ଭଲ  ହୋଇଥାନ୍ତା ବୋଲି ଏଠାରେ ବୁଦ୍ଧିଜୀବୀ ମହଲରେ ଆଲୋଚନା ଚାଲିଥିବା ଦେଖିବାକୁ ମିଳୁଛି  l