ବାହୁଡ଼ା ଯାତ୍ରା ଶେଷରେ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ପହଞ୍ଚିଛନ୍ତି ତିନି ରଥ – ଆଜି ଅଧର ପଣା ନିତି ସଂମ୍ପନ୍ନ ପରେ ତିନି ଠାକୁରଙ୍କୁ ନିଳାଦ୍ରି ବିଜେ କରାଯିବ

ଆଜି ଅଧର ପଣା ନିତି ସଂମ୍ପନ୍ନ ପରେ ତିନି ଠାକୁରଙ୍କୁ ନିଳାଦ୍ରି ବିଜେ କରାଯିବ ବୋଲି ମନ୍ଦିର ପ୍ରଶାସନ ତରଫରୁ ଜଣାଯାଇଛି ।

ତିନି ରଥରେ ଠାକୁର ରାଜା ଶ୍ରୀ ଶ୍ରୀ ଗଜପତି ମହାରାଜାଙ୍କ ଦ୍ୱାରା ପାରମ୍ପରିକ ଛେରାପହଁରା ନୀତି ଆଧ୍ୟାତ୍ମିକ ପରିବେଶ ମଧ୍ୟରେ ସମ୍ପନ୍ନ ହୋଇଛି ।

ଓଡ଼ିଶା ତାଜା ନ୍ୟୁଜ୍/୧୨ ଜୁଲାଇ ମଙ୍ଗଳବାର/ରଣପୁର :-  ରଣପୁର ରଥଯାତ୍ରାରେ
ଲକ୍ଷ୍ମୀନାରାୟଣ ଭେଟ ସମ୍ପନ ହେବା ସହ ତିନି ରଥ ସିଂହ ଦ୍ୱାର ନିକଟରେ ପହଚିଂଛି ।
ବାହୁଡା ଦିନ ବଳଭଦ୍ରଙ୍କ ତାଳଧ୍ୱଜ ରଥ ସିଂହଦ୍ୱାର ନିକଟରେ ପହଚିଂଥିବା ବେଳେ ମା
ସୁଭଦ୍ରାଙ୍କ ଦେବିଦଳନ ରଥ ଚଣ୍ଡେଶ୍ୱର ସାହି ଠାରେ ଅଟକି ରହିଥିଲା ଓ ଜଗନ୍ନାଥ ଙ୍କ ନନ୍ଦିଘୋଷ ରଥ ଗୁଣ୍ଡିଚା ମନ୍ଦିର ନିକଟରେ ଭଜନ ଶୁଣିବା ପାଇଁ ଅଟକି ରହିଥିଲା ।

ପବିତ୍ର ବଡ ଏକାଦଶୀ ରେ ରଥଟଣା ବନ୍ଦ ରହିଥିବା ବେଳେ , ପଚୁଂଦୋଳ ପଡିଆଠାରେ ଟାଉନ୍ କ୍ଲବ ଆନୁକୂଲ୍ୟାରେ ଓଡିଶାର ସୁନାମଧନ୍ୟ କଣ୍ଠ ଶିଳ୍ପିମାନଙ୍କୁ ନେଇ ଏକ ଭଜନ ସମାରୋହ
ଅନୁଷ୍ଠିତ ହୋଇଯାଇଥିଲା । ଆଜି ରଣପୁର ରେ ପ୍ରବଳ ବର୍ଷା ହୋଇଥିଲା । ଯାହାଫଳରେ ରଥ
ଭିଡାରେ ସମସ୍ୟା ଦେଖାଦେଇଥିଲା । କିନ୍ତୁ ପ୍ରବଳ ମାତ୍ରରେ ବର୍ଷା ହେଉଥିଲେ ମଧ୍ୟ ଏହି
ବର୍ଷା କୁ ଖାତିରି ନକରି ମହିଳା ମାନେ ଅପରାହ୍ନ ୩ ଟାରେପ୍ରଥମେ ଦେବୀ ସୁଭଦ୍ରାଙ୍କ
ଦେବଦଳନ ରଥକୁ ମହିଳା ମାନେ ଟାଣି ନେଇ ମନ୍ଦିର ନିକଟରେ ପହଚାଂଇଥିଲେ ।

