ଭୁବନେଶ୍ୱର (ଓଡିଶା ତାଜାନ୍ୟୁଜ୍ ) ଟାଟା ଷ୍ଟିଲ୍ 1.4.2020 ରିପୋର୍ଟ :– କୋଭିଡ୍-୧୯ ବ୍ୟାପିବାକୁ ରୋକିବା ଲାଗି ଭାରତ ସରକାରଙ୍କ ତରଫରୁ ଦେଶରେ ୨୧ ଦିନ ପାଇଁ ଲକ୍ଡାଉନ୍ ଘୋଷଣା କରାଯାଇଛି । ତେବେ ଖଣି, ଇସ୍ପାତ, ପାୱାର ପ୍ଲାଂଟ୍ ଓ ସାରକୁ ଅତ୍ୟାବଶ୍ୟକ ବର୍ଗରେ ରଖାଯାଇଥିବାରୁ ଏହି ସବୁ କଳକାରଖାନା ଚାଲୁ ରଖିବାକୁ ଅନୁମତି ଦିଆଯାଇଛି । କିନ୍ତୁ କରୋନା ଭୂତାଣୁକୁ ଦୃଷ୍ଟିରେ ରଖି ଘରେ ରହି କାର୍ଯ୍ୟ କରିବା, କମ୍ କର୍ମଚାରୀରେ କାମ କରାଇବା, ସାମାଜିକ ଦୂରତ୍ୱ ବଜାୟ ରଖିବା ଏବଂ ହାତ ଧୋଇବା, ସାନିଟାଇଜର୍ ବ୍ୟବହାର କରିବା ଭଳି ପଦକ୍ଷେପ ଗ୍ରହଣ କରିବାକୁ କଂପାନିଗୁଡ଼ିକୁ ସରକାର କହିଛନ୍ତି । ସରକାରଙ୍କ ଦିଶାନିର୍ଦେଶ ଅନୁସାରେ ଖଣି କାରବାର ସ୍ୱାଭାବିକ ରହିଛି ବୋଲି ଟାଟା ଷ୍ଟିଲ୍ ପକ୍ଷରୁ କୁହାଯାଇଛି । ମାତ୍ର ଏହାର ଜାମସେଦପୁର, କଳିଙ୍ଗନଗର, ଅନୁଗଳର ଟାଟା ଷ୍ଟିଲ୍ ବିଏସ୍ଏଲ୍ ଓ ଗମାରିଆର (ଟାଟା ଷ୍ଟିଲ୍ ଲଙ୍ଗ୍ ପ୍ରଡକ୍ଟ) କାରଖାନାରେ ଉତ୍ପାଦନ ଧୀରେ ଧୀରେ ହ୍ରାସ ପାଇବାରେ ଲାଗିଛି । ଆନୁଷଂଗିକ ବ୍ୟବସ୍ଥାଗୁଡ଼ିକର ଉତ୍ପାଦନକୁ ବନ୍ଦ ରଖି ସେଗୁଡ଼ିକର ମରାମତି କରାଯାଉଛି । ଅଟୋମୋବାଇଲ୍, କନଷ୍ଟ୍ରକ୍ସନ ଏବଂ ଅନ୍ୟାନ୍ୟ କ୍ଷେତ୍ର ଗ୍ରାହକଙ୍କ ପାଇଁ ବନ୍ଦ ରହିଥିବା ଏବଂ ଫିନିସଡ ଗୁଡସ୍ ପଠାଇବାରେ କଟକଣା ଏବଂ ବଜାର ସ୍ଥିତି ଖରାପ ଥିବାରୁ ଟାଟା ଷ୍ଟିଲ୍ ତରଫରୁ ବଜାରକୁ ସାମଗ୍ରୀ ପଠାଇବା ମଧ୍ୟ କମ୍ କରିଦିଆଯାଇଛି । କଂପାନି ଏବେ ନଗଦ ଅର୍ଥ ସଂଚୟ କରିବା ଉପରେ ଅଧିକ ଗୁରୁତ୍ୱ ଦେଉଛି ।
ବଜାର ସ୍ଥିତି ଅନୁସାରେ ଖର୍ଚ୍ଚକୁ ନିୟନ୍ତ୍ରଣ କରାଯାଉଛି ଏବଂ କାର୍ଯ୍ୟକାରୀ ପୁଞ୍ଜି ପରିଚାଳନା ଉପରେ ଅଧିକ ଗୁରୁତ୍ୱାରୋପ କରାଯାଉଛି । ତେବେ ଏମଏସଏମଇ ଭେଣ୍ଡର ଓ ଚୁକ୍ତି ଭିତିକ ଶ୍ରମିକମାନଙ୍କୁ ଏହା ଠିକ ସମୟରେ ପାରିଶ୍ରମିକ ଏବଂ ପେମେଂଟ୍ ପ୍ରଦାନ କରୁଛି । ଟାଟା