ପଦ୍ମପୁର ନଗର ମଣ୍ତଳ ବିଜେପି କାର୍ଯ୍ଯକାରିଣୀ ବୈଠକ

ଓଡ଼ିଶା ତାଜା ନ୍ୟୁଜ ( ୮ ଅଗଷ୍ଟ ରବିବାର ) ପଦ୍ମପୁର  :- ପଦ୍ମପୁର ନିର୍ବାଚନ ମଣ୍ଡଳୀର ପଦ୍ମପୁର ନଗର ମଣ୍ତଳ ବିଜେପି କାର୍ଯ୍ଯକାରିଣୀ ବୈଠକ ସଭାପତି ଶ୍ରୀ ସୁନୀଲ ଅଗ୍ରୱାଲଙ୍କ ଅଧ୍ୟକ୍ଷତା ସ୍ଥାନୀୟ ଦିଲ୍ଲୀପ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇ ଯାଇଅଛି । ଉକ୍ତ ବୈଠକ ରେ ପଦ୍ମପୁର ପୂର୍ବତନ ବିଧାୟକ ତଥା ରାଜ୍ଯ କୃଷକ ମୋର୍ଚ୍ଚା ସଭାପତି ଶ୍ରୀ ପ୍ରଦୀପ ପୁରୋହିତ ସଭାରେ ଭାରତୀୟ ଜନତା ପାର୍ଟି ଆଗାମୀ ଦିନରେ ସଂଗଠନ କୁ ଆହୁରି ମଜବୁତ ଓ ସୁଦୃଢ଼ କରିବା ପାଇଁ କଠିନ ପରିଶ୍ରମ ସହ ପଦ୍ମପୁର ଏନ.ଏ.ସି. ରେ ଚାଲିଥିବା ବିଭିନ୍ନ ଦୁର୍ନୀତି ଗୁଡିକ ବିରୋଧ କରିବା ସହ କେନ୍ଦ୍ର ସରକାରଙ୍କ ଜନ କଲ୍ୟାଣକାରୀ ଯୋଜନା ମାନଙ୍କ ବିଷୟରେ ସାଧାରଣ ଲୋକଙ୍କୁ ସଚେତନ କରିବାକୁ କାର୍ଯ୍ଯକର୍ତ୍ତାଙ୍କ ଆହ୍ବାନ ଦେଇଥିଲେ ।

ଏହି ସଭାରେ ପାର୍ଟିର ଆଦର୍ଶ ଓ ବିଚାର ରେ ଅନୁପ୍ରାଣିତ ହୋଇ କିଛି ଯୁବକ ବନ୍ଧୁ ଦଳରେ ବିଧିବଦ୍ଧ ଭାବରେ ସାମିଲ ହୋଇ ଥିଲେ । ନଗର ବରିଷ୍ଠ ନେତା ଶ୍ରୀ ଅଶୋକ ମିଶ୍ରଙ୍କ ଦ୍ବାରା ପରିଚାଳିତ ଉକ୍ତ ବୈଠକ ରେ ଅନୁସୂଚିତ ଜନଜାତି ମୋର୍ଚ୍ଚାର ରାଜ୍ଯ ସାଧାରଣ ସମ୍ପାଦକ ଶ୍ରୀ ଗୋବର୍ଦ୍ଧନ ଭୁଏ,ରାଜ୍ଯ ଯୁବ ମୋର୍ଚ୍ଚା ସାଧାରଣ ସଂପାଦକ ତଥା କଳାହାଣ୍ଡି ଜିଲ୍ଲା ଯୁବ ମୋର୍ଚ୍ଚା ପ୍ରଭାରୀ ଶ୍ରୀ ପ୍ରୀତେଶ ବହିଦାର, ବରଗଡ ଜିଲ୍ଲା ଉପ ସଭାପତି ଶ୍ରୀ ସରୋଜ ସାମଲ,ଜିଲ୍ଲା ସାଧାରଣ ସମ୍ପାଦକ ଶ୍ରୀ ସରୋଜ ପାଣିଗ୍ରାହୀ,ଜିଲ୍ଲା ସମ୍ପାଦିକା ଶ୍ରୀମତୀ ସରସ୍ବତୀ ସାହୁ,ଜିଲ୍ଲା ମହିଲା ମୋର୍ଚ୍ଚା ସମ୍ପାଦିକା ଶ୍ରୀମତୀ ଜୋତ୍ସା କର ଏବଂ ପଦ୍ମପୁର ବ୍ଲକ ସାଂସଦ ପ୍ରତିନିଧି ଡା ଶ୍ରୀକାନ୍ତ ପାଣିଗ୍ରାହୀ ମଞ୍ଚାସୀନ ରହି ଉପସ୍ଥିତ କାର୍ଯ୍ଯକର୍ତ୍ତା ମାନଙ୍କୁ ମାର୍ଗଦର୍ଶନ କରାଇଥିଲେ ।

ବୈଠକ ରେ ବରିକେଲ ମଣ୍ଡଳ ସଭାପତି ଶ୍ରୀ ସୌକିଲାଲ ସାହା,ସର୍ଗିବାହାଲ ମଣ୍ତଳ ସଭାପତି ଶ୍ରୀ ନିରାକାର ବରିହା,ଦହିତା ମଣ୍ତଳ ସଭାପତି ଶ୍ରୀ କେତନ ମେହେର ଏବଂ ଜିଲ୍ଲା କୃଷକ ମୋର୍ଚ୍ଚା ସଂଯୋଜକ ଶ୍ରୀ ଯୋଗେନ୍ଦ୍ର ଭୋଇଙ୍କ ସମେତ ପଦ୍ମପୁର ନଗରର ବିଭିନ୍ନ ୱାର୍ଡରୁ ଶତାଧିକ କାର୍ଯ୍ଯକର୍ତ୍ତା ଯୋଗଦେଇ ବୈଠକ ରେ ସକ୍ରିୟ ଅଂଶ କରିଥିଲେ । ପଦ୍ମପୁର ନଗର ସାଂସଦ ପ୍ରତିନିଧି ତଥା ଯୁବ ଆଇନଜୀବୀ ଶ୍ରୀ ଚନ୍ମୟ କୁମାର ପଣ୍ତା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । (ରିପୋର୍ଟ – ନିରୋଜ କୁମାର ପାଣୀ)