<h4><img class="alignnone wp-image-80794" src="https://odishatazanews.com/wp-content/uploads/2022/07/ranpur-1-2-2-300x225.jpg" alt="" width="704" height="528" /><span style="color: #ff0000;"><em><strong>ଓଡ଼ିଶା ତାଜା ନ୍ୟୁଜ୍/</strong><strong>୪ ଜୁଲାଇ ସୋମବାର</strong><strong>/</strong></em></span><strong><span style="color: #ff0000;"><em>ରଣପୁର :-</em> </span>ରଣପୁର ବିଜ୍ଞାପିତ ଅଞ୍ଚଳ ପରିଷଦ ରେ ୭୩ ତମ ବନମହୋତ୍ସବ ସପ୍ତାହ ପାଳନ ହୋଇଯାଇଛି । ରଣପୁର ବ୍ଲକ ଅନ୍ତର୍ଗତ ରଣପୁର ଏନ୍ ଏ ସି ରେ ଆଜି ବୃକ୍ଷ ରୋପଣ କାର୍ଯ୍ୟ ଅନୁଷ୍ଠିତ ହୋଇଯାଇଛି । ଜୁଲାଇ ପ୍ରଥମ ସପ୍ତାହରେ ରାଜ୍ୟ ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ରାଜ୍ୟ ସାରା ବନ ମହୋତ୍ସବ ପାଳନ ଅବସରରେ ବୃକ୍ଷ ରୋପଣ ଭଳି ମହତ କାର୍ଯ୍ୟ ହାତକୁ ନିଆଯାଇଥାଏ । </strong></h4> <h4><img class="alignnone wp-image-80795" src="https://odishatazanews.com/wp-content/uploads/2022/07/ranpur-1-3-250x300.jpg" alt="" width="629" height="755" /><strong>ଏହି ପରିପ୍ରେକ୍ଷୀରେ ଜଙ୍ଗଲ ଭୂମିରେ ମହାଦୃମ ବୃକ୍ଷ ରୋପଣ କରାଯାଇ " ଭବିଷ୍ୟତ ପାଇଁ ଗଛ ଟିଏ " ସ୍ଲୋଗାନ ଦେଇ ଆଗାମୀ ପିଢ଼ିକୁ ସଚେତନ କରାଯାଇଥିବା ଦେଖିବାକୁ ମିଳିଥିଲା । </strong> <strong>ରଣପୁରର ପ୍ରତିଷ୍ଠିତ ଦେବୀ ମା ମଣିନାଗ ଯିବା ରାସ୍ତା ସଂସ୍କୃତ ମହାବିଦ୍ୟାଳୟ ନିକଟ ଅଞ୍ଚଳ ତଥା ବନ ବିଭାଗର ରିଜର୍ଭ ଜଙ୍ଗଲ ଠାରେ ଏହି ବୃକ୍ଷ ରୋପଣ କାର୍ଯ୍ୟ ଅନୁଷ୍ଠିତ ହୋଇଥିଲା । </strong> <strong>ଏହି ୭୩ ତମ ବନମହୋତ୍ସବ ସପ୍ତାହ ପାଳନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଏନ୍ଏସି ଚେୟାରମ୍ୟାନ ରଙ୍ଗୀନ୍ ମହାନ୍ତି ଓ ଖୋର୍ଦ୍ଧା ଜିଲ୍ଲା ଜଙ୍ଗଲ ବିଭାଗ ବନପାଲ ଅଧିକାରୀଣି ପୂର୍ଣ୍ଣିମା ପାଣ୍ଡିଆନଙ୍କ ସହଯୋଗ ଦ୍ଵାରା </strong></h4> <h4><img class="alignnone wp-image-80796" src="https://odishatazanews.com/wp-content/uploads/2022/07/ranpur-1-4-236x300.jpg" alt="" width="636" height="808" /><strong>ରଣପୁର ବନାଞ୍ଚଳ ଅଧିକାରୀ ସୁବ୍ରତ କୁମାର ବେହେରା ଙ୍କ ସମେତ ଅନ୍ୟାନ୍ୟ କର୍ମଚାରୀବୃନ୍ଦ ସ୍ଥାନୀୟ ମଣିନାଗ ପର୍ବତରେ ବୃକ୍ଷ ରୋପଣ କାର୍ଯ୍ୟ କରିଥିଲେ । ଏଥିରେ ମୂଖ୍ୟଅତିଥି ଚେୟାରମ୍ୟାନ୍ ରଙ୍ଗୀନ୍ ମହାନ୍ତିଙ୍କ ଦ୍ଵାରା ବୃକ୍ଷରୋପଣ କରାଯାଇଥିଲା । ପରିବେଶ କୁ ସବୁଜ ସୁନ୍ଦର କରିବା ପାଇଁ ବିଭିନ୍ନ କିସମର ଗଛ ରୋପଣ କରି ତା'ର ଯତ୍ନ ନେବା କୁ ଶପଥ କରିଥିଲେ । ଏଥିରେ କେତେକ ଅଞ୍ଚଳବାସୀ ଓ ସମାଜସେବୀ ମାନେ </strong><strong>ପ୍ରମୁଖ ଉପସ୍ଥିତ ଥିଲେ ।</strong></h4> <h4><img class="alignnone wp-image-80797" src="https://odishatazanews.com/wp-content/uploads/2022/07/ranpur-1-225x300.jpg" alt="" width="647" height="863" /></h4> <h4><img class="alignnone wp-image-80029" src="https://odishatazanews.com/wp-content/uploads/2022/06/ODISHA-TAZANEWS-PRESS-jatani.pptx5_.pptx22-Copy-1-300x69.jpg" alt="" width="635" height="146" /></h4>