ବ୍ଳକ ଉପାଧ୍ୟକ୍ଷା ଙ୍କ ବିଜୟ ଉତ୍ସବ ସହିତ ଦାୟିତ୍ୱ ଗ୍ରହଣ ,ବାଦ୍ୟ ନୃତ୍ୟ ରେ ଦୁଲୁକିଲା ବୈପାରିଗୁଡା ସହର

ଓଡ଼ିଶା ତାଜା ନ୍ୟୁଜ୍ (୩୦ ମାର୍ଚ୍ଚ ବୁଧବାର) ବୈପାରିଗୁଡା :- ସର୍ବ ଦଳୀୟ ସମର୍ଥନ ଓ ବିଜେଡି କୁ କଡାଟକ୍ଟର ଦେଇ ଉପାଧ୍ୟକ୍ଷା ପଦ ହାତେଇ ଥିବାରୁ ଆଜି ବିଜୟ ଉତ୍ସବ ପାଳନ କରିବା ସହିତ ଦାୟିତ୍ୱ ମଧ୍ୟ ଗ୍ରହଣ କରିଛନ୍ତି ବ୍ଲକ ଉପାଧ୍ୟକ୍ଷା ପୂର୍ଣ୍ଣମା ବାରିକ । କଂଗ୍ରେସ .ବିଜେପି , ଅସନ୍ତୋଷ ବିଜେଡି ଭଳି ସମସ୍ତ ଦଳର କର୍ମୀ ଓ ପଂଚାୟତବାସୀଙ୍କ ବହୁ ସମର୍ଥନ ଓ ବିଫୁଳ ଭୋଟରେ ବିଜୟୀ ହେବା ପରେ ପ୍ରାର୍ଥୀ ଓ ତାଙ୍କ ସମର୍ଥକ ମାନେ ବୈପାରିଗୁଡା ସ୍ଥିତ ପଶ୍ଚିମଶ୍ୱେର ମନ୍ଦିର ଠାରୁ ଏକ ସଭାଯାତ୍ରାରେ ବାହାରି ବୈପାରିଗୁଡା ରାସ୍ତାରେ ଖୁସି ମନାଇ ଥିବାର ଦୃଶ୍ୟ ଦେଖିବାକୁ ମିଳିଛି । ବାଦ୍ୟ ର ତାଳେତାଳେ ଢେମଷା ନୃତ୍ୟ କରି ସମର୍ଥକ ମାନେ ପଂଚାୟତ ସମିତି କାର୍ଯ୍ୟାଳୟ ଭିତରକୁ ପ୍ରବେଶ କରିଥିଲେ ।

ଏହି ବିଜୟୀ ଉତ୍ସବରେ ବ୍ଲକ ଉପାଧ୍ୟକ୍ଷାଙ୍କ ସହ ସର୍ବଦଳୀୟ ସମିତିସଭ୍ୟ ପ୍ରାର୍ଥୀ ମହୁଲି ପଚଂୟତର ଭକ୍ତିରାମ ହରିଜନ , ବୈପାରିଗୁଡା ପଚଂୟତର ମଞ୍ଜୁଲତା ପଟ୍ଟନାୟକ, କାଠପଡା ପଚଂୟତର ସୁବାସିନି ସାନ୍ତା , ମାଝୀଗୁଡା ପଚଂୟତର ପାର୍ବତୀ ଗାଦବା , କୋଲାର ପଚଂୟତର ଜଗନ୍ନାଥ ଖରା, ଦଶମନ୍ତପୁର ପଚଂୟତର ସାବିତୀ ନାୟକ , ଦଣ୍ଡାବାଡି ପଚଂୟତର ମାଧବ ଖରା , ରାମଗିରି ପଚଂୟତର ମୋହନଚାନ୍ଦ୍ର ମାଛ , କେନ୍ଦୁଗୁଡା ପଚଂୟତର ପୁଷ୍ପଞ୍ଜଳୀ ପାଲାମ ସହିତ କିଛି ପଂଚାୟତର ସରପଂଚ ମାନେ ସଭାଯାତ୍ରାରେ ସାମିଲ ହେଇଛନ୍ତି । ପ୍ରାର୍ଥୀ ଓ ସମର୍ଥକ ମାନଙ୍କ ପ୍ରତିକ୍ରିୟା ଅନୁସାରେ ଗତ ୫ ବର୍ଷ ରେ ମଧ୍ୟରେ ବ୍ଲକ ରେ ସେପ୍ରକାର କୌଣସି ଆଖି ଦୃଶିଆ ବିକାଶ ହୋଇ ନାହିଁ ତହା ଏହି ୫ ବର୍ଷ ଭିତରେ ସର୍ବଦଳୀୟ ପ୍ରାର୍ଥୀ ମାନେ କରିଦେଖାଇବେ ବୋଲି ପ୍ରକାଶ କରିଛନ୍ତି ।

ଏଥିରେ ଅନେକ ଯୋଗ୍ୟ ହିତାଧିକାରୀ ମାନେ ଆବାସ ଯୋଜନା ଘର ଠାରୁ ଆରମ୍ଭ କରି ବିଭିନ୍ନ ଜନହିତକର ଯୋଜନା ଗୁଡିକ ରୁ ବଂଚିତ ହୋଇବେ ନାହିଁ ସେଥିପ୍ରତି ଦୃଷ୍ଟି ଦେବା ସହିତ ଅଂଚଳର ବିକାଶ ପାଇଁ ଆସୁଥିବା ରାଜ କୋଷର କୋଟି କୋଟି ଟଙ୍କାର ଦୁର୍ନିତୀ କୁ ରଖିବା ହିଁ ମୋର କର୍ତ୍ୟବ ବୋଲି ତାଙ୍କ ପ୍ରତିକ୍ରିୟାରେ କହିଛନ୍ତି ନବନିର୍ବାଚିତ ସମିତିସଭ୍ୟ ମାନେ । ଲୋକ ଯେପରି ତାଙ୍କୁ ବିଶ୍ୱାସ କରି ବିଫୁଳ ସଂଖ୍ୟା ରେ ଭୋଟ ଦେଇ ବିଜୟୀ କରିଛନ୍ତି , ସେହି ଭଳି ଲୋକ ଙ୍କ ସହିତ ମିଳି ମିଶି ସୁଖ ଓ ଦୁଃଖ ର ସାଥି ହୋଇ ରହିବେ ବୋଲି କହିଛନ୍ତି । ତେବେ ଦେଖିବାକୁ ବାକି ରହିଲା ଆଗାମୀ ଦିନରେ ନୂତନ ସରପଂଚ ଓ ସମିତିସଭ୍ୟ ପଂଚାୟତ ବାସୀର କେତେ ବିକାଶ କରିପାରୁଛନ୍ତି ।