ନୟାଗଡ ଜିଲ୍ଲା ରଣପୁର (ଓଡିଶା ତାଜାନ୍ୟୁଜ୍ ) ରଣପୁର ଏନ.ଏ. ସି. 25.3.2020 ରିପୋର୍ଟ – ସୋନାଲି :- ନୟାଗଡ ଜିଲ୍ଲା ରଣପୁର ଅଞ୍ଚଳରେ ଲକ ଡାଉନ ବ୍ୟବସ୍ଥାକୁ କଡାକଡା କରାଯାଇଛି । ବିଶେଷ କରି ରଣପୁର ଥାନା,ଚାନ୍ଦପୁର ଥାନା, ରାଜସୁନାଖଳା ଓ ଦର୍ପନାରାୟଣପୁର ଫାଣ୍ଡି ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ ଅଧିକ କଡା କଡ଼ି କରାଯାଇଛି । ରଣପୁର ପୋଲିସ ତରଫରୁ ରଣପୁର ଜଗନ୍ନାଥ ମନ୍ଦିର ସମ୍ମୁଖରେ 4 ଦିନଧରି ଚେକ ପୋଷ୍ଟ କରାଯାଇଛି । ସେହିଭଳି 3 ଗୋଟି ମୋବାଇଲ ଭ୍ୟାନ୍ ରଣପୁର ଥାନା ଅଞ୍ଚଳରେ ପେଟ୍ରୋଲିଙ୍ଗ କରୁଛି । ରଣପୁର ଥାନା ଅଧିକାରୀ ରଶ୍ମି ରଞ୍ଜନ ଦାଶ ଓ ତହସିଲଦାର ସଞ୍ଜୟ କୁମାର ସାମନ୍ତ ଡାକ ବାଜି ଯନ୍ତ୍ର ଯୋଗେ ଲୋକମାନଙ୍କୁ ସଚେତନ କରାଉଥିବା ଦେଖିବାକୁ ମିଳିଛି ।
ସରକାରଙ୍କ ନିୟମ ଅନୁଯାୟୀ ଆଜି ଠାରୁ ରାଇସିନି ଦୋକାନ, ଔଷଧ ଦୋକାନ, ପରିବା ଭଳି ଅତ୍ୟାବଶ୍ୟକ ସାମଗ୍ରୀ ଦୋକାନଗୁଡିକ 10 ଟାରୁ 4 ପର୍ଯ୍ୟନ୍ତ ଖୋଲା ରହିବ ବୋଲି ପ୍ରଶାସନ ତରଫରୁ ସୂଚନା ଦିଆଯାଇଛି । ଏହି ଲଗ ଡାଉନ ପ୍ରଭାବ ଯୋଗୁଁ ଆଜି ରଣପୁର ରାସ୍ତାଘାଟ, ବଜାର ଖାଁ ଖାଁ ଭଳି ଲାଗୁଛି । କେବଳ ଅତ୍ୟାବଶ୍ୟକ ସାମଗ୍ରୀ କିଣିବା ପାଇଁ କେହି କେହି ବଜାରକୁ ଯାଉଥିବା ଦେଖିବାକୁ ମିଳିଛି । ଅତ୍ୟାବଶ୍ୟକ ସାମଗ୍ରୀ ଦୋକାନ ଗୁଡିକରେ ସାମାଜିକ ଦୂରତ୍ୱ ରକ୍ଷା କରି ସାମଗ୍ରୀ କିଣିବା ପାଇଁ ଦୋକାନ ଆଗରେ ଦେଢ଼ ମିଟର ଦୂରତାରେ ଗୋଲ ବୁଲା ଯାଇ ଗ୍ରାହକମାନଙ୍କୁ ସାମଗ୍ରୀ ବିକ୍ରି କରୁଥିବା ଦେଖିବାକୁ ମିଳିଛି । ରଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ବୈଦ୍ୟନାଥ ନନ୍ଦଙ୍କ ସୂଚନା ଅନୁଯାୟୀ ବର୍ତ୍ତମାନ ସୁଦ୍ଧା ରଣପୁର ଅଞ୍ଚଳରେ କେହି କୋରନା ପଜେଟିଭ ନାହାନ୍ତି ବୋଲି ଜଣା ପଡିଛି । ରଣପୁର ଥାନା ଅଧିକାରୀ ରଶ୍ମି ରଞ୍ଜନ ଦାଶ ବଜାରର ଦୋକାନଗୁଡିକ ବୁଲି ଚେକିଂ କରିବା ସହିତ ପରିବା ଦୋକାନୀ ସାମାଜିକ ଦୂରତ ରକ୍ଷା କରି ପରିବା ବିକ୍ରି ଥିବା ହେତୁ ଧନ୍ୟବାଦ ଜଣାଇଛନ୍ତି ।
ରଣପୁର ତହସିଲଦାର ସଞ୍ଜୟ କୁମାର ସାମନ୍ତ ରଣପୁର ଅଞ୍ଚଳରେ ଲଗ ଡାଉନ ବ୍ୟବସ୍ଥାକୁ ଠିକ ଠାକ ଭାବେ କାର୍ଯ୍ୟ କାରୀ କରାଯାଉଛି ବୋଲି ମତ ଦେଇଛନ୍ତି । ଅନାବଶ୍ୟକ ସମୟରେ ଘରୁ ନ ବାହାରିବା, ସାମାଜିକ ଦୂରତା ରକ୍ଷା କରିବା, ମୁହଁ ରେ ମାସ୍କ ପିନ୍ଧିବା ପାଇଁ ରଣପୁର ତହସିଲଦାର ଓ ଥାନା ଅଧିକାରୀ ଲୋକମାନଙ୍କୁ ଗଣ ମାଧ୍ୟମ ଜରିଆରେ ସଚେତନ ବାର୍ତ୍ତା ଦେଇଛନ୍ତି । ଦୀପକ ସାସ୍ମଲ, ଦିଲ୍ଲୀପ ସେଠୀ ଙ୍କ ସହିତ ଏନ.ଏ. ସି. କର୍ମଚାରୀ ବଜାରକୁ ଆସି ସାମାଜିକ ଦୂରତ୍ୱ ରକ୍ଷା କରିବା ପାଇଁ ସଚେତନ କରୁଥିବା ଦେଖିବାକୁ ମିଳିଛି ।
