ନର୍ଲା ଠାରେ ବିଶ୍ଵ ଏଡ଼ସ ଦିବସ ଉପଲକ୍ଷେ ମିନି ମାରାଥନ

ଓଡ଼ିଶା ତାଜା ନ୍ୟୁଜ୍ (୧ ଡିସେମ୍ବର ବୁଧବାର ) କଳାହାଣ୍ଡି :- ବିଶ୍ଵ ଏଡ଼ସ ଦିବସ ଉପଲକ୍ଷେ ନର୍ଲା ଯୁବ ସଂଗଠନ ଓ ଆରୋଗ୍ୟ ନୀତି ତରଫରୁ ଏକ ମିନି ମାରାଥନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଗଣ ଦୌଡରେ ଓଡିଶାର ରାୟଗଡା ,ବଲାଙ୍ଗିର , ବରଗଡ଼ , କନ୍ଧମାଳ ଠାରୁ ୧୦୯ ଜଣ ଯୁବକ ଯୋଗ ଦେଇଥିଲେ । ଏହି ଗଣଦୌଡ ବାଗପୁର ଠାରୁ ଆରମ୍ଭ ହୋଇ ନର୍ଲା ବସଷ୍ଟାଣ୍ଡ ଯାଏଁ ପ୍ରାୟ ୫ କିମି ପର୍ଯ୍ୟନ୍ତ ଦୌଡ ପ୍ରତିଯୋଗିତା ହୋଇଥିଲା ।

ପରେ ପଂଚାୟତ କମ୍ପ୍ଲେସ ଠାରେ ଯୁବ ସଂଗଠକ ଦିପୁ ପାତ୍ରଙ୍କ ଅଧକ୍ଷତାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଏଠାରେ ମୁଖ୍ୟ ଅତିଥି ଭାବେ ନର୍ଲା ଆଇଆଇସି ଶ୍ରୀମତୀ ରେଣୁକା ସୁନା ଓ ଏସଆଇ ବଂଶିଧର ସାମଲ ଯୋଗ ଦେଇଥିଲେ । ଏହି ଗଣ ଦୌଡରେ ପଙ୍କଜ ରଣା ପ୍ରଥମ ସ୍ଥାନ ଅଧିକାର କରିଥିବା ବେଳେ ନିରିନ୍ଦ୍ର ଗହିର ଦ୍ଵିତୀୟ ସ୍ଥାନ , ନେତ୍ରମଣି ଶବର ତୃତୀୟ ସ୍ଥାନ , ସୁନୀଲ ଶବର ଚତୁର୍ଥ ସ୍ଥାନ,ଜୟଶମ୍ଭୁ ନିଅ।ଳ ପଞ୍ଚମ ସ୍ଥାନ ଅଧିକାର କରିଥିଲେ ।

ଏହି ଉତ୍ତୀର୍ଣ୍ଣ ୫ ଜଣଙ୍କୁ ମୁଖ୍ୟ ଅତିଥିଙ୍କ ଦ୍ଵାରା ପୁରସ୍କୃତ କରାଯାଇଥିଲା । ନର୍ଲା ଯୁବ ସଂଗଠନ ତରଫରୁ ମୋହିତ କୁମାର ମିଶ୍ର ,ଟିଟୁ ମିଶ୍ର , ନିରଞ୍ଜନ ଜଡା ଓ କ୍ରିଡା ଶିକ୍ଷକ ନାରାୟଣ ପଧାନ, ସୁଧୀର ଧଙ୍ଗଡାମାଝୀ ଗଣ ଦୌଡରେ ସହଯୋଗ କରିଥିଲେ ।