ନୟାଗଡ ଜିଲ୍ଲା ଶାନ୍ତି କମିଟି ସ୍ୱାମୀ, ସ୍ତ୍ରୀ ବିବାଦ ସମାଧାନ କଲା

ଓଡ଼ିଶା ତାଜା ନ୍ୟୁଜ୍ (୨୯ ମାର୍ଚ୍ଚ ସୋମବାର) ନୟାଗଡ :- ହୀରଦେଇପୁର ଟିକିନା ବରାଡ଼ ଓ ସ୍ୱାମୀ କୃଷ୍ଣଚନ୍ଦ୍ର ବରାଡ଼ ଙ୍କ ମଧ୍ୟରେ ମନାମାଳିନ୍ୟ ଦେଖାଦେଇ ଟିକିନା ନିଜ ପିତ୍ରାଳୟରେ ରହି ସ୍ବେଚ୍ଛାସେବୀକମଳିନୀ ପାଟଶାଣୀ ଙ୍କ ସାହାୟତାରେ ଜିଲ୍ଲା ଶାନ୍ତି କମିଟିକୁ ନିମନ୍ତ୍ରଣ କରାଯାଇ ଥିଲା l

ପୁନଶ୍ଚ ରାଇପୁର ଗ୍ରାମର ସସ୍ମିତା ମହାନ୍ତି ଓ ତାଙ୍କ ସ୍ୱାମୀ ତାପନକୁମାର ନାୟକଙ୍କ ମଧ୍ୟରେ ବିବାଦ ଘଟି ମାମଲା ବିଚରାଲୟ ଥିବାବେକେ ଉଭୟ ପକ୍ଷ ଙ୍କ ସହମତି ତଥା ସଦର ଥାନାଧିକାରୀ ଙ୍କ ଅନୁମୋଦନ କ୍ରମେ ଜିଲ୍ଲା ଶାନ୍ତି କମିଟିକୁ ନିମଂତ୍ରଣ କରାଯାଇ ଥିଲା l

28/03/2021ରିଖରେ ତୁଳସୀପୁର ସାଇ ମନ୍ଦିରରେ ମଧୁସୂଦନ ପଟ୍ଟନାୟକ ଙ୍କ ସଭାପତିତ୍ୱରେ ଦୁଇଟିଯାକ ବିବାଦର ଶାନ୍ତିପୂର୍ଣ ଆପୋଷ ସମାଧାନ ଆଧାରରେ ଦାମ୍ପତ୍ୟ ଜୀବନକୁ ଦୃଢ଼ୀଭୁତ କରାଯାଇ ବିବାଦର ପରିସମାପ୍ତି କରାଗଲା l

ଏହି ବୈଠକରେ ପ୍ରଫୁଲ୍ଲ ନନ୍ଦ, ଗୋପାଳକୃଷ୍ଣ ସ୍ୱାଇଁ, ଗାଲେଖ ମୁଦୁଲି, ଦେବରାଜ ବରାଡ଼, ଜନାର୍ଦନ ନାୟକ, ଗୌରାଙ୍ଗ ପ୍ରଧାନ, ଆଇନଜୀବୀ ମନୋଜ ନାୟକ, କମଳିନୀ ପାଟଶାଣୀ, ଅନ୍ତର୍ଯ୍ୟାମୀ ସାହୁ, ମସାବାରି ଗ୍ରାମ ପରିଚାଳନା କମିଟି ସଦସ୍ୟ ସହଯୋଗ ଯୋଗଦେଇଥିଲେ l (ରିପୋର୍ଟ -ରାମକୃଷ୍ଣ ରଥ )