ମାହାଙ୍ଗା, କଟକ (ଓଡିଶା ତାଜା ନ୍ୟୁଜ୍ ) ଚାନ୍ଦବାଲି ରାସ୍ତା 20/02/20 :- କଟକ ଚାନ୍ଦବାଲି ରାସ୍ତା ପାଲଟିଛି ମରଣଯନ୍ତା, ଦୁଇ ବାଇକ ମୁହାଁମୁହିଁ ଧକ୍କା । ଜଣେ ବାଇକ ଆରୋହି ଘଟଣା ସ୍ଥଳରେ ହିଁ ମୃତ ଆଉ ଦୁଇ ଜଣ ଗୁରୁତ୍ତର ଆହତ। ଘଟଣା ଘଟିଛି କଟକ ଜିଲ୍ଲା ସାଲେପୁର ଥାନା କଳାଗ୍ନି ମୁଖ୍ୟ ରାସ୍ତାରେ ।
ମୃତ ବାଇକ ଆରୋହିଙ୍କ ନାମ ହେଉଛି ଯସବନ୍ତ ଦାସ। ତାଙ୍କ ଘର ଭୁବନେଶ୍ବର ନୟାପଲ୍ଲୀ ଅଞ୍ଚଳରେ । ସେ ଏକ ପଲସର ବାଇକ ଯୋଗେ କେନ୍ଦ୍ରାପଡ଼ାରୁ କଟକ ଅଭିମୁକ୍ଷେ ଯାଉଥିବା ସମୟରେ କଟକ-ଚାନ୍ଦବାଲି ରାସ୍ତାର କଳାଗ୍ନି ଛକରେ ବିପରୀତ ପଟୁ ପ୍ୟାସନ ପ୍ଲସ ବାଇକରେ ଆସୁଥିବା ଭଦ୍ରକ ଜିଲ୍ଲା ଚାନ୍ଦବାଲି-ତୋଟାପଡା ଗାଁର ଦୁଇ ଭାଇ ଭୀମସେନ ସାହୁ ଓ ଉପେନ୍ଦ୍ର ସାହୁଙ୍କୁ ସାମ୍ନାପଟୁ ପିଟିଥିଲେ।
ଫଳରେ ଘଟଣା ସ୍ଥଳରେ ହିଁ ଯସବନ୍ତଙ୍କ ମୃତ୍ୟୁ ହୋଇଯାଇଥିଲା। ଦୁଇଭାଇ ଭୀମସେନ ଓ ଉପେନ୍ଦ୍ରଙ୍କୁ ଗୁରୁତ୍ତର ଅବସ୍ଥାରେ ଆମ୍ବୁଲାନ୍ସ ଯୋଗେ ସାଲେପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ରେ ପ୍ରଥମିକ ଚିକିତ୍ସା କରାଯିବା ସହ ଗୁରୁତର ହେବାରୁ ଉଭୟଙ୍କୁ ପରେ କଟକ ବଡ଼ମେଡିକାଲ ପଠା ଯାଇଛି, ଏହି ରାସ୍ତାରେ ଡିଭାଇଡର ନଥିବାରୁ ପ୍ରତିଦିନ ଦୁର୍ଘଟଣା ଘଟିବା ସହ ପଠା ଯାତ୍ରୀ ମାନେ ନିଶ୍ଚିତ ମୃତ୍ୟୁ ମୁଖରେ ପଡୁଛନ୍ତି, ସେଇପରି କଟିକଟ ଅନାମ ଦାସ ଛକରେ ଦୁର୍ଘଟଣା ଘଟି ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି, ତୁରନ୍ତ ଜାତୀୟ ରାଜପଥ କତୃପକ୍ଷ ଏହି ରାସ୍ତାରେ ଡିଭାଇଡର ବ୍ୟବସ୍ଥା କରିବାକୁ ସାଧାରଣରେ ଦାବୀ ହୋଇଛି, ଅପାର ପକ୍ଷରେ ସାଲେପୁର ଠାରୁ କୁଳିଆ ଓ କଟିକଟ ଠାରୁ ଚାନ୍ଦୋଳ ମଧ୍ୟରେ ଥିବା ରାସ୍ତା ଏବେ ଡେଡ଼ ଜୋନ ହେଇଯାଇଛି, ପ୍ରତିଦିନ ଏହି ରାସ୍ତାରେ ଦୁର୍ଘଟଣା ଘଟୁଥିବାରୁ ସାଧାରଣ ପଥଚାରୀମାନେ ନିଜକୁ ସୁରକ୍ଷିତ ମଣୁନାହାନ୍ତି, ମାହାଙ୍ଗାରୁ ଲଷ୍ମୀଧର ଖୁଣ୍ଟିଆ ଙ୍କ ରିପୋର୍ଟ
