ପାରଳାଖେମୁଣ୍ଡି ସ୍ଥିତ ମହିଳା ଉଚ୍ଚ ବିଦ୍ୟାଳୟ ଦ୍ବାରା ଇକୋ କ୍ଲବ ଗଠନ

ଓଡିଶା ତାଜା ନ୍ୟୁଜ୍ (୨୭ ମାର୍ଚ୍ଚ ଶନିବାର) ପାରଳାଖେମୁଣ୍ଡି :-  ମହିଳା ଉଚ୍ଚ ବିଦ୍ୟାଳୟ ଦ୍ବାରା ଇକୋ କ୍ଲବ ଗଠନ କରାଯାଇ ଏକ ପରିବେଶ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ କାର୍ଯ୍ୟକ୍ରମର ସଭାନେତ୍ରୀ ତଥା ଅଧ୍ୟକ୍ଷା ଡ଼ଃ.ଅରୁଣା କୁମାରୀ ସାମଲ ପରିବେଶ ସୁରକ୍ଷାର ମୂଳମନ୍ତ୍ର , ସ୍ୱଚ୍ଛତା ଏବଂ ପରିବେଶ ସନ୍ତୁଳନରେ ପ୍ରାଣୀ ଓ ଉଦ୍ଭିଦ ମାନଙ୍କ ଭୂମିକା କିପରି ଅପରିହାର୍ଯ୍ୟ , ତାହାର ଏକ ବିସ୍ତୃତ ବିବରଣୀ ପ୍ରଦାନ କରିଥିଲେ । କାର୍ଯ୍ୟକ୍ରମର ସଂଯୋଜିକା ପ୍ରାଧ୍ୟାପିକା ଅମ୍ବିକା ଦେବୀ ପ୍ରାକୃତିକ ସମ୍ପଦର କିପରି ସୁରକ୍ଷା କରାଯାଇ ପାରିବ ତାହାର ଏକ ସଂକ୍ଷିପ୍ତ ବିବରଣୀ ପ୍ରଦାନ କରିଥିଲେ ।

ଅଧ୍ୟାପିକା ତଥା ଜାତୀୟ ସମର ଶିକ୍ଷାର୍ଥୀ ବାହିନୀର ଏ.ଏନ୍. ଓ ଲେଫଟେନେଣ୍ଟ ଅନିତା କୁମାରୀ ପାଢୀ ବର୍ଜବସ୍ତୁ ପରିଚାଳନାର ଭୂମିକା ଓ ଗୁରୁତ୍ୱ ସମ୍ପର୍କ ରେ ବୁଝାଇଥିଲେ । ଅଧ୍ୟାପିକା ତଥା ୟୁଥ୍ ରେଡ଼କ୍ରସର ପରାମର୍ଶଦାତ୍ରୀ ସୋଫିଆ କୁମାରୀ ମଣ୍ଡଳ କାର୍ଯ୍ୟକ୍ରମ ପରିଚାଳନାରେ ତ୍ୱରାନ୍ୱିତ ଭୂମିକା ନେବା ସହ ଅଧ୍ୟାପିକା ତଥା ଏନ୍ ଏସ୍ ଏସ୍ ପି ଓ (N S S P.O) ଶ୍ରୀମତୀ ସଂଯୁକ୍ତା ପାତ୍ର ଧନ୍ୟବାଦ ଅର୍ପଣ କରିଥିଲେ । ଅନ୍ୟ ସମସ୍ତ ଅଧ୍ୟାପକ , ଅଧ୍ୟାପିକା , ଅଣ ଶିକ୍ଷକ କର୍ମଚାରୀ ତଥା ଇକୋ କ୍ଲବର ସ୍ବେଚ୍ଛାସେବୀ ଛାତ୍ରୀଗଣ ଉପସ୍ଥିତ ରହି ସଭାକୁ ସଫଳ କରିଥିଲେ। ଏହି କାର୍ଯ୍ୟକ୍ରମରେ ଛାତ୍ରୀ ଓ ଇକୋ କ୍ଲବର ଅନ୍ୟାନ୍ୟ ସଦସ୍ୟ ମାନେ ଉଦ୍ୟାନୀ କରଣର ସଚେତନତା କାର୍ଯ୍ୟକ୍ରମକୁ ସଫଳ ରୂପାୟନ କରାଇଥିଲେ । ( ରିପୋର୍ଟ – ଗରୁଡ଼ ଧ୍ୱଜ ଚୌଧୁରୀ )