+୨ ପରୀକ୍ଷା ଫଳ : ହିଂଜିଳିକାଟୁ ସ୍ୱଂୟଶାସିତ ବିଜ୍ଞାନ ମହାବିଦ୍ୟାଳୟର ବିଜ୍ଞାନରେ ବିକାଶ ମହାନ୍ତି ଓ ବାଣିଜ୍ୟରେ ସୁସ୍ମିତା ସାହୁ ଟପ୍ପର

ଓଡ଼ିଶା ତାଜା ନ୍ୟୁଜ (୩ ଅଗଷ୍ଟ ମଙ୍ଗଳବାର ) ହିଞ୍ଜିଳିକାଟୁ :- ମାଧ୍ୟାମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଚଳିତ ବର୍ଷ +୨ ବିଜ୍ଞାନ ଓ ବାଣିଜ୍ୟ ବିଭାଗର ପରୀକ୍ଷା ଫଳ ପ୍ରକାଶିତ ହୋଇଛି । ଏହି ପରିପ୍ରେକ୍ଷୀରେ ହିଂଜିଳିକାଟୁ ସ୍ୱଂୟଶାସିତ ବିଜ୍ଞାନ ମହାବିଦ୍ୟାଳୟର ବିଜ୍ଞାନରେ ବିକାଶ ମହାନ୍ତି ୬୦୦ରୁ ୫୯୩ ମାର୍କ (୯୮.୧୨%) ରଖି ଓ ବାଣିଜ୍ୟରେ ସୁସ୍ମିତା ସାହୁ ୬୦୦ରୁ ୫୨୯ ମାର୍କ (୯୩.୩୫%)ରଖି ଟପ୍ପର ଆଖ୍ୟା ଅର୍ଜନ କରିଛନ୍ତି । ଚଳିତ ବର୍ଷ ସ୍ଥାନୀୟ ସ୍ୱଂୟଶାସିତ ବିଜ୍ଞାନ ମହାବିଦ୍ୟାଳୟର +୨ ବିଜ୍ଞାନ ବିଭାଗରେ ୩୧୪ ପରୀକ୍ଷାର୍ଥୀଙ୍କ ମଧ୍ୟରୁ ୨୯୩ ଜଣ ପ୍ରଥମ ଶ୍ରେଣୀ, ୧୫ ଜଣ ଦ୍ୱିତୀୟ ଶ୍ରେଣୀ ଓ ୬ଜଣ ୩ୟ ଶ୍ରେଣୀରେ ଉତୀର୍ଣ୍ଣ ଲାଭ କରିଛନ୍ତି ।

ସେହିପରି ବାଣିଜ୍ୟ ବିଭାଗରେ୨୪୦ ପରୀକ୍ଷାର୍ଥୀଙ୍କ ମଧ୍ୟରୁ ୮୯ ଜଣ ପ୍ରଥମ ଶ୍ରେଣୀ, ୯୩ ଜଣ ଦ୍ୱିତୀୟ ଶ୍ରେଣୀ, ୫୭ ଜଣ ତୃତୀୟ ଶ୍ରେଣୀରେ ଉତୀର୍ଣ୍ଣ ଲାଭ କରିଥିବା ବେଳେ ଜଣେ ପରୀକ୍ଷାର୍ଥୀଙ୍କ ପରୀକ୍ଷା ଫଳ ଅପ୍ରକାଶିତ ରହିଛି । ପ୍ରକାଶ ଥାଉକି, ଚଳିତ ବର୍ଷ ମହାମାରୀ କରୋନା ଭୁତାଣୁ ସଂକ୍ରମଣର ଦ୍ୱିତୀୟ ଲହର ଲାଗି ରହିଥିବା ଯୋଗୁଁ ପରୀକ୍ଷା ଅନୁଷ୍ଠିତ ହୋଇନଥିଲା । ବିଜ୍‌୍ୟାନ ବିଭାଗରେ ଅମନ ପାଣିଗ୍ରାହୀ ୫୭୯ ମାର୍କ ରଖି ଦ୍ୱିତୀୟ ଓ ସୁଭଦା ଷଡ଼ଙ୍ଗି ତୃତୀୟ ସ୍ଥାନ ଅଧିକାର କରିଛନ୍ତି । ସେହିପରି ବାଣିଜ୍ୟ ବିଭାଗରେ ପୂଜାରାଣୀ ସାହୁ ୫୧୪ ମାର୍କ ରଖି ଦ୍ୱିତୀୟ ଓ ସ୍ମୃତିପ୍ରଭା ପାଠି ୪୯୫ ମାର୍କ ରଖି ତୃତୀୟ ସ୍ଥାନ ଅଧିକାର କରିଛନ୍ତି ।   ( ରିପୋର୍ଟ : ଶୁସାନ୍ତ ପ୍ରଧାନ )