ନୂଆଗାଁ ବ୍ଲକ୍ କୃଷି କାର୍ଯ୍ୟାଳୟ ସମ୍ମୁଖରେ କୃଷକ ସାଥି ସଂଘର ଧାରଣା

ଓଡ଼ିଶା ତାଜା ନ୍ୟୁଜ୍/୧୫ ଜୁଲାଇ ଶୁକ୍ରବାର/ନୂଆଗାଁ :- ନୟାଗଡ ଜିଲ୍ଲା ନୂଆଗାଁ ବ୍ଲକ୍ କୃଷକ ସାଥି ସଂଘ ତରଫରୁ ୧୪ ଦଫା ଦାବି ନେଇ ନୂଆଗାଁ ବ୍ଲକ୍ କୃଷି କାର୍ଯ୍ୟାଳୟ ସମ୍ମୁଖରେ ଧାରଣା ଦିଆ ଯାଇଛି । ରାଜ୍ୟ ସରକାରଙ୍କ ଦ୍ଵାରା ଆନିତ ଯୋଜନା ନିମନ୍ତେ କୃଷକ ସାଥି ଙ୍କୁ ତାଲିମ ପ୍ରଦାନ ସହିତ ସାର୍ଟି ଫିକେଟ୍ ପ୍ରଦାନ କରିବା,ପରିସଂଖ୍ୟାନ ବିଭାଗର ଅମିନ ଭାବରେ ନିୟୋଜନ କରିବା,ଅଗ୍ରଣୀ କୃଷକ ସାଥୀ ପରିବର୍ତ୍ତେ କୃଷି କର୍ମଚାରୀ ର ମାନ୍ୟତା ଦେବା,

ସମସ୍ତ କୃଷି ଭିତ୍ତିକ ଉନ୍ନୟନ କାର୍ଯ୍ୟରେ ଏନ୍ ଜି ଓ ମାନଙ୍କୁ ଉଚ୍ଛେଦ କରି କୃଷକ ସାଥୀ ମାନଙ୍କୁ ନିୟୋଜିତ କରିବା, ଡ୍ରେସ୍ କୋର୍ଡ ସହିତ ପରିଚୟ ପତ୍ର ପ୍ରଦାନ କରିବା, ଇ – ରୋଗ, ପୋକ ସର୍ବେକ୍ଷଣ କାର୍ଯ୍ୟରେ ନିୟୋଜିତ କରିବା,ସରକାରଙ୍କ ନିର୍ଦ୍ଦେଶ ନାମା ଅନୁଯାୟୀ କୃଷକ ସାଥୀ ମାନଙ୍କୁ ଉଦ୍ୟାନ କୃଷି ବିଭାଗ କାର୍ଯ୍ୟରେ ନିୟୋଜନ କରିବା,

ଧାନ ସଂଗ୍ରହ ପାଇଁ ପରିଚୟ ପତ୍ର ପ୍ରଦାନ ସହ କ୍ଷେତ୍ର ପରିଦର୍ଶନ ଯାଞ୍ଚ ପ୍ରକ୍ରିୟାରେ ନିୟୋଜିତ କରିବା ଆଦି ୧୪ ଦଫା ଦାବି ନେଇ ନୂଆଗାଁ ବ୍ଲକ୍ କୃଷକ ସାଥି ମାନେ ଧାରଣା ଦେଇଥିଲେ । ଦାବି ପୂରଣ ନ ହେଲେ ଆସନ୍ତା ୧୮ ତାରିଖ ଦିନ ବିଧାନସଭା ସମ୍ମୁଖରେ ଅନିର୍ଦ୍ଧିଷ୍ଟକାଳ ପାଇଁ ଧାରଣା ଦିଆଯିବ ବୋଲି ରାଜ୍ୟ ସଂଘ ପକ୍ଷରୁ ନିଷ୍ପତି ନିଆଯାଇଥିବା କୃଷକ ସାଥୀ କହିଛନ୍ତି ।