ମାହାଙ୍ଗା,କଟକ (ଓଡିଶା ତାଜା ନ୍ୟୁଜ୍ ) ମାହାଙ୍ଗା 16/02/20:-କବିତା ଛଳଛଳ ହୃଦୟର କଥା କହେ ମାହାଙ୍ଗା ମାଟି, ଯେଉଁଠି ଜୀବନ ଓ ମୃତ୍ୟୁର ସମ୍ପର୍କ ଭିତରେ ଉଲ୍ଲସୀତ ହୋଇ ଉଠନ୍ତି ସାରସତ୍ବ ସାଧକ ମାନେ,ଆଉ ସମାଜରେ ଶାନ୍ତି ମୈତ୍ରୀ ଓ ସଦଭାବନା ଆଣିବା ପାଇଁ ବୁଣି ଦିଅନ୍ତି ସାହିତ୍ୟର ବିଜଟିଏ l ଆଉ କବି ମାନଙ୍କର ନିଆରା ପରିକଳ୍ପନା ସାହିତ୍ୟ ଭିତରେ ମହମହ ହୋଇ ବାସି ଉଠେ l ଯାହାକି କବିତା ପାଲଟି ଯାଏ l
ଆଉ ଏହି ପ୍ରତିଭାଧରଙ୍କ ପାଇଁ ମହକି ଉଠେ ମାହାଙ୍ଗାର ଇତିହାସ ବୋଲି କଟକ ଜିଲ୍ଲା ମାହାଙ୍ଗା କୋଠପଦା ସ୍ଥିତ ଗଣକବି ବୈଷ୍ଣବ ପାଣି ସ୍ମୃତି ମଣ୍ଡପରେ ଆୟୋଜିତ ହେଉଥିବା ସାହିତ୍ୟ ମହାକୁଂଭର ଉଦଯାପନ ଉତ୍ସବରେ ନଗର ଉନ୍ନୟନ ଓ ଆଇନି ମନ୍ତ୍ରୀ ପ୍ରତାପଜେନା ଯୋଗଦେଇ ମତବ୍ୟକ୍ତ କରିଚନ୍ତି, ବର୍ଣ୍ଣାଢ୍ୟ ପରିବେଶ ମଧ୍ୟରେ ଆଜି ସଂଧ୍ୟାରେ ଏହି ମହୋତ୍ସବ ରେ ବିଶିଷ୍ଟ ସାହିତ୍ୟିକ, କବି, କଥାକାର, ଭାଷାବିତ, ରାଜନେତା ଏବଂ ପ୍ରଶାସନିକ ଅଧିକାରୀ ମାନଙ୍କ ଗହଣରେ ଅନୁଷ୍ଠିତ ଉଦଯାପନୀ ସଭାରେ ମନ୍ତ୍ରୀ ପ୍ରତାପ ଜେନା ସଭାପତିତ୍ୱ କରିଥିଲେ l
ଏହି ଉତ୍ସବରେ ବିଶିଷ୍ଟ ଭାଷାବିତ ଡକ୍ଟର ଦେବୀ ପ୍ରସନ୍ନ ପଟ୍ଟନାୟକ, ପୂର୍ବତନ ବାଚସ୍ପତି ଶରତ କୁମାର କର, ପୂର୍ବତନ ବିଧାୟକ ବିକ୍ରମ କେଶରୀ ବର୍ମା, କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତ ଅନିଲ କୁମାର ସାମଲ ପ୍ରମୁଖ ବିଶିଷ୍ଟ ବ୍ୟକ୍ତି ମାନେ ଅତିଥି ଭାବେ ଯୋଗଦେଇ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତିକୁ ମାହାଙ୍ଗାର ଅବଦାନ ଅତୁଳନୀୟ ବୋଲି କହିଥିଲେ, ଭଞ୍ଜ ସାହିତ୍ୟର ବିଶିଷ୍ଟ ଗବେଷକ ରଜତ କୁମାର କର,ବିଶିଷ୍ଟ ସଂସ୍କୃତ ଗବେଷକ ପଣ୍ଡିତ ପ୍ରବୋଧ ମିଶ୍ର, ସୁସାହିତିକା