ଖରସ୍ରୋତା ନଦୀର ଯୋକଡିଆ ଘାଟରେ ତରାପୁର ମା’ହିଙ୍ଗୁଳାଙ୍କ ଯଜ୍ଞଭଷ୍ମ ବିସର୍ଜନ

ଓଡ଼ିଶା ତାଜା ନ୍ୟୁଜ୍ /୨୩ ଏପ୍ରିଲ ଶନିବାର /କୋରାଇ :- ଲକ୍ଷ୍ମୀନଗର ପଂଚାୟତ ସ୍ଥିତ ଆଂଚଳିକ ହିଙ୍ଗୁଳା କମିଟ ତରାପୁର ଠାରେ ଚାଲିଥିବା ୮୬ତମ ମା’ ହିଙ୍ଗୁଳା ଦେବୀଙ୍କର ଘୃତଯଜ୍ଞ ଓ ନାମଯଜ୍ଞ ଉତ୍ସବ ୨୧ତାରିଖ ଶେଷ ହୋଇଥିଲା ବେଳେ ଆଜି(୨୩ତାରିଖ ଶନିବାର) ଯଜ୍ଞ ଭଷ୍ମକୁ ପବିତ୍ର ବ୍ରାହ୍ମଣୀନଦୀର ଶାଖା ଖରସ୍ରୋତା ଜଳରେ ବିସର୍ଜନ କରାଯାଇଛି । ଦୀର୍ଘ ୯ଦିନ ବ୍ୟାପୀ ମା’ ହିଙ୍ଗୁଳାଙ୍କ ପୂଜାର ଯଜ୍ଞ ଗତ ଶୁକ୍ରବାର ଆରମ୍ଭ ହୋଇ ବୁଧବାର ପୂର୍ଣ୍ଣାହୁତି ହୋଇଥିଲା । ପରେ ୨୪ପ୍ରହରି ନାମଯଜ୍ଞ ହୋଇ ନଗରଭ୍ରମଣ ଓ ଦଧିଭାଣ୍ଡ ଭଞ୍ଜନ ହୋଇ ଉଦ୍‌ଯାପିତ ହୋଇଛି । ଶନିବାର ଉତ୍ସବର ଅନ୍ତିମ ପର୍ଯ୍ୟାୟରେ ମା’ଙ୍କ ପୀଠରେ ପୂର୍ବାହ୍ଣରେ ବାଲ୍ୟଲିଳା ଆଦି ପୂଜାର୍ଚ୍ଚନା କରାଯାଇଥିଲା ।

ଏଥିରେ କର୍ତାଭାବେ ଉମାକାନ୍ତ ରାଉତ ଓ ତାଙ୍କ ସହଧର୍ମୀଣୀ ପ୍ରଭାତୀ ଦେବୀ ପୂଜାରେ ବସିଥିଲେ । ଅନୁଷ୍ଠିତ ପୂଜା ପରେ ଅପରାହ୍ଣରେ ଯଜ୍ଞଭସ୍ମକୁ ଶୋଭାଯାତ୍ରାରେ କମଟି ପକ୍ଷରୁ ନିଆଯାଇ ପବିତ୍ର ବ୍ରାହ୍ମଣୀ ନଦୀର ଶାଖା ଖରସ୍ରୋତା’ର ଯୋକଡିଆ(ଶ୍ରୀମନ୍ତପୁର) ଘାଟରେ ବିସର୍ଜ୍ଜନ କରାଯାଇଥିଲା । ଏହି କାର୍ଯକ୍ରମରେ କମିଟିର ସଭାପତି ପ୍ରଭାତକୁମାର ମଲ୍ଲିକ, ଉପସଭାପତି ଉମାକାନ୍ତ ରାଉତ, ଚକ୍ରଧର ପାଢି, ସଂପାଦକ ନନ୍ଦକିଶୋର ସାହୁ, ପୂର୍ବତନ ଉପସଭାପତି ରାମଚନ୍ଦ୍ର ପ…ୁ, ସହସଂପାଦକ ଅକ୍ଷୟକୁମାର ସାହୁ, ଯୁଗ୍ମସଂପାଦକ ଟୁକୁନା ବଳ,

କୋଷାଧ୍ୟକ୍ଷ ବାବନଚନ୍ଦ୍ର ମଲ୍ଲିକ, ପୁରୁଷୋତମ ନାୟକ, ସଞ୍ଜୟକୁମାର ନାୟକ, ମନୋହର ରାଉତ, ମଦନମୋହନ ବେହେରା, ବିନୋଦକୁମାର ଦାସ ପ୍ରମୁଖ ସିମିତ ସଦସ୍ୟଙ୍କ ଦ୍ୱାରା ସଂପାଦିତ ହୋଇଥିଲା । ୯ଦିନବ୍ୟାପୀ ଉତ୍ସବକୁ କମିଟିର ସମସ୍ତ କର୍ମକର୍ତା ଓ ସଦସ୍ୟଙ୍କ ସମେତ ତରାପୁର, ରାଧାନଗର, ଲକ୍ଷ୍ମୀନଗର, କୃ୩⁄୪ନଗର, ଭିକିପୁର, ବାଲିଆପଶି ଆଦି ସମଗ୍ର ଲକ୍ଷ୍ମୀନଗର ପଂଚାୟତର ଗ୍ରାମବାସୀ ପରିଚାଳନାରେ ସହଯୋଗ କରିଥିଲେ ।