ମଣ୍ଡଳ ସ୍ତରୀୟ ବିଜ୍ଞାନ, ଗଣିତ, ଓ ପରିବେଶ ପ୍ରଦର୍ଶନୀ ଆୟୋଜିତ

ଓଡ଼ିଶା ତାଜା ନ୍ୟୁଜ୍ /୨୫ ଏପ୍ରିଲ ସୋମବାର/ ମାହାଙ୍ଗା :- ମାହାଙ୍ଗା ବ୍ଲକ ଅନ୍ତର୍ଗତ ରଘୁନାଥ ନୋଡାଲ୍ ବିଦ୍ୟାଳୟ କୋଠପଦା ଠାରେ ମଣ୍ଡଳ ସ୍ତରୀୟ ବିଜ୍ଞାନ, ଗଣିତ ଓ ପରିବେଶ ପ୍ରଦର୍ଶନ ମେଳା ଆଜି ମହା ସମାରୋହରେ ସମାହିତ ହୋଇଯାଇଛି । ଏହି କାର୍ଯ୍ୟକ୍ରମ କୁ ଓଡିଶାର ମାନ୍ୟବର ପଞ୍ଚାୟତିରାଜ, ଆଇନ, ନଗରଉନ୍ନୟନ ଓ ପାନୀୟ ଜଳଯୋଗାଣ ମନ୍ତ୍ରୀ ଶ୍ରୀ ପ୍ରତାପ ଜେନା ସାମୁହିକ ଭାବେ ଉଦଘାଟନ କରିଥିଲେ ।

ଅନ୍ୟ ମାନଙ୍କ ମଧ୍ୟରେ କଟକ ଜିଲ୍ଲା ଶିକ୍ଷା ଅଧିକାରୀ ଶ୍ରୀ କୃଷ୍ଣଚନ୍ଦ୍ର ନାୟକ ବ୍ଲକ ଶିକ୍ଷା ଅଧିକାରୀ ଚକ୍ରଧର ବେହେରା, ମାହାଙ୍ଗା ବ୍ଲକ ଉପାଧ୍ୟକ୍ଷା ଦୀପା ମଲ୍ଲିକ, କୁହୁଣ୍ଡା ଗ୍ରାମ ପଞ୍ଚାୟତ ସରପଞ୍ଚ ନଳିନୀ ପ୍ରଧାନ, ସମିତି ସଭ୍ୟା ସୁପ୍ରଭା ସାମଲ ପ୍ରମୁଖ ଉପସ୍ଥିତ ରହି ଏହି ମେଳାରେ ଭାଗ ନେଇ ଥିବା 108 ଜଣ ପ୍ରତିଯୋଗୀ ଙ୍କୁ ଉତ୍ସାହିତ

କରିବା ସହ ଏହି ଭଳି ବିଜ୍ଞାନ ମେଳା ରେ ଭାଗ ନେଇଥିବା ପିଲା ଙ୍କ ମଧ୍ୟରୁ ବହୁ ପ୍ରତିଭାବାନ ବ୍ଯକ୍ତି ଯେ ଦିନେ ଆଖିଦୃଶିଆ କାମ କରି ଆମ ରାଜ୍ୟର ବିକାଶ ପାଇଁ ପଦକ୍ଷେପ ନେବେ ବୋଲି ମତ ଦେଇଥିଲେ । ଶେଷରେ ଜିଲ୍ଲା ବିଜ୍ଞାନ ସଂଯୋଜକ ଅକ୍ଷୟ ନନ୍ଦ ଧନ୍ୟବାଦ ଅର୍ପଣ କରିଥିଲେ ।