ରଣପୁର NAC (ଓଡିଶା ତାଜାନ୍ୟୁଜ୍ ) ରଣପୁର 4.4.2020 ରିପୋର୍ଟ ଅଭିମନ୍ୟୁ :- ରଣପୁର ନିର୍ବାଚନ ମଣ୍ଡଳୀର ରଣପୁର NAC ରେ ଆଜି ସକାଳ 7ଘଟିକା ସମୟରେ ପଞ୍ଚୁଦୋଳ ପଡ଼ିଆରେ ଥିବା ରଘୁଦିବାକର ସହିଦମଣ୍ଡପକୁ ଯାଇ ସହିଦ ରଘୁ,ଦିବାକରଙ୍କର ଫାଶୀ ଦିବସକୁ ସହିଦ ଦିବସ ଭାବେ ପ୍ରତୀକାତ୍ମକ ରୂପେ ପାଳିତ ହୋଇଯାଇଛି ।
ପ୍ରତିବର୍ଷ ଏହି ଆସୋସିଏସନ 1979 ମସିହାରୁ କ୍ରମାଗତ ଭାବେ ଏପ୍ରିଲ 4ତାରିଖକୁ ସହିଦ ଦିବସ ରୂପେ ପାଳନ କରି ଆସୁଥିବା ବେଳେ,ଚଲିତବର୍ଷ କରୋନା ବିଭୀଷିକା ଯୋଗୁ କେନ୍ଦ୍ରସରକାର ଓ ରାଜ୍ୟ ସରକାର ଙ୍କ ଦ୍ଵାରା ପ୍ରଦତ୍ତ ଶୃଙ୍ଖଳା କୁ ସମ୍ମାନ ଜଣାଇ ସାମାଜିକ ଦୂରତା ରକ୍ଷା କରି 5ଜଣ କର୍ମକର୍ତ୍ତାଙ୍କ ସହ ପାଳନ କରାଯାଇଛି ।
ଏହି ଅବସରରେ ରଘୁଦିବାକର ଆସୋସିଏସନ ର ସଭାପତି ସୁରେଶ ଚନ୍ଦ୍ର ମିଶ୍ର, ଓ 4 ଜଣ କର୍ମକର୍ତା ଙ୍କ ସହ ଉପସ୍ଥିତ ରହି କରୋନା ବିରୋଧରେ ଲାଗି ରହିଥିବା ଯୁଦ୍ଧରେ ରଣପୁର ର ଜନସଧାରଣ ମାନେ ଜଣେ ଜଣେ ଶୃଙ୍ଖଳିତ ସୈନିକ ହେବାପାଇଁ ଆହ୍ୱାନ ଜଣାଇଛନ୍ତି ।
