ଘର କୁ ଘର ବୁଲି ବୁଲି ଭୋଟ ଭିକ୍ଷା କରୁଛନ୍ତି ବିଜେପି ପ୍ରାର୍ଥୀ ଓ ଦଳୀୟ ନେତା

ଓଡ଼ିଶା ତାଜା ନ୍ୟୁଜ (୧୩ ଫ୍ରେବୃଆରୀ ,ରବିବାର ) ବୈପାରିଗୁଡା :- ତ୍ରିସ୍ତରୀୟ ନିର୍ବାଚନ ତାରିଖ ଯେତେ ପାଖଇ ଆସୁଛି ସେତେ ରାଜନୈତିକ ଦଳ ଭିତରେ ଭୋଟର ଙ୍କ ନିକଟକୁ ଯାଇ ନିଜ ଦଳ ପାଇଁ ଭୋଟ ଭିକ୍ଷା କରୁଥିବାର ଦେଖାଯାଇଛି ! ବୈପାରିଗୁଡା ଜୋନ୍-୧ ର ବିଜେପି ଦଳର ଜିଲ୍ଲାପରିଷଦ ପ୍ରାର୍ଥୀ ସୁରେଶ ହରିଜନ ଓ ଦଳୀୟ କର୍ମୀ ମାନେ ଆଜି ବୈପାରିଗୁଡା ଗ୍ରାମର ଘରକୁ ଘର ବୁଲି ସୁରେଶ ହରିଜନ ଙ୍କୁ ବିପୁଳ ଭୋଟରେ ବିଜୟୀ କରିବା ପାଇଁ ପଞ୍ଚାୟବାସୀଙ୍କୁ ନିବେଦନ କରିଥିଲେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ବୈପାରିଗୁଡା ପ୍ରଭାରୀ ପୂର୍ଣ୍ଣମା ନାୟକ । କୋରାପୁଟ ଜିଲ୍ଲା ବୈପାରିଗୁଡା ବ୍ଲକରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ବିଜେପି ଦଳ ପକ୍ଷରୁ ଘରକୁ ଘର ,ସାହି , ଦୋକାନ ବଜାର ବୁଲି ବୁଲି ଭୋଟ ଭିକ୍ଷା କରୁଥିବା ଦେଖିବାକୁ ମିଳିଛି ।

ଜିଲ୍ଲା ପରିଷଦ ପ୍ରାର୍ଥୀ ସୁରେଶ ହରିଜନ ଦଳୀୟ ଚିହ୍ନ ର କାର୍ଡ ଦେଖାଇ ଗ୍ରାମର ପ୍ରତ୍ୟେକ ସାହି ଓ ଘର ଘର ବୁଲି ଭୋଟ ମାଗୁଛନ୍ତି । ଏଥିରେ ବିଜେପି ମଣ୍ଡଳ ସଭାପତି ଉମେଶ ପଟ୍ଟନାୟକ, ଜିଲ୍ଲା ସମ୍ପାଦକ ଚନ୍ଦ୍ର ଶେଖର ରଥ,ପୂର୍ବତନ ବ୍ଲକ ମଣ୍ଡଳ ସଭାପତି ଏନ ହରିପ୍ରସାଦ, ବରିଷ୍ଟ କର୍ମୀ ମନୋଜ ନାୟକ, ଠାକୁର ପାଇକ, ରାଜେନ୍ଦ୍ର ମହାଙ୍କୁଡ ,ମହିଳା ନେତ୍ରୀ ମନ୍ଦାକିନି ପାଇକ ପ୍ରମୁଖ ଉପସ୍ଥିତ ରହି ଭୋଟ ଭିକ୍ଷା କରୁଥିବା ଦେଖିବାକୁ ମିଳିଛି । ସେ ନିଜ ଦଳୀୟ ପତାକା ଗ୍ରାମର ପ୍ରତ୍ୟେକ ଗଳି କନ୍ଦିରେ ତୋରଣ ମଧ୍ୟ ଲଗାଇ ପ୍ରଚାର ଆରମ୍ଭ କରିଛନ୍ତି । ବିଜେପି ପ୍ରଚାର ଆରମ୍ଭ କରିଥିବା ବେଳେ ଅନ୍ୟ ଦଳ ପ୍ରଚାର ପାଇଁ ସଜବାଜ ହେଉଥିବା ଦେଖିବାକୁ ମିଳିଛି ।