ନୟାଗଡ଼ ଜିଲ୍ଲାର ରଣପୁର ବ୍ଲକ (ଓଡିଶା ତାଜା ନ୍ୟୁଜ୍ ) ଗଡ଼ବାଣିକିଲୋ ପଞ୍ଚାୟତ 23.2.2020 ରିପୋର୍ଟ/ସୋନାଲି :- ନୟାଗଡ଼ ଜିଲ୍ଲାର ରଣପୁର ବ୍ଲକ ଗଡ଼ବାଣିକିଲୋ ପଞ୍ଚାୟତର ଗୁଣ୍ଡୁରିଆ ଗ୍ରାମ ରୁ ଗତ ଦୁଇ ଦିନ ପୁର୍ବ ଏକ ଲୁପ୍ତ ପ୍ରଜାତିର ବିରାଟ ଶାଗୁଣା ଉଦ୍ଧାର କରାଯାଇଥିଲା ।
ଆଘାତ ଲାଗି ଶାଗୁଣା ଟି ଉଡି ପାରୁନଥିଲା କି ଖାଇ ପାରୁନଥିଲା ଦେହ ସାରା ପୋକ ହୋଇ ଯାଇଥିଲା ରଣପୁର ର ବନ ବିଭାଗ ଅନ୍ତର୍ଗତ ଗୁଣ୍ଡୁରିଆ ଗ୍ରାମର କୁକୁଡ଼ା ଫାର୍ମ ନିକଟରେ ଅସୁସ୍ଥ ଅବସ୍ଥା ରେ ପଡ଼ିଥିବାର ଦେଖି ଗ୍ରାମବାସୀ ବନ ବିଭାଗ କୁ ସୂଚିତ କରିଥିଲେ । ଫରେଷ୍ଟର କୈବଲ୍ୟ ବେହେରା ଓ ସ୍ନେକ୍ ହେଲ୍ପଲାଇନ ସଦସ୍ୟ ଅଜୟ କୁମାର ଦାସ ଉକ୍ତ ସ୍ଥାନରେ ପହଂଚି ଅସୁସ୍ଥ ଶାଗୁଣା କୁ ନେଇ ରଣପୁର ବନ ବିଭାଗ କାର୍ଯ୍ୟାଳୟ କୁ ଆଣିଥିଲେ । ସେଠାରେ ସ୍ଥାନୀୟ ପଶୁ ଚିକତ୍ସାଳୟ ର ଭେଟନାରୀ ଡାକ୍ତର କର୍ମଚାରୀ ଙ୍କ ସହାୟତା ରେ ଶାଗୁଣା ଟିର ଚିକତ୍ସା କରାଯାଉଥିଲା । ବନ ବିଭାଗ ସୂଚନା ଅନୁଯାୟୀ ଆସନ୍ତା କାଲି ପକ୍ଷୀ ଟିକୁ ଭୁବନେଶ୍ୱର ପ୍ରାଣୀ ଚିକିତ୍ସାଳୟ( ଓୟୁଏଟି) କଲେଜ ର ପ୍ରାଣୀ ଚିକତ୍ସା ବିଭାଗ କୁ ସ୍ଥାନାନ୍ତରିତ କରାଯିବ ଓ ପକ୍ଷୀ ଟିକୁ ସୁସ୍ଥ କରି ନନ୍ଦନକାନନ କୁ ପଠାଯିବ ବୋଲି ଡିଏଫ୍ ସୂଚନା ଦେଇଛନ୍ତି ।
