ଗଞ୍ଜାମ ଜିଲା ଗୋପାଳପୁର ଥାନା, ସାନକୁଶସ୍ଥଳନୀ ଗାଁରେ ଚୋରା ବିଦେଶୀ ମଦ ବେପାର ଚାଲିଥିବା ବେଳେ – ଅବକାରୀ ଚଢାଉ କରିଥିଲେ

ଓଡ଼ିଶା ତାଜା ନ୍ୟୁଜ୍ (୧୦ ମେ ୨୦୨୧, ସୋମବାର ) ଗୋପାଳପୁର :- ଗଞ୍ଜାମ ଜିଲା ଗୋପାଳପୁର ଥାନା ଅନ୍ତର୍ଗତ ସାନକୁଶସ୍ଥଳନୀ ଗାଁରେ ଚୋରା ବିଦେଶୀ ମଦ ବେପାର ଚାଲିଥିବା ବେଳେ ଅବକାରୀ ଅଧିକାରୀମାନେ ଚଢାଉ କରିଥିଲେ । ଚଢାଉ ବେଳେ ଉକ୍ତ ସ୍ଥାନରୁ ମାତ୍ର ୨ଟି ବିୟର ବୋତଲ ମିଳିଥିଲା । ତେବେ ଚଢାଉ ବେଳେ ବିଭାଗୀୟ କର୍ମଚାରୀଙ୍କୁ ଆକ୍ରମଣ ଉଦ୍ୟମ କରାଯାଇଛି ।

କରୋନା ସଂକ୍ରମଣ ରୋକିବା ପାଇଁ ଲକଡାଉନ ଜାରି କରାଯାଇଛି । ଏଥସହ ଲାଇସେନ୍ସପ୍ରାପ୍ତ ବିଦେଶୀ ମଦ ଦୋକାନ ବନ୍ଦ ରହିଛି । କିନ୍ତୁ ସାନକୁଶସ୍ଥଳୀ ଗ୍ରାମର ଜଣେ ବ୍ୟକ୍ତି ଘରେ ଚୋରା ବିଦେଶୀ ମଦ ରଖି ଅଧିକ ଦରରେ ବିକ୍ରି କରୁଥିବା ଖବର ଅବକାରୀ ବିଭାଗ ପାଇଥିଲା ।

ବ୍ରହ୍ମପୁର ଅବକାରୀ ଜିଲା ଷ୍ଟ୍ରାଇକିଂ ଫୋର୍ସ, ସଦର ରେଞ୍ଜ ଅଧିକାରୀ ଓ ମାଜିଷ୍ଟ୍ରେଟ ଦାୟିତରେ ଥିବା ତହସିଲଦାର ଉକ୍ତ ବ୍ୟକ୍ତିଙ୍କ ଘରେ ଚଢାଉ କରିଥିଲେ । କିନ୍ତୁ ସେଠାରୁ ମାତ୍ର ୨ଟି ବିୟର ବୋତଲ ମିଳିଥିଲା । ଏଥସହ ଅବକାରୀ କର୍ମଚାରୀଙ୍କ ସହ ସମ୍ପୃକ୍ତ ଘରର ଲୋକମାନେ ଯୁକ୍ତିତର୍କ କରିଥିଲେ । ଗୋପାଳପୁର ପୋଲିସ ପହଞ୍ଚିବା ପରେ ପରିସ୍ଥିତି ଶାନ୍ତ ପଡିଥିଲା ।