ସମିତିରୁ ସହକାରୀ ନିବନ୍ଧକଙ୍କ କାର୍ଯ୍ୟାଳୟକୁ ଦୌଡି ଦୌଡି ହତାଶ ; ଚାଷୀଙ୍କ ଦୁଃଖ ବୁଝିବାକୁ ଜିଲାପାଳଙ୍କୁ ନିବେଦନ
କୋରାଇ (ଓଡଶା ତାଜା ନ୍ୟୁଜ୍ ) କୋରାଇ 18.3.2020 କୋରାଇରୁ ରଶ୍ମିରେଖା ମଲ୍ଲିକଙ୍କ ରିପୋର୍ଟ :- କୋରାଇ, ଚାଷୀର ଅଭାବି ଧାନବିକ୍ରୀକୁ ରୋକିବା ପାଇଁ ସମବୟ ସମିତି ଜରିଆରେ ସରକାର ମଣ୍ଡି ଖୋଲିଛନ୍ତି । ଚାଷୀଙ୍କ ଠାରୁ ଧାନ କ୍ରୟକରିବାର ୨୪ରୁ ୪୮ଘଂଟା ମଧ୍ୟରେ ତାଙ୍କ ବ୍ୟାଙ୍କ ଜମାବହିରେ ଟଙ୍କା ଜମାହେବାକୁ ନିର୍ଦେଶନାମା ରହିଥିଲା ବେଳେ ଜଣେ ଚାଷୀ ଧାନ ବିକି ୩ମାସ ହେଲା ଟଙ୍କାନପାଇ ସମବାୟ ସମିତିରୁ ଉପନିବନ୍ଧକ କାର୍ଯ୍ୟାଳୟକୁ ଧାଇଁଧାଇଁ ନୟାନ୍ତ ହେଲାଣି, ଧାନର ବିକ୍ରି ମୂଲ୍ୟନପାଇ ଅସନ୍ତୋଷ ବ୍ୟକ୍ତକରିବା ସହ ଆବଶ୍ୟକତା ମେଂଟାଇ ନପରିଜଣେ ୭୦ବର୍ଷର ବରିଷ୍ଠଚାଷୀ ମୁଣ୍ଡରେ ହାତ ଦେଇବସିଛି । ଏହଭଳି ଘଟଣା କୋରାଇ କୃଷି ସେବାସମବାୟ ସମିତି ପଞ୍ଜୀକୃତ ଯୋଗେନ୍ଦ୍ର ସାହୁନାମକ ଜଣେ ବରିଷ୍ଠ ଚାଷୀଙ୍କ କ୍ଷେତ୍ରରେ ଦେଖିବାକୁ ମିଳିଛି । ସୂଚନାନୁଯାୟୀ ସରକାରଙ୍କ ପକ୍ଷରୁ ଧାନ କ୍ୱିଂଟାଲପିଛା ୧୮୩୫ଟଙ୍କା(ସାଧାରଣ ଧାନ) ମୂଲ୍ୟରେ ପଞ୍ଜୀକୃତ ଚାଷୀଙ୍କ ଠାରୁ ଏକର ପିଛା ୧୩କ୍ୱିଂଟା ଲେଖା କିଣିବା ନିମନ୍ତେ ବ୍ୟବସ୍ଥା କରାଯାଇଛି । ଏଥି ନିମନ୍ତେ ଏଜେଂଟ ସ୍ୱରୂପ ସମସ୍ତ ସମବାୟ ସମିତିରେ ଧାନମଣ୍ଡି ଖୋଲାଯିବ ଓ ଉପନିବଦ୍ଧକ ଏହାର ତତ୍ୱାବଧାରକ ରହିବେ । ଚାଷୀ ମଣ୍ଡିରେ ଧାନଦେଇ ମିଲାରୁ ପ୍ରଦତ ତଥ୍ୟ ବା ରସିଦ ଚାଷୀ ସମତିରେ ଦେବାର ୨୪ରୁ ୪୮ଘଂଟା ମଧ୍ୟାରେ ତା’ ବ୍ୟାଙ୍କ ଜମା ବହିରେ ଧାନଟଙ୍କା ହେବାକୁ ସୂଚିତ ରହିଛି । ଏହି କ୍ରମରେ କୋରାଇ କୃଷିସମବାୟ ସମିତି ଅଧିନସ୍ଥ ହଳଦୀଗଡିଆ ପଂଚାୟତ ସ୍ଥିତ ଶାଳକଣା ଗ୍ରାମର ବରିଷ୍ଠ ଚାଷୀ ଯୋଗେନ୍ଦ୍ର ସାହୁ ଧାନଦେବା ନିମେନ୍ତ ପଞ୍ଜୀକୃତ କରିଥିଲେ । ଜମିଅନୁଯାୟୀ ୬୪କ୍ୱିଂଟାଲ ବିକ୍ରିକରିବାକୁ ମ୍ୟାସେଜ ପାଇଥିଲେ । ମୋବାଇଲ ସୂଚନାଅନୁଯାୟୀ ଡିସେମ୍ବର ୧୭ତାରିଖ ଦିନ ଆଶୀର୍ବାଦ ଆଗ୍ରୋପ୍ରଡ୍କ୍ଟ ମିଲରେ ୬୨କ୍ୱିଂଟାଲ ଧାନଦେଇ ପ୍ରଦତ ରସିଦ ଆଣି କୋରାଇ ସମବାୟ ସମିତିର ସଂପାଦକଙ୍କୁ ଦେଇଥିଲେ । ହେଲେ କିଛି ଦିନରେ ପାରେ ଶ୍ରୀ ସାହୁଙ୍କୁ ୫୦କ୍ୱିଂଟାଲ ଧାନର ମୂଲ୍ୟ ଜମାଖାତାକୁ ଆସିଲା; ଅବଶିଷ୍ଟ ୧୨କ୍ୱିଂଟାଲ ଧାନ ମୂଲ୍ୟ ଆସିଲା ନାହିଁ ।
ଫଳରେ ଶ୍ରୀ ସାହୁ ସମିତିର ସଂପାଦକ ମନ୍ମଥ ସିଂହଙ୍କୁ ପଚାରିବାରୁ ସେକହିଲେ ଅଳ୍ପଦିନ ମଧ୍ୟରେ ଦ୍ୱିତୀୟ ପର୍ଯ୍ୟାୟ ଆସିବ ସେଥିରେ ତୁମେ ଅବଶିଷ୍ଟ ଧାନର ଟଙ୍କା ପାଇଯିବ । ହେଲେ ଏଥି ମଧ୍ୟରେ ୩ମାସ ବିତିଲା; ହେଲେ ଧାନଟଙ୍କା ଆସିଲାନି; ରବିଚାଷ ପାଇଁ ଅର୍ଥ ଜରୁରି ହୋଇ ପଡିବାରୁ ଶ୍ରୀ ସାହୁ ପୁଣି ସଂପାଦକ ଶ୍ରୀ ସିଂହଙ୍କୁ ଭେଟି ଟଙ୍କାକଥା ପଚାରିବାରୁ ସେ ଅସହାୟତା ପ୍ରକାଶକରି କହିାଲ ତୁମେ ଏକା ନୁହଁ ତୁମଭଳି ଆମ ସମିତିରୁ ୧୯୮ଜଣଙ୍କର ୨୬୨୧କ୍ୱିଂଟାଲ ୩୮କି.ଗ୍ରା ଧାନର ଟଙ୍କା ପାଇବାକୁ ଅଛି ସେଥିପାଇଁ ମୁଁ ଏକ ତାଲିକା ମଧ୍ୟକରି ପ୍ରଦାନ ନିମନ୍ତେ ଉପନିବନ୍ଧକଙ୍କ ନିକଟକୁ ପଠାଇଛି । ହେଲେ ମାସାଧିକ ହେଲା ଆସୁନାହିଁ ତେଣୁ ଏଥିନେଇ ତୁମେ କୋରାଇ ବ୍ଲକ ଯୋଗାଣ ଅଧିକାରୀଙ୍କୁ ପଚାରନ୍ତୁ । ତଦନୁଯାୟୀ ଚାଷୀ ଶ୍ରୀ ସାହୁ ତାଙ୍କ ଭଳି ଟଙ୍କା ପାଇବାକୁ ଥିବା ପୀତାମ୍ବର ନନ୍ଦଙ୍କ ମିଶି ଯୋଗାଣ ଅଧିକାରୀଙ୍କ ନିକଟକୁ ଯାଇ ଧାନ ଟଙ୍କା ସଂପର୍କରେ ପଚାରିଥିଲେ । ହେଲେ ସେ କୌଣସି ସନ୍ତୋଷ ଜନକ ଉତର ଦେଇ ନପାରି ଉପନିବନ୍ଧକଙ୍କ ନିକଟକୁ ପଠାଇଦେଲେ । ତଦନୁଯାୟୀ ଧୁଧୁଖରାରେ ଯାଜପୁର ସ୍ଥିତ ଉପନିବନ୍ଧକଙ୍କ କାର୍ଯ୍ୟଳୟରେ ଯାଇ ପହଂଚିଲେ । ଦେଖନ୍ତିତ ଉପନିବନ୍ଧକ କାର୍ଯ୍ୟାଳୟରେ ନାହଁନ୍ତି; ଫୋନଯୋଗେ ପଚାରନ୍ତେ ଟୁରୁ ଯାଇଥିବା କହିଥିଲେ । ଶେଷରେ କାର୍ଯ୍ୟାଳୟ ପରିସରରେ ଅସନ୍ତୋଷ ବ୍ୟକ୍ତକରିବାରୁ ୫ଟି ବିଭାଗର କର୍ମଚାରୀ ଆସି ଅଭିପ୍ରାୟ ସଂପର୍କରେ ଲେଖିଥିଲେ ।