ଡକ୍ଟର ସଂଘମିତ୍ରା ମିଶ୍ର, ନାଟ୍ୟକାର ବ୍ରଜକିଶୋର ମହାନ୍ତି ଙ୍କୁ ସାହିତ୍ୟ ଏବଂ ସଂସ୍କୃତି କ୍ଷେତ୍ରରେ ଜୀବନବ୍ୟାପି ଅବଦାନ ପାଇଁ ମାହାଙ୍ଗା ସାରସ୍ୱତ ସମ୍ମାନରେ ସମ୍ବର୍ଦ୍ଧିତ କରାଯାଇଥିଲା l ଏହି ଅବସରରେ ସୁନାମଧନ୍ୟ ନୃତ୍ୟ ଓ ସଂଗୀତ ବିଶାରଦ ଶାଶ୍ୱତ ଯୋଶୀ ଏବଂ ତାଙ୍କ ସହଯୋଗୀ ମାନେ ଓଡିଶୀ ନୃତ୍ୟ ପରିବେଷଣ କରିଥିଲେ l କବି ପ୍ରଶାନ୍ତ ବିଶ୍ୱାଳ ସ୍ୱାଗତ ଭାଷଣ ଦେଇଥିଲେ l କାର୍ଯ୍ୟକ୍ରମକୁ ସାହିତ୍ୟ ସଂଗଠକ ଅକ୍ଷୟ କୁମାର ଷଢଙ୍ଗୀ ସଂଯୋଜନା କରିଥିଲେ l କବି ଜ୍ୟୋତିର୍ମୟୀ, କବି ଅଖିଳେଶ ମହାନ୍ତି, କବି ସ୍ଵାଗତିକା ମହାନ୍ତିଙ୍କ ସଂଯୋଜନାରେ ଶତାଧିକ କବି କବିତାପାଠ କରିଥିଲେ l ପ୍ରମୁଖ ସାହିତ୍ୟର ବିଭିନ୍ନ ଦିଗଉପରେ ଆଲୋଚନା କରିଥିଲେ l ମଧ୍ୟାହ୍ନରେ ଡକ୍ଟର ଭୁବନାନନ୍ଦ ସାହୁଙ୍କ ପୌରହିତ୍ୱରେ କବିତା ପାଠ ଉତ୍ସବ ଅନୁଷ୍ଠିତ ହୋଇଥିଲା l
ମାହାଙ୍ଗା ମାଟିର ସାରସ୍ୱତ ସାଧକ ମାନଙ୍କ ଉପରେ ଭିତ୍ତି ପ୍ରବନ୍ଧ ପାଠକରାଯାଇଥିଲା l ଅଧ୍ୟାପକ ପ୍ରଶାନ୍ତ ବିଶ୍ୱାଳ, ଡକ୍ଟର ନିଖିଳେଶ ମହାନ୍ତି, କବି ବସନ୍ତ ସାହୁ, କବି ଏକାଦଶୀ ପ୍ରଧାନ, ଡକ୍ଟର ନାରାୟଣ ମୁଦୁଲି ପ୍ରମୁଖ ନିଜ ନିଜର ଭିତ୍ତି ପ୍ରବନ୍ଧ ପାଠକରିଥିଲେ l ଶତାଧିକ କବିଙ୍କୁ ନେଇ ଏକ ମନୋଜ୍ଞ କବିତା ପାଠୋତ୍ସବ ଆୟୋଜିତ ହୋଇଥିଲା l ସମାଜସେବୀ ସୁବାଷ ଚନ୍ଦ୍ର ମଲ୍ଲିକ, କବି ଫକୀର ଚରଣ ନାୟକ, ପାନ୍ନଗ ଦାସ, ବିଶ୍ୱେଶ୍ୱର ମହାନ୍ତି, ଅକ୍ଷୟ ଷଢଙ୍ଗୀ, ସୁଧାଂଶୁ ପାଣି, ସୁବାଷ ବେହେରା, କିଶୋର ଦାଶ,ରଘୁନାଥ ଜେନା, ଲକ୍ଷ୍ମୀଧର ବେହେରା, ଗଣେଶ ବିହାରୀ, ଦୀପକ ଦାସ ସମେତ ସାହିତ୍ୟ ମହୋତ୍ସବର କର୍ମକର୍ତା ମାନେ ଉପସ୍ଥିତ ରହି ଉତ୍ସବ ପରିଚାଳନାରେ ସହଯୋଗ କରିଥିଲେ l ମାହାଙ୍ଗାରୁ ଲଷ୍ମୀଧର ଖୁଣ୍ଟିଆଙ୍କ ରିପୋର୍ଟ,
