ଶ୍ରୀମନ୍ଦିର ସାମ୍ନା ଚପଲ ଷ୍ଟାଣ୍ଡ ବାରିକେଡରେ ଫସିଗଲା ଶିଶୁର ମୁଣ୍ଡ

ଓଡ଼ିଶା ତାଜା ନ୍ୟୁଜ୍ (୩ ଏପ୍ରିଲ ଶନିବାର ) ପୁରୀ :- ଶ୍ରୀମନ୍ଦିର ସାମ୍ନାରେ ଅଭାବନୀୟ ଘଟଣା । ଶ୍ରୀମନ୍ଦିର ସାମ୍ନା ଚପଲ ଷ୍ଟାଣ୍ଡ ବାରିକେଡରେ ଫସିଗଲା ଶିଶୁ । ବାରିକେଡ୍‌ ଲୁହା ରଡ୍ ଫାଙ୍କରେ ମୁଣ୍ଡ ପୂରାଇ ଫସି ଗଲା ୪ ବର୍ଷର ଶିଶୁ କନ୍ୟା । ବହୁ କସରତ ପରେ ପୁଲିସ ଓ ଅଗ୍ନିଶମ ବାହିନୀ କଟରରେ ଲୁହାରଡ୍ କାଟି ଶିଶୁ କନ୍ୟାକୁ ଉଦ୍ଧାର କରିଛନ୍ତି । ପରିବାର ସହ ଭବାନୀପାଟଣାରୁ ଶ୍ରୀମନ୍ଦିର ଦର୍ଶନ ପାଇଁ ୪ ବର୍ଷର ଶିଶୁକନ୍ୟା ଆସିଥିଲେ ।

ତେବେ ଚପଲ ଷ୍ଟାଣ୍ଡ ବାରିକେଡରେ କୌଣସି କାରଣରୁ ସେ ଫସିଯାଇଥିଲେ । ବହୁ ସମୟ ଧରି ଲୁହା ରଡ୍ ଫାଙ୍କରେ ଶିଶୁ କନ୍ୟାର ମୁଣ୍ଡ ଅଟକି ଯାଇଥିଲା । ତେବେ ଜଗନ୍ନାଥଙ୍କ ଆଶୀର୍ବାଦ ଓ ସ୍ଥାନୀୟ ଜନସାଧାରଣଙ୍କ ସହଯୋଗ ଯୋଗୁ ମୋ ଝିଅର ଜୀବନ ବଞ୍ଚିଗଲା ବୋଲି ଶିଶୁ କନ୍ୟାର ବାପା କହିଛନ୍ତି । (ରିପୋର୍ଟ ଭଞ୍ଜ ବିହାରୀ ମହାନ୍ତି)