ଓଡ଼ିଶା ତାଜା ନ୍ୟୁଜ୍ /୧୫ ମଇ ରବିବାର/ବୈପାରିଗୁଡା :- ଦୁଇ ବର୍ଷ ହେବ ରାଂଚି ବିଜୟଓ୍ବାର୍ଡା ଜାତୀୟ ରାଜପଥ କାର୍ଯ୍ୟ ବୈପାରିଗୁଡା ଗ୍ରାମ ଦେଇ ରାସ୍ତା ନିର୍ମାଣ ହେବା ପରେ ରାସ୍ତା ସଂପ୍ରସାରିତ ହେଉଛି । ସେହି ହିସାବରେଜନସଂଖ୍ୟା ବି ବଢିବାରେ ଲାଗିଛି । ସେହି ଅନୁସାରେ ଗାଡି ଚଳାଚଳ ପରିମାଣ ବି ବ୍ଲକ ସହିତ ବୈପାରିଗୁଡା ଗ୍ରାମରେ ବୃଦ୍ଧି ପାଇଛି । ପର୍ବପର୍ବାଣୀ, ପୂଜା ଯାତ୍ରା ସମୟରେ ବୈପାରିଗୁଡା ସହରର ମୁଖ୍ୟ ରାସ୍ତାରେ ଟ୍ରାଫିକ ଜାମ୍ ହେଇଯାଏ । ମାତ୍ର ଏବେ କିଛି ଦିନ ହେବ ଘର ରୁ ବାହାରିବା ମାତେ ମୁଖ୍ୟଛକ ସହିତ ଦୁର୍ଗା ମନ୍ଦିର ରାସ୍ତା ,ଗୌଡସାହି , ମାଲକାନଗିରି ଯିବା ରାସ୍ତାରେ ଟ୍ରାଫିକ୍ ଜାମ୍ ରହୁଥିବା ବେଳେ ଲୋକେ ବହୁ ଅସୁବିଧାର ସମ୍ମୁଖ୍ୟନ ମଧ୍ୟ ହେଉଛନ୍ତି ! ରାସ୍ତା ଜାମ୍ ଦେଖି ଲୋକେ ବିକଳ୍ପ ବାଟ ଖୋଜି ଗଳି କନ୍ଦି ଦେଇ ଯିବାକୁ ବାଧ୍ୟ ହୁଅନ୍ତି ।
ଗଳି କନ୍ଦିରେ ବି ଫୁର୍ସତ ମିଳେନି । କାରଣ ଯିଏ ଯେଉଁ ପାଇଲା ଗାଡି ରଖି ଚାଲି ଯାଉ ଛନ୍ତି ତ କିଏ ଗାଡି ଉପରେ ବସି ମଧ୍ୟ ଅନ୍ୟ ଗାଡିକୁ ରାସ୍ତା ଦିଅନ୍ତି ନାହିଁ ! ବ୍ୟସ୍ତ ହେଇ ପଡୁଥିବା ବୈପାରିଗୁଡା ଗ୍ରାମର ଟ୍ରାଫିକ ନିୟନ୍ତ୍ରଣକୁ ଆଖି ଆଗରେ ରଖି ଟ୍ରାଫିକ୍ ସିଗ୍ନାଲ୍ ବ୍ୟବସ୍ଥା କରିବା ନେଇ ସାଧାରଣ ରେ ମତ ପ୍ରକାଶ ପାଉଥିବା ବେଳେ ସରକାର ଏଥିପ୍ରତି କେବେ ଦୃଷ୍ଟି ଦେବେ ବୋଲି ଜନସାଧାରଣଙ୍କ ମଧ୍ୟ ପ୍ରଶ୍ନବାଚୀ ସୁଷ୍ଟି କରିଛି ! ସେହିପରି ଅପରାଧୀଙ୍କୁ ଧରିବା ପାଇଁ ବୈପାରିଗୁଡା ଗ୍ରାମର ବିଭିନ୍ନ ଛକ ମାନଙ୍କରେ ସିସିଟିଭି ଲଗାଯାଇଥିଲା ! କିନ୍ତୁ ୨ ରୁ ୩ ଟି ସ୍ଥାନରେ ଏବେ ବଧ୍ୟ ସିସି କ୍ୟାମେରା ଖରାପ ହୋଇ ଭାଙ୍ଗି ପଡିଥିବା ର ଶୁଣିବାକୁ ମିଳେ ! ସେହିପରି ହଜାର ହଜାର ସଂଖ୍ୟାରେ ବ୍ଲକ ବାହାରୁ ତଥା ଜିଲାର ବିଭିନ୍ନ ଅଞ୍ଚଳରୁ କାମ ପାଇଁ ଦୁଇ ଚକିଆ, ଚାରି ଚକିଆ ଗାଡିରେ ଲୋକେ ବୈପାରିଗୁଡା ଗ୍ରାମକୁ ଆସନ୍ତି ।
