ରଣପୁର (ଓଡିଶା ତାଜା ନ୍ୟୁଜ୍ ) ରଣପୁର ବାଘସାମନ୍ତ ପଡିଆ 22.2.2020 :- ରଣପୁର ସ୍ପୋର୍ଟସ୍ ଆସୋସିଏସନ ଆନୁକୁଲ୍ୟରେ ରଣପୁର ବାଘସାମନ୍ତ ପଡିଆଠାରେ ରାଜ୍ୟ ସ୍ତରୀୟ ରଣପୁର କପ୍ ଫୁଟ୍ବଲ୍ ମ୍ୟାଚ୍ର ଫାଇନାଲ୍ ହୋଇ ଯାଇଅଛି । ଏହି ଫାଇନାଲ୍ ମ୍ୟାଚ୍ ନୟାଗଡ ସ୍ପୋର୍ଟସ୍ ହଷ୍ଟେଲ୍ ଓ କଟକ ମଙ୍ଗଳା କ୍ଲବ୍ ମଧ୍ୟରେ ଅନୁଷ୍ଠିତ ହୋଇଥିଲା । ମଙ୍ଗଳା କ୍ଲବ୍ ନୟାଗଡ ସ୍ପୋର୍ଟସ୍ ହଷ୍ଟେଲ୍ କୁ ୧-୦ ଗୋଲ୍ ରେ ହରାଇ ଚମ୍ପିଆନ୍ ହୋଇଥିବା ଜଣା ପଡିଛି । ଏଥିରେ ମୁଖ୍ୟଅତିଥି ଭାବରେ ପୁରୀ ସାଂସଦ ପିନାକୀ ମିଶ୍ର , ସମ୍ମାନିତ ଅତିଥି ଭାବେ ରଣପୁର ବିଧାୟକ ସତ୍ୟନାରାୟଣ ପ୍ରଧାନ ଯୋଗ ଦେଇଥିଲେ । ନୟାଗଡ ସ୍ପୋର୍ଟସ୍ ହଷ୍ଟେଲ୍ କୁ ରନର୍ସଅପ୍ ଟ୍ରଫି ପ୍ରଦାନ କରାଯାଇଥିଲା । ସେହିଭଳି ଭାବରେ ସ୍ପୋର୍ଟସ୍ ହଷ୍ଟେଲ୍ ନୟାଗଡର ଖେଳାଳୀ ମ୍ୟାନ୍ ଅଫ୍ ଦ ସିରିଜ ହୋଇଥିଲେ । ସାଂସଦ ପିନାକୀ ମିଶ୍ର ମଙ୍ଗଳା କ୍ଲବ୍ କଟକକୁ ଚମ୍ପିଆନ୍ସିପ୍ ଟ୍ରଫି ପ୍ରଦାନ କରିଥିଲେ ।
କଟକ ମଙ୍ଗଳା କ୍ଲବ୍ ର ଖେଳାଳୀ ମ୍ୟାନ୍ ଅଫ୍ ଦ ମ୍ୟାଚ୍ ହୋଇଥିଲେ । ଏହି ଉଦ୍ଯାପନୀ ସଭାରେ ରଣପୁର ସ୍ପୋର୍ଟସ୍ ଆସୋସିଏସନ୍ ର ସମ୍ପାଦକ ସ୍ୱରାଜ ମହାନ୍ତି ବିବରଣୀ ପ୍ରଦାନ କରିବା ସହ ରଣପୁର ଏହି ବାଘ ସାମନ୍ତ ମିନି ଷ୍ଟାଡିୟମ୍ ସହ ଏକ ଜିମ ସେଟଂର ନିର୍ମାଣ କରିବା ପାଇଁ ସାଂସଦ ଓ ବିଧାୟକଙ୍କୁ ଅନୁରୋଧ କରିଥିଲେ । ମୁଖ୍ୟ ଅତିଥି ପ୍ରତିଦିନ ଖେଳପରିଚାଳନାରେ ସହେଯାଗ କରିଥିବା ରେଫେରେି ମାନଙ୍କୁ ସମ୍ମାନୀତ କରିଥିଲେ । ଆଜି ର ମ୍ୟାଚକୁ ମୁଖ୍ୟ ରେଫେରି ଭାବେ ଜାତୀୟ ସ୍ତର ର ରେଫେରି ଶିବ ଶଙ୍କର ପଣ୍ଡା ପରିଚାଳନା କରିଥିବା ବେଳେ , ଲାଇନ୍ସ ମ୍ୟାନ ରେ ମିଜ୍ଜା ସିରାଉଦିନ ବେଗ , ରବିନାରାୟଣ ରଣା କାର୍ଯ୍ୟ କରିଥିବା ବେଳେ ୪ର୍ଥ ରେଫେରି ଭାବରେ ବ୍ରଜମୋହନ ମହାପାତ୍ର ସହଯୋଗ କରିଥିଲେ ।
ଆଜିର ମ୍ୟଚରେ ଅନ୍ୟମାନଙ୍କ ମଧ୍ୟରେ ରଣପୁର ଏନଏସି ଅଧକ୍ଷା ସବିତା ଦାସ , ପୂର୍ବତନ ସମିତି ଅଧକ୍ଷ ଦେବାଶିଷ ପଟ୍ଟନାୟକ, ପ୍ରଭାତ ଦଳବେହେରା , କିଶୋର ପଟ୍ଟନାୟକ , ଶରତ ଚନ୍ଦ୍ର ରଥ , ସୁରେଶ ଚନ୍ଦ୍ର ମିଶ୍ର , ସନ୍ତୋଷ ଲେଙ୍କା ପ୍ରମୁଖ ଯୋଗ ଦେଇଥିଲେ । ଏହି ଫାଇନାଲ ମ୍ୟାଚ ଦେଖିବା ପାଇଁ ହଜାର ହଜାର ଦର୍ଶକ ଉପସ୍ଥିତ ଥିଲେ ।
