ସମ୍ବେଦନହୀନ ବିଜେପୁର ବ୍ଲକ ପ୍ରଶାସନ ; ମୋ ସରକାର ଏବଂ 5T ସାଜିଛି ପ୍ରହସନ

ଓଡ଼ିଶା ତାଜା ନ୍ୟୁଜ (୨୬ ମାର୍ଚ୍ଚ ଶୁକ୍ରବାର ) ପଦ୍ମପୁର :- ବିଜେପୁର ନିର୍ବାଚନ ମଣ୍ଡଳୀ ,ନାଁ ଶୁଣିଦେଲେ ସମସ୍ତେ ଚକିତ ହୋଇଯାଉଥିଲେ ଲୋକେ ।  ମୁଖ୍ୟମନ୍ତ୍ରୀ ନିଜେ ଏଠାରୁ ନିର୍ବାଚିତ ହେବା ସମୟରୁ ଲୋକଙ୍କ ମନରେ ଆଶା ଏବଂ ବିଶ୍ୱାସ ବଢିଯାଇଥିଲା.ମୁଖ୍ୟମନ୍ତ୍ରୀ ନିଜେ ବିଜେପୁର ର ବିକାଶ ଦେଖିବେ ବୋଲି ସମଗ୍ର ଓଡିଶା ରେ ଚର୍ଚ୍ଚା ହେଲା,ବିଜେପୁର ଅଞ୍ଚଳବାସୀ ବିକାଶର ସ୍ୱପ୍ନରେ ଏତେ ବିଭୋର ହୋଇଯାଇଥିଲେ ଯେ ଏବେବି ସେମାନେ ବିଶ୍ବାସ କରି ପାରୁନାହାନ୍ତି ଯେ ତାଙ୍କୁ ମିଠା ମିଠା କଥା କହି କେବଳ ଧୋକା ଦିଆଯାଇଛି.. ସ୍ୱାର୍ଥ ଥିଲା ବେଳେ ସର୍ବେ ନିଜର ,ସ୍ୱାର୍ଥ ସରିଗଲେ କିଏ କାହାର ନୀତିରେ ଚାଲିଛି ବିଜେପୁର ବ୍ଲକ.ଏଠି ଘର ଭାଙ୍ଗିଲେ ମିଳେନି ସହାୟତା,ପର ଘରେ ଆଶ୍ରୟ ନିଅନ୍ତି ପୀଡିତ ପରିବାର. ଏଭଳି ଘଟଣା ଦେଖିବାକୁ ମିଳିଛି ବରଗଡ଼ ଜିଲ୍ଲା ଅନ୍ତର୍ଗତ ବିଜେପୁର ବ୍ଲକ ଭଟିଗାଁ ଗ୍ରାମପଞ୍ଚାୟତ ଅନ୍ତର୍ଗତ ଭାଟିବାହାଳି ଗାଁରେ । ଗତବର୍ଷ ଲଗାଣ ବର୍ଷା ରେ ବୃନ୍ଦାବନ ବଗର୍ତ୍ତିଙ୍କ ସମ୍ପୂର୍ଣ୍ଣ ଭାଙ୍ଗିଯାଥିବା ଯୋଗୁଁ ନିଜର କୌଣସି ପକ୍କାଗୃହ ନ ଥିବାରୁ ସେ ଏବେ ବାସହୀନ ହୋଇ ଦୀର୍ଘଦିନ ହେଲା ପଡୋଶୀ ଘରେ ଆଶ୍ରୟ ନେଇଛନ୍ତି.କିନ୍ତୁ ବିଜେପୁର ବ୍ଲକ ପ୍ରଶାସନ ଙ୍କୁ ଏହି ଘଟଣା ଜଣେଇଲା ପରେ ବି କୌଣସି ସମବେଦନା ଦେବାପାଇଁ ବୋଧହୁଏ ତାଙ୍କ ପାଇଁ ସମୟ ନାହିଁ । ଏଠାରେ ସୂଚନାଯୋଗ୍ୟ ଯେ ଏହି ପଞ୍ଚାