ପଞ୍ଚାୟତରେ ଟୀକା ନେଲେ ୧୦୩୪ ଜଣ

ଓଡ଼ିଶା ତାଜା ନ୍ୟୁଜ୍ ( ୦୯ ଜୁଲାଇ , ଶୁକ୍ରବାର ) ହିଞ୍ଜିଳିକାଟୁ :- କୋଭିଡ ମହାମାରୀ ସଂକ୍ରମଣର ମୁକାବିଲା ସକାଶେ ବ୍ୟାପକ ପଦକ୍ଷେପ ଗ୍ରହଣ କରିଛନ୍ତି ରାଜ୍ୟ ସରକାର । ସାରା ରାଜ୍ୟରେ ଟୀକାକରଣ ପ୍ରକ୍ରିୟାକୁ ବ୍ୟାପକ କରି ପ୍ରତ୍ୟେକଙ୍କ ଅମୂଲ୍ୟ ଜୀବନ ସୁରକ୍ଷା ଦିଗରେ ରାଜ୍ୟ ସରକାର ଏକ ବଡ ପଦକ୍ଷେପ ଗ୍ରହଣ କରିଛନ୍ତି । ସହର ଠାରୁ ପଞ୍ଚାୟତ ସ୍ତରରେ ସବୁଠାରେ ଆରମ୍ଭ ହୋଇଛି ଟୀକାକରଣ ପାଇଁ ସଚେତନତା ଓ ବ୍ୟାପକ ବ୍ୟବସ୍ଥା।ଦ୍ଵିତୀୟ ଲହରର ସଂକ୍ରମଣ ଦାଉରୁ ପଞ୍ଚାୟତର ଜନ ସାଧାରଣ ଯେଭଳି ସୁରକ୍ଷିତ ରହିବେ ସେଥିପ୍ରତି ହିଞ୍ଜିଳିବ୍ଳକ ପ୍ରଶାସନ ପକ୍ଷରୁ ବିଶେଷ ଗୁରୁତ୍ୱାରୋପ କରାଯାଇଛି । ହିଞ୍ଜିଳି ବ୍ଳକ ବିଡିଓ ସୁବ୍ରତ କୁମାର ଜେନା ଅଗ୍ରାଧିକାର ଭିତ୍ତିରେ ପ୍ରତି ପଞ୍ଚାୟତରେ ଟୀକାକରଣ ପ୍ରକ୍ରିୟାକୁ ତ୍ଵରାନ୍ବିତ କରି ପିଇଓ,ଜନ ପ୍ରତିନିଧି ଓ ସ୍ୱାସ୍ଥ୍ୟ କର୍ମଚାରୀଙ୍କ ସହଯୋଗରେ କ୍ରିୟାଶୀଳ କରିଛନ୍ତି । ସମ୍ପ୍ରତି ସ୍ଥାନୀୟ ବ୍ଳକର ପ୍ରତି ପଞ୍ଚାୟତରେ ଅନୁଷ୍ଠିତ ହେଉଛି ଟୀକାକରଣ କାର୍ଯ୍ୟକ୍ରମ ।

ଏହି ପରିପ୍ରେକ୍ଷୀରେ ଶୁକ୍ରବାର ସ୍ଥାନୀୟ ବ୍ଳକର ରାଳବ,ଶାସନ ଆମ୍ବ ଗାଁ ପଞ୍ଚାୟର ବାଦୀ ଆମ୍ବଗାଁ ଓ ପୁଟିଆ ପଦର ଆଦି ୩ ପଞ୍ଚାୟତରେ ୧୦୩୪ ଜଣଙ୍କୁ କୋଭାକ୍ସସିନ ଟୀକାଦାନ କରାଯାଇଛି । ରାଳବରେ ୪୨୨,ବାଦୀ ଆମ୍ବଗାଁରେ ୩୧୦ଜଣଙ୍କୁ ପ୍ରଥମ ଡୋଜ ଓ ପୁଟିଆ ପଦର କେନ୍ଦ୍ରରେ ୩୦୨ ଜଣଙ୍କୁ ଦ୍ଵିତୀୟ ଡୋଜ ଟିକାଦାନ କରାଯାଇଛି । କରୋନା ଟୀକା ନେବା ପାଇଁ ଗ୍ରାମବାସୀଙ୍କ ମଧ୍ୟରେ ପ୍ରବଳ ଆଗ୍ରହ ବୃଦ୍ଧି ପାଉଛି । ପିଇଓ ସୁଶାନ୍ତ କୁମାର ପାତ୍ର,ଅଶ୍ୱିନୀ କୁମାର ସାହୁ ଓ ବିଜୟ କୁମାର ସେଠୀ ନିଜ ନିଜ ଟୀକାକରଣ କେନ୍ଦ୍ରକୁ ପରିଚାଳନା କରିଥିଲେ । ସରପଞ୍ଚ ଜାଗିଲି ଦାସ, ମାଧୁରୀ ପାଣିଗ୍ରାହୀ , ସଭ୍ୟା ରଞ୍ଜିତା ସାବତ,ସ୍ୱାସ୍ଥ୍ୟ କର୍ମଚାରୀ ସନ୍ତୋଷ କୁମାର ବେହେରା, ଏଏନଏମ ଉମା ପାଣିଗ୍ରାହୀ, ଜିଆରଏସ ଶ୍ରୀକାନ୍ତ ପଣ୍ଡା, ସନ୍ତୋଷ ନାୟକ, ବିଏଫଟି ବୃନ୍ଦାବନ ଗୌଡ଼, କୃଷ୍ଣ ପାଣିଗ୍ରାହୀ, ମନୋଜ କୁମାର ସାବତ,ଗନ୍ତାୟତ ଦଳାଇ, କୋଭିଡ ମନିଟର, ଆଶା, ଅଙ୍ଗନବାଡି କର୍ମୀ ଓ ଗ୍ରାମବାସୀ ସହଯୋଗ କରିଥିଲେ ।  (ରିପୋର୍ଟ ଶୁସାନ୍ତ ପ୍ରଧାନ )