ବୈପାରିଗୁଡା ମୁଖ୍ୟ ଛକରେ ଜଗନ୍ନାଥ ମନ୍ଦିର ସହିତ ୟାତାୟତ କରୁଥିବା ଯାନବାହାନ ରହିବା ସହ ଯାତ୍ରୀ ମାନେ ମଧ୍ୟ ୟାତାୟତ ପାଇଁ ସେହି ସ୍ଥାନରେ ହିଁ ରହନ୍ତି ! ସେହି ପରି ଭାବେ କୁନ୍ଦୁରା ରାସ୍ତା ଦେଇ ପ୍ରତିଦିନ ଅନେକ ଲୋକେ ଡାକ୍ତରଖାନା ଯିବା ଆସିବା କରିବା ସହିତ ଆମ୍ବୁଲାନ୍ସ ମଧ୍ୟ ୟାତାୟତ କରିବା ସମୟରେ ଗୌଡସାହି ର ତ୍ରିନାଥ ମନ୍ଦିର ଛକରେ ବି ସବୁଦିନିଆ ଭିଡ ଦେଖିବାକୁ ମିଳେ । ପର୍ବପର୍ବାଣୀ, ପୂଜା, କୌଣସି ଆନ୍ଦୋଳନ, ସମାବେଶ ତଥା ଯାତ୍ରା ସମୟରେ ସହରରେ ଟ୍ରାଫିକ ବ୍ୟବସ୍ଥା ବେହାଲ ହୋଇଯାଏ । ସେହି ସମୟରେ ଟ୍ରାଫିକ ନିୟନ୍ତ୍ରଣ କରିବା ପାଇଁ ନିୟୋଜିତ ଥିବା ପୋଲିସ ଓ ହୋମଗାର୍ଡ ଙ୍କ ପାଇଁ ମୁଣ୍ଡ ଘବରାଇ ଯାଏ । ତେଣୁ ବୈପାରିଗୁଡା ର ମୁଖ୍ୟ ମୁଖ୍ୟ ଛକରେ ଟ୍ରାଫିକ ସିଗ୍ନାଲ୍ ଲଗାଇବା ସହିତ ଜଣେ ଜଣେ କର୍ମଚାରୀ ଙ୍କୁ ଟ୍ରାଫିକ ଦାୟିତ୍ୱରେ ରଖାଯିବା ନେଇ ସବୁ ସମୟରେ ମତ ପ୍ରକାଶ ପାଇଲେ ମଧ୍ୟ ପ୍ରଶାସନ ତରଫରୁ କାର୍ଯ୍ୟକାରୀ ଶୂନ !
ସିଗ୍ନାଲ୍ ଥିଲେ ସେମାନେ ତଦାରଖ କରିବା ସହ ଭିଡ ମଧ୍ୟ ନିୟନ୍ତ୍ରଣ କରି ଲୋକଙ୍କୁ ସଚେତନ କରିପାରିଥାନ୍ତି । ବେଳେ ବେଳେ ବିଭିନ୍ନ ସମୟରେ ଦୁର୍ଘଟଣା ମଧ୍ୟ ମୁଖ୍ୟଛକ ର ଆଖପାଖରେ ଘଟୁ ଥିବାର ନଜର ରହିଛି । ସକାଳ ଓ ରାତ୍ରି ତୁଳନାରେ ଅପରାହ୍ନ ଓ ସନ୍ଧ୍ୟା ସମୟ ରେ ହିଁ ଟ୍ରାଫିକ ନିୟନ୍ତ୍ରଣ କରିବା ଚେଲେଞ୍ଜ ସଦୃଶ ହୋଇପଡିଛି । କାରଣ ସ୍କୁଲ ଓ କଲେଜ ଛୁଟି ହେଉଥିବା ବେଳେ କିଛି ବିଦ୍ୟାତି ମାନେ ବାଇକ ଧରି ରାସ୍ତା ଉପରେ ଠିଆ ହେଉଥିବା ବେଳେ ସଂନ୍ଧ୍ୟାରେ ଯାନବାହାନ ପାଇଁ ଟ୍ରାଫିକ୍ ଜାମ୍ ହେଉଥିବାର ଦେଖାଯାଉଛି ! ଏ ସମସ୍ତ ଘଟଣା ଉପରେ ପ୍ରଶାସନ ଓ ରାଜ୍ୟ ସରକାର ସତନ୍ତ୍ର ଦୁଷ୍ଟି ଦେବାକୁ ସାଧାରଣ ରେ ଦାବି ହେଉଛି !
