No Result
View All Result
ଓଡ଼ିଶା ତାଜା ନ୍ୟୁଜ୍ (୧୧ ଡିସେମ୍ବର ଶନିବାର ) ବରଗଡ଼ :- ବିଶ୍ଵ ପ୍ରସିଦ୍ଧ ବରଗଡ ଧନୁଯାତ୍ରା ମହୋତ୍ସବ କୋଭିଡ କଟକଣା ଯୋଗୁଁ ଚଳିତବର୍ଷ ସ୍ଥଗିତ ରଖାଯାଇଛି। ଆଜି ଜିଲ୍ଲାପାଳ ଙ୍କ ସମ୍ମିଳନୀ କକ୍ଷଠାର ଆୟୋଜିତ ଧନୁଯାତ୍ରା କାର୍ଯ୍ୟକାରୀ କମିଟିର ବୈଠକ ଏହି ନିଷ୍ପତ୍ତି ଗ୍ରହଣ କରାଯାଇଥିଲା । ଧନୁଯାତ୍ରା ମହୋତ୍ସବ ସମିତି ର ଅଧକ୍ଷା ତଥା ବରଗଡ଼ ଜିଲ୍ଲାପାଳ ମନୀଷା ବାନାର୍ଜୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ରାଜ୍ୟ ସରକାରଙ୍କ କୋଭିଡ ଗାଇଡ ଲାଇନ ଅନୁସାରେ ଯେହେତୁ ଧନୁଯାତ୍ରା ଭଳି ଏକ ବହୁଜନ ସମାଗମ କାର୍ଯ୍ୟକ୍ରମ ଆୟୋଜନ ସମ୍ଭବ ପର ନୁହେଁ ତେଣୁ ଏହାକୁ ବର୍ତ୍ତମାନ ପାଇଁ ସ୍ଥଗିତ ରଖା ଯିବାକୁ ସ୍ଥିର କରିଯାଇଥିଲା ।
ଆସନ୍ତା ଜାନୁୟାରୀ ମାସ ଯଦି ନୂଆ ଗାଇଡ ଲାଇନ ଅନୁସାରେ ଏହା ଆୟୋଜନ କରିବା ସମ୍ଭବ ହେବ ତା ହେଲେ ଆଉ ଥରେ କାର୍ଯ୍ୟକାରୀ କମିଟିର ବୈଠକ ଅନୁଷ୍ଠିତ ହୋଇ ପରବର୍ତ୍ତୀ ନିଷ୍ପତ୍ତି ଗ୍ରହଣ କରାଯିବ ବୋଲି କମିଟି ର ଅଧ୍ୟକ୍ଷା ତଥା ଜିଲ୍ଲାପାଳ ମନୀଷା ବାନାର୍ଜୀ ସୂଚିତ କରିଥିଲେ। ତେବେ ବର୍ତ୍ତମାନ ପାଇଁ ଧନୁଯାତ୍ରା ସ୍ଥଗିତ ରଖାଯାଇଛି ବୋଲି କହିଥିଲେ। ବୈଠକ ରେ ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋ, ଡେପୁଟି କଲେକ୍ଟର ସୁମତି ପଣ୍ଡା,ଧନୁଯାତ୍ରା ମହୋତ୍ସବ ସମିତି ର ସମ୍ପାଦକ ସୁରେଶ୍ଵର ଶତପଥୀ, ବରିଷ୍ଠ ଆଇନଜୀବି ଅଚ୍ୟୁତାନନ୍ଦ ମହାପାତ୍ର, ପ୍ରଭାତାଦିତ୍ୟ ମିଶ୍ର, ଅଶୋକ ବେହେରା, ଗୋପାଳ ଦାସ, ନେହେରୁ ସରାଫ ପ୍ରମୁଖ ଉପସ୍ଥିତ ଥିଲେ।
No Result
View All Result