ଅମୃତ ମହୋତ୍ସବ ଅବସରରେ ଶ୍ରୀଅରବିନ୍ଦ ଅତିମାନସ ଚେତନା ଜାଗରଣ ଯାତ୍ରା

ଓଡ଼ିଶା ତାଜା ନ୍ୟୁଜ୍/୮ ଜୁଲାଇ ଶୁକ୍ରବାର/ବରଗଡ଼ :- ଶ୍ରୀ ଅରବିନ୍ଦ ଙ୍କ ୧୫୦ତମ ଜନ୍ମ ବାର୍ଷିକୀ ପାଳନର ଅମୃତ ଅବସରରେ ଶ୍ରୀଅରବିନ୍ଦ ଅତିମାନସ ଚେତନା ଜାଗରଣ ଯାତ୍ରା ସଙ୍ଘତି ମଣ୍ଡଳ ,ଶ୍ରୀଅରବିନ୍ଦ ପାଠଚକ୍ର ସଂଗଠନ (ସମ୍ବଲପୁର,ବୈ।ଦ୍ଧ, ବରଗଡ଼) ପକ୍ଷରୁ ଆସନ୍ତା କାଲି (୭ ର ୧୪) ଠାରୁ ସପ୍ତାହ ବ୍ୟାପୀ ଚାଲିବ । ଏଠାରେ ଉଲ୍ଲେଖଯୋଗ୍ୟ ଯେ ଭାରତୀୟ ସ୍ବାଧୀନତା ସଂଗ୍ରାମର ମହାନାୟକ,ମହାଯୋଗୀ ଶ୍ରୀ ଅରବିନ୍ଦ ଙ୍କ ୧୫୦ତମ ଜନ୍ମ ବିର୍ଷିକୀ (ତା ୧୫.୮.୧୮୭୨ରୁ ୧୫.୮.୨୦୨୨) ସାରା ବିଶ୍ବରେ ପାଳିତ ହେଉଛି ।

ଏହି ଅମୃତ ଅବସରରେ ଶ୍ରୀ ଅରବିନ୍ଦ ଙ୍କ ଯୋଗ ଶିକ୍ଷା, ଦର୍ଶନ ତଥା ଭାରତ ବର୍ଷ ଓ ସମଗ୍ର ବିଶ୍ୱ ନିମନ୍ତେ ତାଙ୍କର ଅବଦାନ ସମାନ୍ଧେ ସର୍ବସାଧାରଣ ଙ୍କୁ ଅବଗତ ଓ ସଚେତନ କରିବା ଉଦ୍ଦେଶ୍ୟରେ ଆସନ୍ତା କାଲି ଠାରୁ ସପ୍ତାହ ବ୍ୟାପୀ ଅତିମାନସ ଜାଗରଣ ଯାତ୍ରା ଆୟୋଜିତ ହେଉଛି । ଏହି ଯାତ୍ରା ରେ ଶ୍ରୀମା ଶ୍ରୀ ଅରବିନ୍ଦ ଙ୍କ ଫଟୋଚିତ୍ର ଓ ଅଖଣ୍ଡ ଭାରତ ବର୍ଷର ପୂର୍ଣ୍ଣ ପ୍ରତିଛବି,ଦିବ୍ୟବାଣୀ ସମୁହ ପ୍ରଦର୍ଶିତ ହେବ । ଏହା ଏକ ସୁସଜ୍ଜିତ ଯାନରେ ତିନୋଟି ଜିଲ୍ଲା ର ବ୍ଲକ ମୁଖ୍ୟାଳୟରେ ବୁଲିବାର କାର୍ଯ୍ୟକ୍ରମ ରହିଛି ବୋଲି ସଂଗଠନ ର ଆବାହକ ପ୍ରଫୁଲ୍ଲ ପଣ୍ଡା, ସଭାପତି ମନୋରଞ୍ଜନ ପଟ୍ଟନାୟକ ସୂଚିତ କରିଛନ୍ତି ।