କଟକ,ଭୁବନେଶ୍ୱର, ଭଦ୍ରକ (ଓଡିଶା ତାଜାନ୍ୟୁଜ୍ ) ଭୁବନେଶ୍ୱର 3.4.2020 ରିପୋର୍ଟ :– କରୋନା ସମ୍ପର୍କିତ ସମସ୍ତ ଖବର ଦେଇଛନ୍ତି ଆଇଇସି ମୁଖ୍ୟ ସୁବ୍ରତ ବାଗଚୀ । ସେ କହିଛନ୍ତି ଆଜି ଚିହ୍ନଟ ହୋଇଥିବା ଷଷ୍ଠ କରୋନା ରୋଗୀ ନିଜାମୁଦ୍ଦିନରେ ସମାବେଶରେ ଯୋଗ ଦେଇଥିଲେ । ୬ଜଣ ଆକ୍ରାନ୍ତଙ୍କ ମଧ୍ୟରୁ ଭୁବନେଶ୍ୱର ଅଞ୍ଚଳର ୪ଜଣ ।
ଜଣେ ଭଦ୍ରକର ଓ ଷଷ୍ଠ ଆକ୍ରାନ୍ତ ଜଣକ ନିଜାମୁଦ୍ଦିନରୁ ଫେରିଥିଲେ । ଓଡ଼ିଶାରେ ଅତ୍ୟନ୍ତ ବିପଦଶଙ୍କୁଳ ବା ଭୟାବହ ପରିସ୍ଥିତି ଆସିନାହିଁ ବୋଲି ବାଗଚୀ କହିଛନ୍ତି । ଏହାସହ କଟକ, ଭୁବନେଶ୍ୱର, ଭଦ୍ରକ ମ୍ୟୁନିସପାଲଟି ଅଞ୍ଚଳରେ ଆଜି ରାତି ୮ଟାରୁ ରବିବାର ରାତି ୮ଟା ଯାଏଁ ସମ୍ପୂର୍ଣ୍ଣ ସଟଡ଼ାଉନ ରହିବ । ଏଥି ମଧ୍ୟରୁ ରାଜ୍ୟରେ ୬ଜଣ ପଜିଟିଭ୍ ଚିହ୍ନଟ ହୋଇଥିଲେ । ଏମାନଙ୍କ ମଧ୍ୟରୁ ୨ଜଣ ସୁସ୍ଥ ହୋଇ ଘରକୁ ଫେରିଥିବା କହିଛନ୍ତି ସୁବ୍ରତ ବାଗଚୀ ।
ସେହିପରି ବିଶ୍ୱରେ ସଂକ୍ରମିତ ଦେଶଙ୍କ ସଂଖ୍ୟା ୨୦୪ରେ ପହଞ୍ଚିଛି । ବିଶ୍ୱରେ କରୋନାରେ ମୃତକଙ୍କ ସଂଖ୍ୟା ୫୩ ହଜାର ୩୨୨ ରେ ପହଞ୍ଚିଲାଣି । ବର୍ତ୍ତମାନ ସୁଦ୍ଧା ରାଜ୍ୟରେ ୧୧୧୩ ନମୁନା ପରୀକ୍ଷା କରାଯାଇଛି ।
