ବୈପାରିଗୁଡା ଠାରେ ଓକିଲ ସଂଘ ପକ୍ଷରୁ ମଧୁବାବୁ ଜୟନ୍ତୀ ପାଳିତ

ଓଡ଼ିଶା ତାଜା ନ୍ୟୁଜ୍ /୨୯ ଏପ୍ରିଲ ଶୁକ୍ରବାର / ବୈପାରିଗୁଡା : – ସ୍ୱତନ୍ତ୍ର ଓଡିଶା ପ୍ରଦେଶ ନିର୍ମାଣ ଆନ୍ଦୋଳନର ପ୍ରମୁଖ ଆଗଧାରିରେ ରହିଥିବା ଉତ୍କଳ ଗୌରବ ମଧୁସୂଦନ ଦାସଙ୍କ ୧୭୪ ତମ ଜୟନ୍ତୀ ବୈପାରିଗୁଡା ବ୍ଲକ ଓକିଲ ସଂଘ ପକ୍ଷରୁ ବୈପାରିଗୁଡା ସ୍ଥିତ ଡାକବଙ୍ଗଳା ଠାରେ ଜୟନ୍ତୀ ଉତ୍ସବ ପାଳନ କରିଥିବାର ଦେଖାଯାଇଛି । ଉତ୍କକ ଗୌରବ ମଧୁସୂଦନ ଦାସଙ୍କ ଜୟନ୍ତୀ ଉତ୍ସବ ପାଳନ କରିବା ସହିତ ଉତ୍କକ  ଗୌରବ ମଧୁସୂଦନ ଦାସଙ୍କ ଫୋଟଚିତ୍ରରେ ପ୍ରଥମେ ପୁଷ୍ଣ ମାଲ୍ୟାର୍ପଣ  କରି ଏକ ସ୍ମୃତି ସଭା ଆୟୋଜନ କରିଥିଲେ ବୈପାରିଗୁଡା ବ୍ଲକର ଆଇନଜୀବୀ ସଦସ୍ୟ । ଓକିଲ ସଂଘ ସଭାପତି ଗୌର ଚନ୍ଦ୍ର ପାତ୍ର ଓ ଅନ୍ୟ ଓକିଲ ମାନେ ମଧ୍ୟ ଉତ୍କଳ ଗୌରବ ମଧୁସୂଦନ ଦାସଙ୍କ ଜୀବନ ଧାରା ଉପରେ ଜଣେ ପରେ ଜଣେ ଆଇନଜୀବୀ ମାନେ ମତବକ୍ତ କରିଥିଲେ ।

ସେହି ପରି ଭାବେ ଯେଉଁଭଳି ମଧୁସୂଦନ ଦାସ ଅନ୍ୟାୟ ବିରୁଦ୍ଧରେ ଲଢେଇ କରି ନିଜର ପାରଦର୍ଶତା ଦେଖାଇ ଯାଇଛନ୍ତି , ସେହି ଆଧାରରେ ବର୍ତମାନର ଓକିଲ ପିଢି ସ୍ୱାଭିମାନ ଓ ନ୍ୟାୟ ପ୍ରଦାନ ସହିତ ସମାଜର ପ୍ରତ୍ୟେକ ଶ୍ରେଣୀର ଲୋକଙ୍କୁ ନ୍ୟାୟ ପ୍ରଦାନ କ୍ଷେତ୍ରରେ ସମସ୍ତ ଓକିଲମାନଙ୍କୁ ଆହ୍ନାନ ଦେଇଥିଲେ ।  ଏହି କାର୍ଯ୍ୟକ୍ରମରେ ଆଇନଜୀବୀ ସଭାପତି ଗୌର ଚନ୍ଦ୍ର ପାତ୍ର , ବିଶ୍ୱଜୀତ ନାୟକ , ପି.ରମେଶ ପାତ୍ର , ଚିତରଞ୍ଜନ ପାଳ , ଭୁବୁନି ପଣ୍ଡା , ବିରୋନ ମହାପାତ୍ର , ମନୋଜ ମହାପାତ୍ର , ଦିଲ୍ଲୀପ ମହାନ୍ତି , କାଲିଆ ଜେନା ଙ୍କ ସହିତ ବହୁ ଓକିଲ ମାନେ ଅଂଶ ଗ୍ରହଣ କରି ଆଲୋଚନାରେ କରିଥିଲେ ।