କମର୍ଦ୍ଧା ପଞ୍ଚାୟତରେ ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା କାର୍ଡ ବଣ୍ଟନ

ଓଡ଼ିଶା ତାଜା ନ୍ୟୁଜ୍ (୦୯ ନଭେମ୍ବର ମଙ୍ଗଳବାର ) କଳାହାଣ୍ଡି :- ଲାଞ୍ଜିଗଡ଼ ବ୍ଲକ ଅନ୍ତର୍ଗତ କମର୍ଦ୍ଧା ପଞ୍ଚାୟତରେ ବିଜୁ ସ୍ଵାସ୍ଥ୍ୟ କାର୍ଡ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ କମର୍ଦ୍ଧା ରାଜସ୍ୱ ନୀରିକ୍ଷକ ଗଣେଶ୍ଵର ଭୋଇ ଯୋଗ ଦେଇ ଥିବା ବେଳେ ନୋଡାଲ ଅଫିସର ଭାବେ ମସ୍କାଗୁଡା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସତ୍ୟାନନ୍ଦ ବେରୁକ ଯୋଗ ଦେଇଥିଲେ । ପ୍ରଥମ ଦିବସରେ ୧୨୦ ଜଣ ହିତାଧିକାରୀଙ୍କୁ କାର୍ଡ ବଣ୍ଟନ କରାଯାଇଛି ।

ସେହିପରି କମର୍ଦ୍ଧା ପଞ୍ଚାୟତର ସମୁଦାୟ ୨୧ଟି ଗ୍ରାମର ୧୧୭୬ ଜଣ ହିତାଧିକାରୀଙ୍କୁ କାର୍ଡ ବଣ୍ଟନ କରାଯିବ । କାର୍ଯ୍ୟକ୍ରମଟିକୁ କମର୍ଦ୍ଧା ପଞ୍ଚାୟତର ନିର୍ବାହୀ ଅଧିକାରୀ ଗୈାରାଙ୍ଗ ମାଝୀ, ଯୋଗାଣ ସହାୟକ ସାଲେରୀ ରଂଜନ ମିଶ୍ର ପରିଚାଳନା କରିଥିବା ବେଳେ କମର୍ଦ୍ଧା ସରପଞ୍ଚ କାନ୍ତି ପାତ୍ର କାର୍ଡ ବଣ୍ଟନ ଶୁଭାରମ୍ଭ କରିଥିଲେ । ଦାୟିତ୍ଵରେ ଥିବା ଆଶା କର୍ମୀ, ଅଙ୍ଗନୱାଡି କର୍ମୀ, ଶିକ୍ଷକ ବିଭୂତି ଭୂଷଣ ତାଣ୍ଡି, ନିରଞ୍ଜନ ବୁଦ୍ଧିଆ, ଭୋଦେବ ନିଆଲ, ଝସକେତନ ବୁଦ୍ଧିଆ, ବିଷ୍ଣୁ ନାରାୟଣ ଭଞ୍ଜ, ଜିଓ ଟେଗର ପରେଶ ବୁଦ୍ଧିଆ ପ୍ରମୁଖ ଉପସ୍ଥିତ ଥିଲେ ।