ଦୁଇ ଦିନିଆ ନକ ଆଉଟ୍ ଫୁଟବଲ ଟୁର୍ଣ୍ଣାମେଣ୍ଟ – ନର୍ଲା ଏଫ୍ ସି ଟ୍ରଫି ଉଦଘାଟନ

ଓଡ଼ିଶା ତାଜା ନ୍ୟୁଜ୍ (୩୧ ଜାନୁଆରୀ ସୋମବାର ) କଳାହାଣ୍ଡି :- ସ୍ଥାନୀୟ ସ୍ମାର୍ଟ ହାଇସ୍କୁଲ ଖେଳ ପଡ଼ିଆରେ ଗ୍ରାମାଞ୍ଚଳ ଫୁଟବଲ ଟୁର୍ଣ୍ଣାମେଣ୍ଟ ଏଫ୍ ସି ଟ୍ରଫି ଉଦଘାଟନ ହୋଇଯାଇଛି । ଏହି ଖେଳରେ ମୋଟ ୮ଟି ଦଳ ଯୋଗ ଦେଇଥିବା ବେଳେ ପୁଲ ଏ ରେ ଗାଡେବନ୍ଧ ଦଳ ଗୁପଟି ଦଳକୁ ହରାଇ ସେମିଫାଇନାଲରେ ପହଞ୍ଚିଛି । ସେହିପରି ନର୍ଲା ଦଳ ଧାମନଖୁଣ୍ଟି ଦଳକୁ ଟ୍ରାଇ ବ୍ରକରରେ ୧/୦ ଗୋଲରେ ହରାଇ ସେମିଫାଇନାଲକୁ ପ୍ରବେଶ କରିଛି । ପୁଲ ବିରେ ଡୋଙ୍ଗାପଟା ଦଳ ସହିତ ଖମନପଡା ଦଳ ଓ ଗୁଣାଙ୍ଗଦଳ ସହିତ ପିପଲଭାଡି ଦଳ ସହିତ ଖେଳିବ ।

ଉଦଘାଟନୀ ଦିବସରେ ମୁଖ୍ୟ ଅତିଥି ରୂପେ ସଦର ଅବକାରୀ ବିଭାଗର ଇନ୍ସପେକ୍ଟର ତିଲେକରାମ ନାଏକ, ସମ୍ମାନିତ ଅତିଥି ଭାବେ ବନପାଳ ଭବାନୀ ନାଏକ ଯୋଗଦାନ କରିଥିଲେ । ଉଦଘାଟନୀ ଖେଳରେ ଖେଳକୁ ବଳଭଦ୍ର ପାତ୍ର ପରିଚାଳନା କରିଥିବା ବେଳେ ଲାଇନରେ ହୃଷିକେଶ ମାଝୀ ଓ ଭକ୍ତ ଚରଣ ମାଝୀ ସହଯୋଗ କରିଥିଲେ । ଏଫ୍ ସି କ୍ଲବ ତରଫରୁ ମଣ୍ଟୁ ପୁଝାରୀ, ଗୁଗୁଲ ମାଝୀ,ରାଜୁ ସାହାଣୀ, ପିଙ୍କୁ ପୋଢ,ଚକ୍ର ଗଉଡ ପ୍ରମୁଖ ଉପସ୍ଥିତ ଥିଲେ ।