କଟକ ଜିଲ୍ଲା ନିଆଳୀ ବ୍ଲକ ଏକବେରୁଆଁ ପଞ୍ଚାୟତ ଛକରେ ଥିବା ଗାନ୍ଧୀ ମୃର୍ତ୍ତୀକୁ ଭାଙ୍ଗିଦେଲେ ଦୁରଵୃତ୍ତ

ଓଡ଼ିଶା ତାଜା ନ୍ୟୁଜ୍ (୫ ଏପ୍ରିଲ ସୋମଵାର ) କଟକ :- ରବିବାର ରାତିରେ କୌଣସି ଦୁର୍ବୃତ୍ତ , କଟକ ଜିଲ୍ଲା ନିଆଳୀ ବ୍ଲକ ଏକବେରୁଆଁ ପଞ୍ଚାୟତ କାର୍ଯ୍ୟ।ଳୟ ଠାରୁ ଅଳ୍ପ ଦୂର , ବାଲିକୁଦ ଛକଠାରେ ପଚାଷ ବର୍ଷ ତଳେ ସ୍ଥାପନ କରାଯାଇଥିବା , ଗାନ୍ଧୀଙ୍କ ପ୍ରତିମୂର୍ତ୍ତିକୁ , ରବିବାର ରିତିରେ କୌଣସି ଦୁର୍ବୃତ୍ତ ଭାଙ୍ଗି ନିକଟରେ ଥିବା କଣ୍ଟା ବୁଦାକୁ ପକାଇ ଦେବା ଘଟଣା କୁ ନେଇ, ଆଜି ଏକବେରୁଆଁ ପଞ୍ଚାୟତ ବାସୀ ଏବଂ ବୁଦ୍ଧିଜୀବୀଙ୍କ ମଧ୍ୟରେ ଆସନ୍ତୋଷର ଦାନା ବାନ୍ଧୁଥିବା ଦେଖାଦେଇଛି ।

ଦେଶ ସ୍ୱାଧୀନ ହେବାର କିଛି ବର୍ଷ ପରେ ସିଠାଳୋ ପଞ୍ଚାୟତର ପୂର୍ବତନ ସରପଞ୍ଚ ଗାନ୍ଧୀବାଦୀ ନେତା ସ୍ୱର୍ଗତ ଗଜେନ୍ଦ୍ର ମହାପାତ୍ର ଏଠାରେ ଗାନ୍ଧୀ ମୃର୍ତ୍ତୀକୁ ସ୍ଥାପନ କରିଥିଲେ । ଆଜି ସକାଳେ ମୂର୍ତ୍ତି ପଡ଼ଥିବା ବାଟଦେଇ ନିକଟରେ ଥିବା, ସରସ୍ୱତୀ ଶିଶୁ ମନ୍ଦିର କୁ ପାଠ ପଢ଼ିବା ପାଇଁ ଯାଉଥିବା , ଶିକ୍ଷୟିତ୍ରୀ ରେଣୁକା ସିଂହ , ଏହା ଦେଖି ସେଠାରେ ପଡ଼ିଥିବା ଗାନ୍ଧୀଙ୍କ ମୂର୍ତ୍ତିକୁ , ଆଣି ପୂର୍ବ ସ୍ଥାନରେ ରଖିଦେଇ ବିଦ୍ୟାଳୟକୁ ଚାଲି ଯାଇଥିଲେ ।

ଏହି ଖବର ପ୍ରଚାରିତ ହେବା କ୍ଷଣି, ଘଟଣା ସ୍ଥଳରେ ଗାନ୍ଧୀବାଦୀଙ୍କ ଭିଡ଼ ଲାଗିଥିଲା । ଗାନ୍ଧୀବାଦୀ ମାନେ ଏହି ଘଟଣାର ସଂପୃକ୍ତ ଦୃରବୁତ୍ତଙ୍କୁ ନିଆଳୀ ପୋଲିସ ତଦନ୍ତ କରି ଗିରଫ ନକଲେ, ବଡ଼ ଧରଣୀ ଆନ୍ଦୋଳନକୁ ଅଞ୍ଚଳ ବାସୀ ଓହ୍ଲେଇବେ ବୋଲି ଚେତାବନୀ ଦେଇଛନ୍ତି । (କଟକ ରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ) ।