ବ୍ଳକ ଚିତ୍ରକର ସଂଘର ସାଧାରଣ ବୈଠକ ଓ କର୍ମକର୍ତା ଚୟନ

ଓଡ଼ିଶା ତାଜା ନ୍ୟୁଜ୍ (୧୯ ଏପ୍ରିଲ ସୋମବାର ) ହିଞ୍ଜିଳିକାଟୁ :- ଗଞ୍ଜାମ ଜିଲ୍ଲା ରଙ୍ଗତୂଳୀ କଳାକାର ସଂଘ ଆନୁକୂଲ୍ୟରେ ରବିବାର ସ୍ଥାନୀୟ ବ୍ଳକ ଖରିଡ଼ା ପଂଚାୟତ ମା’ କରେଇଶୁଣୀ ପୀଠ ପରିସରରେ ହିଞ୍ଜିଳିକାଟୁ ବ୍ଳକ ଚିତ୍ରକର ସଂଘର ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି । ଗଞ୍ଜାମ ଜିଲ୍ଲା ରଙ୍ଗତୂଳୀ କଳାକାର ସଂଘ ସଭାପତି ଦିଗାମ୍ବର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ସମ୍ପାଦକ ଚିତ୍ରସେନ ଦଳାଇ ସ୍ୱାଗତ ଭାଷଣ ସହ ବୈଠକର ଆଭିମୁଖ୍ୟ ବର୍ଣ୍ଣନା କରିଥିଲେ । ମହାମାରୀ କରୋନା ଭୁତାଣୁ ସଂକ୍ରମଣ ସମୟରେ ଚିତ୍ରକର ମାନଙ୍କ ଅବସ୍ଥା ଓ ସମସ୍ୟା ସମ୍ପର୍କରେ ବୈଠକରେ ଆଲୋଚନା କରାଯାଇଥିଲା ।

ଉପସ୍ଥିତ ଚିତ୍ରକର ମାନଙ୍କ ଅନୁରୋଧ କ୍ରମେ ହିଞ୍ଜିଳିକାଟୁ ବ୍ଳକ ଚିତ୍ରକର ମାନଙ୍କ କର୍ମକର୍ତା ଚୟନ କରାଯାଇଥିଲା । ସର୍ବସମ୍ମତି କ୍ରମେ ସଭାପତି ଭାବେ ବିଜୟ କୁମାର ପଟ୍ଟନାୟକ, ସରୋଜ କୁମାର ସାହୁ (ଉପସଭାପତି), ଗୌରୀ ନାୟକ (ସମ୍ପାଦକ), ସିମାଂଚଳ ବେହେରା (ସହ ସମ୍ପାଦକ), ସୁନିଲ କୁମାର ମହାନ୍ତି (କୋଷାଧ୍ୟକ୍ଷ) ଏବଂ ଉପଦେଷ୍ଟା ଭାବେ ରଞ୍ଜନ କୁମାର ସାହୁଙ୍କୁ ମନୋନୀତ କରାଯାଇଥିଲା । ଉକ୍ତ ବୈଠକରେ ସ୍ଥାନୀୟ ବ୍ଳକର ବହୁ ଚିତ୍ରକର ଅଂଶ ଗ୍ରହଣ କରିଥିଲେ ।  ( ରିପୋର୍ଟ : ଶୁସାନ୍ତ ପ୍ରଧାନ )