ହିଂଜିଳିକାଟୁ ଉପଖଣ୍ଡ ଚିକିତ୍ସାଳୟର ସମସ୍ୟାର ସମାଧାନ ପାଇଁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କଲେ ଭାଜପା ନେତା

ଓଡ଼ିଶା ତାଜା ନ୍ୟୁଜ ( ୬ ଅଗଷ୍ଟ ଶୁକ୍ରବାର ) ହିଂଜିଳିକାଟୁ :- ରାଜ୍ୟ ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀ ହିଂଜିଳିକାଟୁ ପୌରାଂଚଳର ନିୟନ୍ତ୍ରିତ ବଜାର ପରିସରରେ ପ୍ରାୟ ୧୬କୋଟି ୭୬ ଲକ୍ଷ ୪୧ ହଜାର ଟଙ୍କା ବ୍ୟୟରେ ନିର୍ମିତ ୮୦ ଶର୍ଯ୍ୟା ବିଶିଷ୍ଟ ଉପଖଣ୍ଡ ଚିକିତ୍ସ।।ଳୟର ବିଭିନ୍ନ ସମସ୍ୟାର ସମାଧାନ ପାଇଁ ପୂର୍ବତନ ରାଜ୍ୟ ବିଜେପି ଉପସଭାପତି ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଦେବାନନ୍ଦ ମହାପାତ୍ର ଚିଠି ମାଧ୍ୟମରେ ରାଜ୍ୟ ମୁଖ୍ୟମନ୍ତ୍ରୀ ତଥା ହିଂଜିଳି ବିଧାୟକ ନବୀନ ପଟ୍ଟନାୟକଙ୍କୁ ଅନୁରୋଧ ପତ୍ର ପ୍ରେରଣ କରିଛନ୍ତି । ୧୯୬୩ ମସିହାରେ ସ୍ଥାପିତ ହଂଜିଳିକାଟୁ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ୧୯୯୭ ମସିହାରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପରିଣତ ହୋଇଥିଲା । ପରବର୍ତୀ ଅବସ୍ଥାରେ ୧୭ ଏପ୍ରିଲ ୨୦୧୮ ତାରିଖରେ ସଂପୃକ୍ତ ସ୍ୱାସ୍ଥ୍ୟ କେନ୍ଦ୍ର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପରିଣତ ହୋଇଥିଲା । ହିଂଜିଳିକାଟୁ ପୌରାଂଚଳ ସମେତ ନିକଟବର୍ତି ପ୍ରାୟ ୪୦ରୁ ଉର୍ଦ୍ଧ୍ୱ ଗ୍ରାମାଂଚଳର ଜନସାଧାରଣ ଚିକିତ୍ସା ସେବା ସକାଶେ ସ୍ଥାନୀୟ ଉପଖଣ୍ଡ ଚିକିତ୍ସାଳୟ ଉପରେ ନିର୍ଭର କରିଥାନ୍ତି । ଦୈନିକ ୪ଶହରୁ ଉର୍ଦ୍ଧ୍ୱ ରୋଗୀ ଚିକିତ୍ସା ସକାଶେ ସଂପୃକ୍ତ ଉପଖଣ୍ଡ ଚିକିତ୍ସାଳୟକୁ ଆସିଥାନ୍ତି । ପରିତାପର ବିଷୟ ସଂପୃକ୍ତ ଉପଖଶ୍‌ଡ଼ ଚିକିତ୍ସାଳୟରେ ଆବଶ୍ୟକ ଚିକିତ୍ସକ ଓ କର୍ମଚାରୀ ଅଭାବ ଯୋଗୁଁ ରୋଗୀ ଓ ସର୍ମ୍ପକୀୟ ମାନେ ନାନା ଅସୁବିୀଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି । ସ୍ଥାନୀୟ ଉପଖଣ୍ଡ ଚିକିତ୍ସାଳୟରେ ୨୨ ଜଣ ଡ଼ାକ୍ତର ଆବଶ୍ୟକ ରହିଥିବା ବେଳେ ଅଛନ୍ତି ମାତ୍ର ୧୧ଜଣ । ତାହା ବି ପୁଣି ପାଳି କରି ରୋଗୀଙ୍କୁ ଚିକିତ୍ସା ସେବା ଯୋଗାଇଥାନ୍ତି । ବହୁ ସମୟରେ ରାତ୍ର କାଳୀନ ସମୟରେ ଡ଼ାକ୍ତର ରହୁନଥିବା ନେଇ ସ୍ଥାନୀୟ ଅଂଚଳବାସୀ ଅଭିଯୋଗ କରିଛନ୍ତି ।

