କବିଚନ୍ଦ୍ର କାଳି ଚରଣ ଙ୍କ ପୁତ୍ର କିଶୋର ଚନ୍ଦ୍ର ପଟ୍ଟନାୟକଙ୍କର କୋଭିଡରେ ପରଲୋକ ରେ ଶ୍ରଦ୍ଧାଞ୍ଜଳି

ଓଡ଼ିଶା ତାଜା ନ୍ୟୁଜ (୩୦ ମେ ରବିବାର) ବାଙ୍କୀ :- ଓଡ଼ିଶାର ଲବ୍ଧ ପ୍ରତିଷ୍ଠିତ ନାଟ୍ୟକାର ଓଡ଼ିଶୀ ସଙ୍ଗୀତ ଓ ଓଡିଶୀ ର ସମ୍ରାଟ କବିଚନ୍ଦ୍ର କାଳିଚରଣ ପଟ୍ଟନାୟକଙ୍କର ପୁତ୍ର କିଶୋର ଚନ୍ଦ୍ର କିଶୋର ଚନ୍ଦ୍ର ପଟ୍ଟନାୟକ କରୋନାରେ ସଂକ୍ରମିତ ହୋଇ କଟକ ଅଶ୍ୱିନୀ କୋଭିଡ ହସ୍ପିଟାଲରେ ଚିକିତ୍ସାଧିନ ଥିଲେ । ସେଠାରେ ତାଙ୍କର ଗତ ଗୁରୁବାର ପରଲୋକ ଘଟିଛି । କଟକ ସତୀ ଚଉରା ଶ୍ମଶାନ ଠାରେ ତାଙ୍କର ଶବସତ୍କାର କରାଯାଇଛି । ତାଙ୍କର ଦୁଇପୁଅ ଓ ଜଣେ ଝିଅ ଅଛନ୍ତି । ପୂର୍ବରୁ ୨୦୦୯ମସିହାରେ ତାଙ୍କ ପତ୍ନୀଙ୍କର ବିୟୋଗ ଘଟିଥିଲା । ମୃତ୍ୟୁ ବେଳକୁ ତାଙ୍କୁ ୭୪ବର୍ଷ ହୋଇଥିଲା ।

ବାଙ୍କୀ ଏନଏସି ଅନ୍ତର୍ଗତ ବେଦପୁର ଗ୍ରାମରେ ଜନ୍ମିତ ହୋଇ ଏଠାରେ ପାଠ ପଢା ସାରି କଟକ ରେ କାଳି ଚରଣ ଙ୍କ ପାଖରେ ରହି ଉଚ୍ଚ ଶିକ୍ଷା ଲାଭ କରିଥିଲେ।ସେ ଅବସରପ୍ରାପ୍ତ କଟକ ଜିଲ୍ଲା ରେଜିଷ୍ଟ୍ରାର୍ ଥିଲେ।ତାଙ୍କ ବିୟୋଗ ରେ ବାଙ୍କୀ ର ବହୁ ବୁଦ୍ଧି ଜୀବୀ ଶୋକ ପ୍ରକାଶ କରିଛନ୍ତି।ବାଙ୍କୀ ବରେନ୍ଦ୍ରକୃଷ୍ଣ ବିଦ୍ୟାପୀଠ ଶତବାର୍ଷିକ ପାଳନ କମିଟିର ସଭାପତି ଭବାନୀ ପ୍ରସାଦ ପଣ୍ଡିତ , ତାଙ୍କର ବାଲ୍ୟବନ୍ଧୁ ବାଙ୍କୀ ସାହିତ୍ୟ ଆସରର ସଂପାଦକ ଜ୍ଞାନେନ୍ଦ୍ର ମୋହନ ମିଶ୍ର ସ୍ୱର୍ଗତ କିଶୋର ଚନ୍ଦ୍ର ପଟ୍ଟନାୟକଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରି ଶୋକ ପ୍ରକାଶ କରିଛନ୍ତି । (ରିପୋର୍ଟ :ଗୌତମ ମିଶ୍ର )