ବୁଦେଲପାଲିରେ ରକ୍ତଦାନ ଶିବିର

ଓଡ଼ିଶା ତାଜା ନ୍ୟୁଜ୍/୨୫ ଜୁନ ଶନିବାର/ବରଗଡ଼ :- ବରଗଡ ଜିଲ୍ଲା କଳାପାଣି ପଞ୍ଚାୟତ ଅନ୍ତର୍ଗତ ବୁଦେଲପାଲି ଗାଁ ରେ ଆଜି ବୀର ସୁଭାଷ ଯୁବକ ସଙ୍ଘ ଠାରେ ଏକ ରକ୍ତଦାନ ଶିବିର ର ଆୟୋଜନ ହୋଇଯାଇଛି । ଏହି ଶିବର କୁ ବରଗଡ ଥାନା ଅଧିକାରୀ ସଦାନନ୍ଦ ପୂଜାରୀ ଉଦ୍ଘାଟନ କରିଥିଲେ । ସମ୍ମାନିତ ଅତିଥି ଭାବରେ ଡ଼ଃ ସତ୍ୟଜିତ ସାହୁ, ଡଃ ମନୋରଞ୍ଜନ ହୋତା, ସରପଞ୍ଚ ପ୍ରତିନିଧି ବିପିନ ପ୍ରଧାନ, ସମିତି ସଭ୍ୟ ପ୍ରତିନିଧି ସୋମନାଥ ସାହୁ, କ୍ଲବ ସଭାପତି ଓକିଲ ପ୍ରଧାନ ,ସମାଜ ସେବି ପ୍ରଦୀପ୍ତ କର ଉପସ୍ଥିତ ଥିଲେ ।

ଏହି ଶିବିରରେ (୪ ) ଜଣ ମହିଳା ଓ (୨ ) ଜଣ ନୂଆ ରକ୍ତଦାତା ଙ୍କୁ ମିଶାଇ ମୋଟ୍ ( ୩୫ ) ୟୁନିଟ୍ ରକ୍ତ ସଂଗ୍ରହ ହୋଇଥିବା ବେଳେ ବୁର୍ଲା ଡ଼ାକ୍ତରଖାନାର ଟେକନିସିଆନ ହେମନ୍ତ ପଟେଲ ପରିଚାଳନା କରିଥିଲେ । ପ୍ରଦୀପ୍ ମହାର, ସୁବ୍ରତ ସାହୁ, ସୁଭାଷ ପଧାନ, ଶରତ ସାହୁ,ଦଶରଥ ମହାର, ରତ୍ନାକର ଭୁଏ ଦାମୋଦର ବିଶ୍ୱାଳ, ମିତ୍ରଭାନୁ ବିଶ୍ୱାଳ, ଯୁଧିଷ୍ଠିର ପଧାନ ଶିବିର ପରିଚାଳନା ରେ ସହଯୋଗ କରିଥିଲେ ।