ଭୁବନେଶ୍ୱର, ରିପୋର୍ଟ – ଅଭିମନ୍ୟୁ ମହାରଣା ( ଓଡିଶା ତାଜା ନ୍ୟୁଜ୍ ) ଏସ୍ବିଆଇ ଲାଇଫର ନୂଆ ବ୍ୟବସାୟିକ ପ୍ରିମିୟମରେ ୨୦ % ବୃଦ୍ଧି , ୬ ମଇ, ବୁଧବାର :- ମୁମ୍ବାଇ, ମାର୍ଚ୍ଚ ୩୧ ତାରିଖ ସୁଦ୍ଧା ଶେଷ ହୋଇଥିବା ଆର୍ଥିକ ବର୍ଷରେ ଏସ୍ବିଆଇ ଲାଇଫ ଇନସ୍ୟୁରାନ୍ସର ନୂଆ ବ୍ୟବସାୟିକ କିସ୍ତି କ୍ଷେତ୍ରରେ ୨୦% ଅଭିବୃଦ୍ଧି ଘଟି ଏହା ୧୬,୫୯୨ କୋଟି ଟଙ୍କା ହୋଇଛି । ପୂର୍ବ ଆର୍ଥିକ ବର୍ଷରେ ନୂଆ ବ୍ୟବସାୟିକ କିସ୍ତି ପରିମାଣ ୧୩,୭୯୨ କୋଟି ଟଙ୍କା ଥିଲା । ଏସ୍ବିଆଇ ଲାଇଫସ୍ ପ୍ରୋଟେକସନର ନୂଆ ବ୍ୟବସାୟିକ କିସ୍ତି ପରିମାଣ ଚଳିତ ଆର୍ଥିକ ବର୍ଷରେ ୨୭% ବୃଦ୍ଧି ପାଇ ୨୦୮୨ କୋଟି ଟଙ୍କା ହୋଇଛି । ପୂର୍ବବର୍ଷ ଏହି ପରିମାଣ ୧୬୪୩ କୋଟି ଟଙ୍କା ଥିଲା ।
ଚଳିତ ବର୍ଷ ବ୍ୟକ୍ତିଗତ ନୂଆ ବ୍ୟବସାୟିକ କିସ୍ତି ସଂଗ୍ରହ ପରିମାଣ ୧୭% ବୃଦ୍ଧି ପାଇ ୧୧,୨୪୫ କୋଟି ଟଙ୍କା ହୋଇଛି ଯାହା ପୂର୍ବବର୍ଷ ୯୬୩୬ କୋଟି ଟଙ୍କା ଥିଲା । ଚଳିତ ବର୍ଷ ଟିକସ ବାଦେ ଏସ୍ବିଆଇ ଲାଇଫର ଲାଭ ୧୪୨୨ କୋଟି ଟଙ୍କା ହୋଇଛି । କଂପାନୀର ସଲଭେନ୍ସୀ ଅନୁପାତ ୧.୯୫ ରହିଛି । ଏସ୍ବିଆଇ ଲାଇଫସ୍ ଏୟୁଏମ ଚଳିତ ବର୍ଷ ୧୪% ବୃଦ୍ଧି ପାଇ ୧୬୦୩୬୩ କୋଟି ଟଙ୍କାରେ ପହଞ୍ଚିଛି ଯାହା ୨୦୧୯ ମାର୍ଚ୍ଚ ୩୧ ତାରିଖ ସୁଦ୍ଧା ୧୪୧୦୨୪ କୋଟି ଟଙ୍କା ଥିଲା । ଦେଶବ୍ୟାପୀ କଂପାନୀର ୯୩୭ଟି କାର୍ଯ୍ୟାଳୟ ଥିବାବେଳେ ୧୮୬୪୯୫ ଜଣ ତାଲିମପ୍ରାପ୍ତ ବୀମା ପେଶାଦାର କାର୍ଯ୍ୟରତ ଅଛନ୍ତି । ଏଥିସହ ବାଙ୍କାସ୍ୟୁରାନ୍ସ, ଏଜେନ୍ସୀ ଚ୍ୟାନେଲ, ଏଜେଣ୍ଟ, ବ୍ରୋକର, କମନ ସର୍ଭିସ ସେଣ୍ଟର ଆଦି କାର୍ଯ୍ୟରତ ଅଛନ୍ତି । କଂପାନୀର କାର୍ଯ୍ୟକାରୀ ବ୍ୟୟ ଅନୁପାତ ୬.୩% ରୁ ହ୍ରାସ ପାଇ ୫.୯% ହୋଇଛି । ନୂଆ ବ୍ୟବସାୟିକ ମୂଲ୍ୟରେ ୧୭% ବୃଦ୍ଧି ଘଟି ଏହା ୨୦.୧ ବିଲିୟନ ହୋଇଛି ।
