ଭୁବନେଶ୍ୱର, ରିପୋର୍ଟ ( ଓଡିଶା ତାଜା ନ୍ୟୁଜ୍ ) ଭୋଡାଫୋନ୍ ଆଇଡିଆ,ଶନିବାର, ଏପ୍ରିଲ 18.4.2020 :- ଲକ୍ଡାଉନ୍ ସମୟରେ ଓଡ଼ିଶାବାସୀ ଯେଭଳି ଯୋଗାଯୋଗରେ ରହିପାରିବେ ସେଥିପାଇଁ ଭୋଡାଫୋନ୍ ଆଇଡିଆ ତରଫରୁ ବିଭିନ୍ନ ପ୍ରକାର ସେବାକୁ ଗ୍ରାହକମାନଙ୍କ ପାଖରେ ପହଂଚାଉଥିବା ବେଳେ ଡିଜିଟାଲ୍ ମାଧ୍ୟମରେ ରିଚାର୍ଜ କରିବାର ସୁବିଧା ପ୍ରଦାନ କରୁଛି । ଲକ୍ଡାଉନ୍ ଯୋଗୁଁ ଖୁଚୁରା ଦୋକାନଗୁଡ଼ିକ ବନ୍ଦ ହୋଇଯାଇଥିବାରୁ ଭୋଡାଫୋନ୍ ଆଇଡିଆ ତରଫରୁ ଫିଚର ଫୋନ୍ ଓ ସ୍ମାର୍ଟଫୋନ ବ୍ୟବହାର କରୁଥିବା ଗ୍ରାହକମାନଙ୍କୁ ବ୍ୟାଙ୍କ ଏଟିଏମ୍, ଆପ୍ ଏବଂ ୱେବସାଇଟ୍ ଜରିଆରେ ଶୀଘ୍ର ରିଚାର୍ଜ କରିବାର ସୁବିଧା ପ୍ରଦାନ କରୁଛି । ଏହି ପ୍ର୍ରକ୍ରିୟା ବୁଝିବାକୁ ବହୁତ ସହଜ ଓ ସରଳ । ଗ୍ରାହକମାନେ ସେମାନଙ୍କ ନମ୍ବରକୁ ଏଟିଏମ୍ ଜରିଆରେ ବ୍ୟବହାର କରିବା ବେଳେ ପ୍ରଥମେ ଏଟିଏମ୍ କାର୍ଟକୁ ଏଟିଏମ୍ ମେସିନ୍ରେ ଭର୍ତି କରିବାକୁ ହେବ । ଏହା ପରେ ରିଚାର୍ଜ ବିକଳ୍ପ ଚୟନ କରିବାକୁ ପଡ଼ିବ । ଏହା ପରେ ନିଜର ମୋବାଇଲ୍ ନମ୍ବର ଦେଇ ପିନ୍ ଦେବାକୁ ପଡ଼ିବ । ଯେତେ ଟଙ୍କାର ରିଚାର୍ଜ କରିବାକୁ ଚାହୁଛନ୍ତି ତାହା ଲେଖିବା ପରେ ଏଟଂର୍ ବଟନ୍ ଦବାଇବାକୁ ହେବ । ଏହା ପରେ ବ୍ୟାଙ୍କ ଖାତାରୁ ଟଙ୍କା କଟିଯିବ ଓ ଏସ୍ଏମ୍ଏସ୍ ଜରିଆରେ ତାହାର ସୂଚନା ମିଳିଯିବ । ସେହିପରି ଆପ୍ ଜରିଆରେ ରିଚାର୍ଜ କରିବାକୁ ଚାହୁଁଥିବା ଗ୍ରାହକମାନେ ମାଇଁ ଭୋଡ଼ାଫୋନ୍ ଆପ୍ ଓ ମାଇଁ ଆଇଡିଆ ଆପ୍କୁ ବ୍ୟବହାର କରିପାରିବେ । ଅନ୍ୟଥା ଫୋନ୍ପେ, ପେଟିଏମ୍, ଆମାଜନ୍ ଭଳି ତୃତୀୟ ପକ୍ଷର ଆପ୍ ଜରିଆରେ ମଧ୍ୟ ଫୋନ୍ ରିଚାର୍ଜ କରିହେବ । ଗ୍ରାହକମାନେ ଭୋଡାଫୋନ୍ର ୱେବସାଇଟ ଙ୍ଗଙ୍ଗଙ୍ଗ.ଙ୍ଖକ୍ଟୟବଲକ୍ଟଦ୍ଭର.ସଦ୍ଭ ଓ ଆଇଡିଆର ୱେବସାଇଟ୍ ଙ୍ଗଙ୍ଗଙ୍ଗ.ସୟରବମରକ୍ଷକ୍ଷଙ୍କକ୍ଷବକ୍ସ.ମକ୍ଟଜ୍ଞ ଜରିଆରେ ମଧ୍ୟ ଫୋନ୍ ରିଚାର୍ଜ କରିପାରିବେ । ୱେବସାଇଟ୍ରେ ରିଚାର୍ଜ ବିକଳ୍ପକୁ ଚୟନ କରି ମୋବାଇଲ୍ ନମ୍ବର, ପସନ୍ଦର ରିଚାର୍ଜ ଓ ରିଚାର୍ଜ ପ୍ୟାକ୍ ଚୟନ କରି ଫୋନ୍କୁ ରିଚାର୍ଜ କରିହେବ । ଏଥିପାଇଁ ବିଭିନ୍ନ ମାଧ୍ୟମ ଜରିଆରେ ପେମେଂଟ୍ କରାଯାଇପାରିବ । ଡିିଜିଟାଲ୍ ମାଧ୍ୟମର ସୁବିଧା ବିଷୟରେ କଂପାନି ତରଫରୁ ଗ୍ରାହକଙ୍କୁ ସଚେତନ କରାଯାଉଛି । ସେମାନଙ୍କୁ ଭିଡିଓ ଲିଙ୍କ, ଜିଆଇଏଫ୍, ଡକେଟ୍ ଆଦି ଜରିଆରେ ସଚେତନତା ବାର୍ତା ପଠାଯାଉଛି । ମାଇଁ ଭୋଡାଫୋନ୍ ଆପ୍ ଓ ମାଇଁ ଆଇଡିଆ ଆପ୍ ଜରିଆରେ ମଧ୍ୟ ସୂଚନା ଦିଆଯାଉଛି । ଡିଜିଟାଲ୍ ମାଧ୍ୟମରେ ରିଚାର୍ଜ ଜାଣୁଥିବା ଗ୍ରାହକମାନେ ନିଜ ବନ୍ଧୁ ଓ ପରିବାର ଜନଙ୍କ ରିଚାର୍ଜ କରାନ୍ତୁ ବୋଲି କଂପାନି ଆହ୍ୱାନ ଦେଇଛି । ଏଥିପାଇଁ ରିଚାର୍ଜ ଫର ଗୁଡ୍ ଅଭିଯାନ ଆରମ୍ଭ କରିଥିବା ବେଳେ ସେମାନଙ୍କୁ କ୍ୟାସ୍ବ୍ୟାକ୍ ଭଳି ସୁବିଧା ପ୍ରଦାନ କରୁଛି ।