ରାତ୍ରକାଳୀନ ସମୟରେ ଜରୁରୀ ଚିକିତ୍ସା ପାଇଁ ସ୍ଥାନୀୟ ଉପଖଣ୍ଡ ଚିକିତ୍ସାଳୟକୁ ଆସୁଥିବା ରୋଗୀ ମାନେ ବ।।ଧ୍ୟ ହୋଇ ବ୍ରହ୍ମପୁର ବଡ଼ ଡ଼ାକ୍ତରଖାନା କିମ୍ବା କୌଣସି ବେସରକାରୀ ଡ଼ାକ୍ତରଖାନାକୁ ଯାଇ ଅକାରଣରେ ଖର୍ଚ୍ଚାନ୍ତ ହେଉଥିବା ନେଇ ବହୁ ରୋଗୀଙ୍କ ସର୍ମ୍ପକୀୟ ମାନେ ଅଭିଯୋଗ କରିଛନ୍ତି । ୩୦ଜଣ ନର୍ସଙ୍କ ବଦଳରେ ÷ଅଛନ୍ତି ମାତ୍ର ୬ । ସେହିପରି ୫ଜଣ ସିଷ୍ଟର ଇନ-ଚାର୍ଜ ବଦଳରେ କେହି ନାହାନ୍ତି । ଏଟେଣ୍ଡାର ୧୧ ବଦଳରେ ଅଛନ୍ତି ମାତ୍ର ୨ ଜଣ । ବିଭିନ୍ନ ବିଭାଗେ;ର ଜଣେ ମଧ୍ୟ ଆବଶ୍ୟକ କର୍ମଚାରୀ ନଥିବା ଦେଖିବାକୁ ମିଳିଛି । ଇସିଜି, ଡ଼େଂଟାଲ ଟେକସିଆନ, ଷ୍ଟାଟାସିକାଲ ଆସିଷ୍ଠାଂଟ, କୋଲଡ଼ ଚେନ ଆସିଷ୍ଟାଂଟ, ରେଡ଼ିଓଗ୍ରାଫର, ଓଟି ଆସିଷ୍ଟାଂଟ, ଡ଼ିଇଓ ଭଳି ବହୁ ଗୁରୁତ୍ୱପୁର୍ଣ୍ଣ ପଦ ପଦବିରେ ବହୁ କର୍ମଚାରୀ ନଥିବା ଦେଖିବାକୁ ମିଳିଛି । ଅନୁରୂପ ଭାବେ ସଂପୃକ୍ତ ଉପଖଣ୍ଡ ଚିକିତ୍ସାଳୟ ସକାଶେ ୨ଟି ଆମ୍ବୁଲାନ୍ସର ଆବଶ୍ୟକ ଥିବା ବେଳେ ଗୋଟିଏ ରହିଛି । ସଂପୃକ୍ତ ଆମ୍ବୁଲାନ୍ସ କାର୍ଯ୍ୟକ୍ଷମ ନଥିବା ବେଳେ କେବଳ ସଂପୃକ୍ତ ଆମ୍ବୁଲାନ୍ସ ଚାଳକ ବସି ବସି ସରକାର ତହବିଲରୁ ମାସକୁ ମାସ ଦରମା ନେଉଥିବା ଅଭିଯୋଗ ହୋଇ ଆସୁଛି । ଶବ ବ୍ୟବଛେନ ଗୃହ, ଆଇସିୟୁ, ଭେଂଟଲିଟରର ବ୍ୟବସ୍ଥା ନାହିଁ । ପାଇପ ଲାଇନ ମାଧ୍ୟରେ ଅମ୍ଳଜାନ ଯୋଗାଣ, ଅଲଟ୍ରାସାଉଣ୍ଡ, ରକ୍ତଭଣ୍ଡାର ପ୍ରତିଷ୍ଠା, ଏକ୍ସରେ ମେସିନ ଇତ୍ୟାଦିର ଆବଶ୍ୟକତା ରହିଛି ବୋଲି ଭାଜପା ନେତା ମହାପାତ୍ର ଅନୁରୋଧ ପତ୍ରରେ ଦର୍ଶାଇଛନ୍ତି । ସଂପୃକ୍ତ ୮୦ ଶର୍ଯ୍ୟା ବିଶିଷ୍ଟ ଉପଖଣ୍ଡ ଚିକିତ୍ସାଳୟକୁ ପୁର୍ଣ୍ଣାଙ୍ଗ ରୂପ ଦେବା ସହ ସମସ୍ତ ଆବଶ୍ୟକ ବ୍ୟବସ୍ଥା ପୂରଣ କରିବା ପାଇଁ ମୁଖ୍ୟମନ୍ତ୍ରୀଙ୍କୁ ପତ୍ର ମାଧ୍ୟମରେ ଅନୁରୋଧ କରିଛନ୍ତି । ଉକ୍ତ ଅନୁରୋଧପତ୍ରା ଏକାକିତା ନକଲ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ, ସ୍ୱାସ୍ଥ୍ୟ ସଚିବ, ୫ଟି ସଚିବ, ଗଂଜାମ ଜିଲ୍ଲାପାଳ, ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ପତ୍ର ପ୍ରେରଣ କରିବା ସହ ଯଥାଶ୍ରୀଘ କାର୍ଯ୍ୟାନୁଷ୍ଠାନ ଗ୍ରହଣ କରିବା ସକାଶେ ନିବେଦନ କରିଛନ୍ତି ।