ପରେ ଜଗନ୍ନାଥଙ୍କ ନନ୍ଦିଘୋଷ ରଥ ଟଣାଯାଇଥିଲା । କିନ୍ତୁ ନନ୍ଦିଘୋଷ ରଥ ଦଧିବାମନ ମଠ ନିକଟରେ ପହଚିଂଥିବା ବେଳେ ରଥ ୪ ଟି ଯାତ୍ରା ଦୋକାନ ଉପରେ ଲାଗିଯାଇଥିଲା । ଯାହାଫଳରେ ଉଠା ଦୋକାନ ଦୁଇଟିକୁ ଭଙ୍ଗା ଜିବାପରେ ରଥ ପୁଣି ଟଣା ହୋଇଥିଲା । ଅପରାହ୍ନ ୬.୪୫ ମିନିଟ୍ ରେ ନନ୍ଦିଘୋଷ ରଥ ଦୋଳମଣ୍ଡପ ନିକଟରେ ପହଚିଂଥିଲା । ପରେ ଏକ ସୁସଜ୍ଜିତ ବିମାନରେ ମନ୍ଦିରରୁ ମହାଲକ୍ଷ୍ମୀ ଯାଇ ଜଗନ୍ନାଥଙ୍କ ରଥ ସମ୍ମୁଖରେ ପହଚିଂଥିଲେ । ରଥ ଚାରିପଟେ ନିରୀକ୍ଷଣ କଲାପରେ ସେଠାରେ ଆଳତି ଅନୁଷ୍ଠିତ ହୋଇଥିଲା ।

ପରେ ଜଗନ୍ନାଥଙ୍କଠାରୁ ଆଜ୍ଞାମାଳ ପାଇ ମହାଲକ୍ଷ୍ମୀ ମନ୍ଦିରକୁ ଗମନ କରିଥିଲେ । ଲକ୍ଷ୍ମୀ ନାରାୟଣଙ୍କର ଏହି ଭେଟ ନୀତି ଦେଖିବା ପାଇଁ ହଜାର ହଜାର ଭକ୍ତଙ୍କ ସମାଗମ ହେବା ସହ ହରିବୋଲ ହୁଳହୁଳିରେ ଏକ ଭକ୍ତି ମୟ ପରିବେଶ ସୃଷ୍ଟି ହୋଇଥିଲା । ମହାଲକ୍ଷ୍ମୀ ମନ୍ଦିର ଆସି ଚାହାଣୀ ମଣ୍ଡପରେ ଉପସ୍ଥିତ ହୋଇଥିଲେ । ସେଠାରେ ଆଳତି ସମାପନ ପରେ ନନ୍ଦିଘୋଷ ସିଂହଦ୍ୱର ନିକଟରେ ଲାଗିଥିଲା । ରଥ ସିଂହ ଦ୍ୱାର ରେ ପହଚିଂଲା ବେଳକୁ ରାତି ହୋଇଯାଇଥିଲା ।

ଆଜି ଅଧର ପଣା ନିତି ସଂମ୍ପନ୍ନ ପରେ ତିନି ଠାକୁରଙ୍କୁ ନିଳାଦ୍ରି ବିଜେ କରାଯିବ ବୋଲି ମନ୍ଦିର ପ୍ରଶାସନ ତରଫରୁ ଜଣାଯାଇଛି । ଆଜି ରଥ ଯାତ୍ରାରେ ସ୍ଥାନୀୟ ତହସିଲଦାର ଅଶୋକ ପଟନାୟକ,ନୟାଗଡ ଜିଲ୍ଲାପରିଷଦ ଅଧକ୍ଷ ଦେବାଶିଷ୍ ପଟନାୟକ,ପୂର୍ବତନ ବିଧାୟକ ରବିନାରାୟଣ ମହାପାତ୍ର,ଏନଏସି ଅଧକ୍ଷା ରଙ୍ଗିନ୍ ମହାନ୍ତି, ଏନଏସି ଉପାଧକ୍ଷ ବିଶ୍ୱରଞନ ପଟନାୟକ,ସ୍ଥାନୀୟ ଆଇଆଇସି ଜ୍ୟୋତିପ୍ରକାଶ ପଣ୍ଡା ,ରାଜା ମହାନ୍ତି ଓ ମନ୍ଦିର ମ୍ୟାନେଜର ରମେଶ ଚନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ । ସାମ୍ବାଦିକ ସଂଘ ର ସମସ୍ତ ସାମ୍ବାଦିକ ତଥା ବରିଷ୍ଠ ବୁଦ୍ଧିଜୀବୀ ସମାଜସେବୀ ମାନେ ଯୋଗ ଦେଇଥିଲେ