ସାହିତ୍ୟ ସଂସ୍କୃତିର ପୂଜାରୀ, ବର୍ଷିଆନ କଂଗ୍ରେସ ନେତା ରବୀନ୍ଦ୍ର ସାହୁଙ୍କୁ କାନ୍ଧ ଦେଲେ – ଆଇନ ମନ୍ତ୍ରୀ ପ୍ରତାପ ଜେନା

ଓଡ଼ିଶା ତାଜା ନ୍ୟୁଜ୍ (୫ ଏପ୍ରିଲ ସୋମଵାର ) କୁଆଁପାଳ :- କଟକ ଜିଲ୍ଲା ମାହାଙ୍ଗା ଅଂଚଳର ସାହିତ୍ୟ ସଂସ୍କୃତି ପୂଜାରୀ ସାରସ୍ୱତ ସାଧକ ତଥା ବର୍ଷିଆନ କଂଗ୍ରେସ ନେତା ଶିକ୍ଷାବିତ ରବୀନ୍ଦ୍ର କୁମାର ସାହୁଙ୍କ ମରଶରୀରରେ କାନ୍ଧ ଦେଇଛନ୍ତି ମାହାଙ୍ଗା ବିଧାୟକ ତଥା ଆଇନ ମନ୍ତ୍ରୀ ପ୍ରତାପ ଜେନା, ଖବର ଅନୁଯାଇ ମାହାଙ୍ଗା ବ୍ଲକ ମଣିଜୋରି ଗ୍ରାମର ରବୀନ୍ଦ୍ର କୁମାର ସାହୁ ଯିଏ କି ଶିକ୍ଷକତାରୁ ନିଜର କାର୍ଯ୍ୟ ଆରମ୍ଭ କରି ମାହାଙ୍ଗା କଂଗ୍ରେସ ର ଜଣେ ସୁସଂଗଠକ ସହ ମାହାଙ୍ଗା ସାହିତ୍ୟ ସଂସ୍କୃତି ଐତିହ୍ୟ ର ପୂଜାରୀ ଭାବେ ପରିଚିତ ଥିଲେ, ନିଜର ଜୀବନର ଶେଷ ସମୟ ଯାଏ ସମାଜ ସେବା ଓ ସାହିତ୍ୟ ସଂସ୍କୃତି କ୍ଷେତ୍ରରେ କାର୍ଯ୍ୟ କରି ନିଜର ସ୍ୱତନ୍ତ୍ର ପରିଚୟ ସୃଷ୍ଟିକରିବା ସହ ପୂର୍ବତନ ମନ୍ତ୍ରୀ ସେକ ମତଲୁବ ଅଲି ଙ୍କ ରାଜନୈତିକ ଜୀବନର ପ୍ରମୁଖ ସହଯୋଗୀ ଥିଲେ,

ସେ ଗତକିଛି ଦିନ ହେଲା ବାର୍ଦ୍ଧକ୍ୟ ଜନିତ ରୋଗରେ ପୀଡିତ ହୋଇ ମେଡିକାଲ ରେ ଚିକିତ୍ସାଧୀନ ଅବସ୍ଥାରେ ଟଙ୍କାର ଦେହାନ୍ତ ହୋଇଯାଇଛି, ତାଙ୍କ ମରଶରୀରକୁ ଏକ ଶୋଭାଯାତ୍ରାରେ ଅଣାଯାଇଥିଲା ଖନ୍ଦୋଳ କଂଗ୍ରେସ କାର୍ଯ୍ୟାଳୟ, ଛତ୍ରତୋଟା ବଜାର, ମେଡିକାଲ ବଜାର, ଏରକଣା ବଜାର, ମଣି ଜୋରି ସହିଦ ଭବନ, ପୁଷ୍ପଗିରି ମହାବିଦ୍ୟାଳୟ, ରାମଚଣ୍ଡୀ ବିଦ୍ୟାଳୟକୁ ନିଆଯାଇଥିବାବେଳେ ସେଠାରେ ତାଙ୍କ ଆନୁଗତ୍ୟ ଓ ବିଶିଷ୍ଟ ବ୍ୟକ୍ତିମାନେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ, ପରେ ତାଙ୍କ ଜନ୍ମସ୍ଥାନ ମଣିଜୋରି ବାସଭବନକୁ ନିଆଯାଇଥିଲା, ସେଠାରେ ଆତ୍ମୀୟସ୍ୱଜନ ବନ୍ଧୁ ପରିବାରବର୍ଗ,

ମାନ୍ୟଗଣ୍ୟ ବ୍ୟକ୍ତିମାନେ ଅନ୍ତିମ ଶରୀର ଦର୍ଶନ କରି ଶେଷ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ, ଆଇନ ମନ୍ତ୍ରୀ ପ୍ରତାପ ଜେନା ତାଙ୍କ ବାସଭବନରେ ପହଂଚି ସ୍ବର୍ଗତ ସାହୁଙ୍କ ମରଶରୀରକୁ କାନ୍ଧ ଦେବାସହିତ ଶେଷକୃତ୍ୟ ରେ ସାମିଲ ହୋଇ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଥିଲେ, ବ୍ଲକ ଅଧ୍ୟକ୍ଷ ଶରତ ନାୟକ, ପିସିସି ପୂର୍ବତନ ସମ୍ପାଦକ ପ୍ରଦୀପ୍ତ ଦାସ, କଂଗ୍ରେସ ସଂଗଠକ ମସୂଦ ଅଲି, ସାହିତ୍ୟିକ ପ୍ରଫେସର ବିଜୟାନନ୍ଦ ସିଂ, ଆଇନଜୀବୀ ଦୀପକ ମହାନ୍ତି, ଡ଼ଃ ଜୟୀରାମ ସ୍ୱାଇଁ, ଅଶୋକ ରାଉତ, ପ୍ରାଧ୍ୟାପକ ବିବେକାନନ୍ଦ ମିଶ୍ର, ମାହାଙ୍ଗା ଯୁବବଜେଡ଼ି ସଭାପତି ଶରତ ମହାପାତ୍ର, ନଳିନୀ ମହାନ୍ତି, ଶିକ୍ଷାବିତ ଦୀନବନ୍ଧୁ ପାତ୍ର, ଡ଼ଃ କାର୍ତିକେ ଶ୍ୱର ସାହୁ ସମେତ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ରହି ଶେଷ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