ଆନ୍ତଜାତୀୟ ଦିବ୍ୟାଙ୍ଗ ଦିବସରେ ଛାତ୍ରଛାତ୍ରୀଙ୍କୁ ପ୍ରଶାସନର ସହାୟତା

ଓଡ଼ିଶା ତାଜା ନ୍ୟୁଜ୍ (୦୩ ଡିସେମ୍ବର ଶୁକ୍ରବାର ) ବୈପାରିଗୁଡା :- ପ୍ରତି ବର୍ଷ ଆଜିର ଦିନରେ ଆନ୍ତର୍ଜାତୀୟ ଦିବ୍ଯାଙ୍ଗ ଦିବସ ସାରା ରାଜ୍ଯ ପାଳନ କରୁଥିବା ବେଳେ ବୈପାରିଗୁଡା ବ୍ଲକରେ କିଛି ନିଆରା ଭାବେ ପାଳନ କରାଯାଇଛି ! ବୈପାରିଗୁଡା ଶିକ୍ଷାବିଭାଗ ପକ୍ଷରୁ ଆଜି ଆନ୍ତର୍ଜାତୀୟ ଦିବ୍ଯାଙ୍ଗ ଦିବସରେ ଏକ ରାଲି ବାହାରି ବୈପାରିଗୁଡା ସହର ପରିକ୍ରମା କରିଥିବା ବେଳେ ବ୍ଲକ ପ୍ରଶାସନ ପକ୍ଷରୁ ବିଦ୍ଯାଳୟରେ ଶିକ୍ଷାଆଧିନୟ କରୁଥିବା ୧୭ ଜଣ ଦିବ୍ଯାଙ୍ଗ ଶିଶୁ କୁ ହୁଇଲ ଚଉକି ପ୍ରଦାନ କରାଯାଇଛି !

ଦିବ୍ଯାଙ୍ଗ ଛାତ୍ରଛାତ୍ରୀ ମାନେ ବଡକଷ୍ଟରେ ଯିବାଆସିବା କରୁଥିବାର ସେମାନଙ୍କୁ ଆଜିର ଦିନରେ ଏହି ଚଉକି ପ୍ରଦାନ କରାଗଲା ବୋଲି ପ୍ରକାଶ କରିଛନ୍ତି ଅତିଥି ମାନେ ! ବର୍ଷସାରା ଦିବ୍ୟାଙ୍ଗ ମାନେ ନାହିଁ ନଥିବା ଅସୁବିଧାର ସମ୍ମୁଖିନ ହେଉ ଥିବା ବେଳେ ସେଥି ମଧ୍ଯରୁ ୧୭ ଜଣ ଦିବ୍ୟାଙ୍ଗଙ୍କୁ ବ୍ଲକ ପ୍ରଶାସନ ଓ ଶିକ୍ଷା ବିଭାଗ ପକ୍ଷରୁ ସହାୟତା ପ୍ରଦାନ କରାଯାଇଛି । 

ଏହି କାର୍ଯ୍ୟକ୍ରମରେ ବୈପାରିଗୁଡା ବିଡିଓ ଅଭିମନ୍ଯୁ କବି ଶତପଥି, ବ୍ଲକ ସାମାଜିକ ସୁରକ୍ଷା ଅଧିକାରୀ କାର୍ତ୍ତିକ ପାଢୀ, ଗୋଷ୍ଠୀ ଶିକ୍ଷାଅଧିକାରୀ ସୁଧିର ଚନ୍ଦ୍ର ରଥ ପ୍ରମୁଖ ଉପସ୍ଥିତିରେ ଛୋଟଛୋଟ ଶିଶୁ ମାନଙ୍କୁ ହୁଇଲ ଚଉକି ପ୍ରଦାନ କରାଯାଇଛି !