ରଣପୁର ଡିଜିଟାଲ ମିଡ଼ିଆ ସଙ୍ଘ ଓ ନୟାଗଡ଼ ଜିଲ୍ଲା ଡିଜିଟାଲ ମିଡ଼ିଆ ସଙ୍ଘ ପକ୍ଷରୁ : ନୟାଗଡ଼ ଏସଆଇ ଙ୍କ ଗିରଫ ଦାବିରେ ବିଡ଼ିଓ ଙ୍କୁ ଦାବି ପତ୍ର ପ୍ରଦାନ

ଓଡ଼ିଶା ତାଜା ନ୍ୟୁଜ (୧ ଜୁଲାଇ ଗୁରୁବାର ) ରଣପୁର,ରିପୋର୍ଟ ସୋନଲି :- ନୟାଗଡ଼ ଜିଲ୍ଲା ଡିଜିଟାଲ ମିଡ଼ିଆ ସଙ୍ଘ ସହ ଜଡିତ ହେଲା ରଣପୁର ବ୍ଲକ ର ୱେବ ପୋର୍ଟାଲ ମିଡ଼ିଆ । ବୁଧବାର ଦିନ ରଣପୁର ଡିଜିଟାଲ ମିଡ଼ିଆ ସଙ୍ଘ ପକ୍ଷରୁ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହେବା ସହ ନୟାଗଡ଼ ରେ ଦୃବ୍ୟବହାର କରିଥିବା ଏସଆଇ ଧନଞ୍ଜୟ ଙ୍କୁ ଗିରଫ ଦାବିରେ ରଣପୁର ବ୍ଲକ ବିଡ଼ିଓ ଙ୍କୁ ଦାବିପତ୍ର ପ୍ରଦାନ କରାଯାଇଛି ।

ରଣପୁର ୱେବ ପୋର୍ଟାଲ ସାମ୍ବାଦିକ ମାନେ ନୂତନ ଭାବେ ଗଠିତ ହୋଇଥିବା ଜିଲ୍ଲା ଡିଜିଟାଲ ସଙ୍ଘ ଭଳି ଏକ ଅନ୍ୟୁନତ୍ତର କାର୍ଯ୍ୟ କୁ ସ୍ୱାଗତ କରିଛନ୍ତି ଓ ସବୁ କ୍ଷେତ୍ରରେ ସବୁ ସମୟରେ ଜିଲ୍ଲା ଡିଜିଟାଲ ମିଡ଼ିଆ ସହ ଜଡିତ ହୋଇ ନିର୍ଭିକାର ଭାବେ ଖବର ପ୍ରସାରଣ କରିବା ପାଇଁ ପ୍ରତିଶ୍ରୁତିବଧ ହୋଇଛନ୍ତି ।

ଜିଲ୍ଲା ଡିଜିଟାଲ ମିଡ଼ିଆ ସଙ୍ଘ ଜିଲ୍ଲାର ସମସ୍ତ ବ୍ଲକରେ ଏହାକୁ ପହଞ୍ଚାଇବା ର ପ୍ରୟାସ ଜାରି ରଖିଛି । ପୂର୍ବରୁ ଦଶପଲ୍ଲା ନୂଆଗାଁ ବ୍ଲକ୍ ରେ ଏକ ବୈଠକ ଅନୁଷ୍ଠିତ ହୋଇଥିଲା । ଏବଂ ନୂତନ ଜିଲ୍ଲା ଡିଜିଟାଲ ମିଡ଼ିଆ ସଙ୍ଘ ସହ ଜଡିତ ହୋଇଛି ଦଶପଲ୍ଲା ନିର୍ବାଚନ ମଣ୍ଡଳୀ ର ନୂଆଗାଁବ୍ଲକ ୱେବ ମିଡ଼ିଆ ସଙ୍ଘ ।

ଏହି ଅବସରରେ ଜିଲ୍ଲା ଡିଜିଟାଲ ମିଡ଼ିଆ ସଂଘର ସଭାପତି ଅନ୍ବର ଅଲ୍ଲୀ , ସମ୍ପାଦକ କିଶୋର ମହାପାତ୍ର , ସଂଯୋଜକ ଅଭିମନ୍ୟୁ ମହାରଣା , ସହ ସମ୍ପାଦକ ବିଶ୍ୱ ଭୂଷଣ ମହାପାତ୍ର , ଜୟନ୍ତ କୁମାର ମିଶ୍ର , କୋଷଧକ୍ଷ କୈଳାସ ଚନ୍ଦ୍ର ସିଂହ ଇତ୍ୟାଦି ଯୋଗ ଦେଇ ୱେବ ପୋର୍ଟାଲ ସାମ୍ବାଦିକ ଙ୍କୁ ଉତ୍ସାହିତ କରିବା ସହ ଡିଜିଟାଲ ମିଡ଼ିଆ ର ମହତ୍ତ୍ୱ ବିଷୟରେ ଜଣାଇଥିଲେ । ଏହି ସଭାରେ ରଣପୁର ୱେବ ମିଡ଼ିଆ ରେ କାର୍ଯ୍ୟରତ ସମସ୍ତ ସାମ୍ବାଦିକ ମାନେ ଯୋଗ ଦେଇଥିଲେ ।