ମାର୍ଲବା ଘାଟିରେ ଭାରସାମ୍ୟ ହରାଇ ଓଲଟିଲା ପେଟ୍ରୋଲ ବୋଝେଇ ଟ୍ରକ….

ଓଡ଼ିଶା ତାଜା ନ୍ୟୁଜ୍ /୨୪ ମଇ ମଙ୍ଗଳବାର/ଗଜପତି :- ଜିଲ୍ଲା ମାର୍ଲବା ଘାଟିରେ ପୁଣି ଏକ ଟ୍ରକ ଦୁର୍ଘଟଣାଗ୍ରସ୍ତ ହୋଇଥିବା ଦେଖିବାକୁ ମିଳିଛି। ୩୨୬- ଏ ଜାତୀୟ ରାଜପଥରେ ଭୁବନେଶ୍ୱରରୁ ପାରଳାଖେମୁଣ୍ଡି ଅଭିମୁଖେ ଆସୁଥିବା ଏକ ପେଟ୍ରୋଲ ବୋଝେଇ ଟ୍ରକ (OD-05Z3881) ଦୁର୍ଘଟଣାଗ୍ରସ୍ତ ହୋଇଛି। ଉକ୍ତ ଘଟଣାରେ କେହି ମୃତାହତ ହୋଇନଥିବା ବେଳେ ଡ୍ରାଇଭରଙ୍କ ହାତ ଭାଙ୍ଗି ଯାଇଥିବା ଜଣାପଡିଛି।

ଗୁରୁତର ଡ୍ରାଇଭର କୁ କିଛି ବ୍ୟକ୍ତି ଉଦ୍ଧାର କରି ରାୟଗଡ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରେ ଭର୍ତି କରିଥିବା ବେଳେ ଡାକ୍ତର ଅଧିକ ଚିକିତ୍ସା ପାଇଁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଥିବା ଜଣାପଡିଛି। ରାୟଗଡ ପୋଲିସ ଓ ଅଗ୍ନିଶ୍ରମ ଟିମ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ଗଜପତି ଜିଲ୍ଲାର ଦୁର୍ଘଟଣା ଜୋନ୍ ଭାବେ ପରିଚିତ ମାର୍ଲବା ଘାଟିକୁ ଦୁର୍ଘଟଣା ମୁକ୍ତ କରାଯିବ ବୋଲି କହିଥିବା ପ୍ରଶାସନ କିନ୍ତୁ ଏହା କରିପାରିନାହିଁ। ପ୍ରକାଶ ଥାଉକି ଗଜପତି ଜିଲାର ଏହି ମର୍ଲବା ଘଟିରେ ବାରମ୍ବାର ଦୁର୍ଘଟଣା ହେବାସହ ଅନେକେ ଧନ ଜୀବନ ହରାଉଛନ୍ତି ତେଣୁ ତୁରନ୍ତ ଜିଲ୍ଲା ପ୍ରଶାସନ ଆବଶ୍ୟକ ପଦକ୍ଷେପ ଗ୍ରହଣ କରନ୍ତୁ ବୋଲି ସାଧାରଣରେ ଦାବି ହେଉଛି।