ଷ୍ଟିଲ୍ ଏହାର କାରଖାନା ଓ ଖଣିରେ ଯେଭଳି କମ୍ ଲୋକ ରହିବେ ସେଥିପାଇଁ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରିଛି । ଏହି ସଙ୍କଟମୟ ସମୟରେ ଏହା ରାଜ୍ୟ ସରକାର ଏବଂ ଜିଲ୍ଲା ପ୍ରଶାସନଗୁଡ଼ିକ ସହ ମିଶି କାର୍ଯ୍ୟ କରୁଛି । ଟାଟାର ମୁଖ୍ୟ ହସ୍ପିଟାଲ୍ ଏହାର ଡାକ୍ତର ଏବଂ ଅନ୍ୟାନ୍ୟ କର୍ମଚାରୀଙ୍କୁ ନେଇ ଠିକ୍ ଭାବେ କାର୍ଯ୍ୟ କରୁଛି । ଜାମସେଦପୁର, କଳିଙ୍ଗନଗର ଏବଂ ଗୋପାଳପୁରରେ ୧୦୦୦ ଶଯ୍ୟାର ଆଇସୋଲେସନ ବ୍ୟବସ୍ଥା କରିବା ଲାଗି କଂପାନି ଝାଡ଼ଖଣ୍ଡ ଓ ଓଡ଼ିଶା ସରକାରଙ୍କ ସହ ମିଶି କାର୍ଯ୍ୟ କରୁଛି । ଏହା ବ୍ୟତୀତ ଟାଟା ଷ୍ଟିଲ୍ ଫାଉଣ୍ଡେସନ ତରଫରୁ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇ ୫୦ ହଜାର ଲୋକଙ୍କୁ ପୁ୍୍ଷ୍ଟିଯୁକ୍ତ ଖାଦ୍ୟ ପ୍ରଦାନ କରାଯାଉଛି । ଫାଉଣ୍ଡେସନ ତରଫରୁ ଓଡ଼ିଶା ଓ ଝାଡଖଣ୍ଡର ୨୦୦ ଗ୍ରାମ ପଂଚାୟତରେ ୧୦୦୦୦ରୁ ଅଧିକ ଲୋକଙ୍କ ମଧ୍ୟରେ କୋଭିଡ୍-୧୯ ବିରୋଧରେ ସଚେତନତା ସୃଷ୍ଟି କରାଯାଉଛି । ୠକ୍ଟକ୍ସ ସଜ୍ଞଜ୍ଞରୟସବଗ୍ଧର ଙ୍କଗ୍ଦର ଚଜଋଝଝ ଜଋଖଋଇଝଋ ଟାଟା ଷ୍ଟିଲ୍ ୟୁରୋପର କାରଖାନାଗୁଡ଼ିକ ବିଭିନ୍ନ ଦେଶର ଗାଇଡଲାଇନ୍ ଅନୁସାରେ ପରିଚାଳିତ ହେଉଛି । କର୍ମଚାରୀଙ୍କ ପ୍ରତି ବିପଦ କମ୍ କରିବା ଲାଗି ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଛି । ଖାଦ୍ୟ ପ୍ୟାକେଜିଂ ଏବଂ ଅନ୍ୟାନ୍ୟ ଅତ୍ୟାବଶ୍ୟକ କ୍ଷେତ୍ରକୁ ଇସ୍ପାତ ଯୋଗାଇବା ଲାଗି କଂପାନି ନିଜର ପ୍ରତିବଦ୍ଧତା ବିଷୟରେ ପ୍ରକାଶ କରିଛି । ମାତ୍ର ୟୁରୋପରେ ସାଧାରଣ ଦିନଗୁଡ଼ିକ ତୁଳନାରେ ଇସ୍ପାତ ଚାହିଦା ହ୍ରାସ ପାଇଥିବାରୁ ଉତ୍ପାଦନକୁ କମ୍ କରାଯାଇଛି । ସେଠାରେ ମଧ୍ୟ ନଗଦ ରାଶି ସଂଚୟ ଓ ପ୍ରବାହ ଉପରେ ଅଧିକ ଗୁରୁତ୍ୱ ଦିଆଯାଇଛି । ଟାଟା ଷ୍ଟିଲ୍ ୟୁରୋପରେ ଏବେ ଚାରିଟି ବ୍ଲାଷ୍ଟ୍ ଫର୍ଣ୍ଣେସ୍ କମ୍ କ୍ଷମତାରେ କାର୍ଯ୍ୟ କରୁଛି ।
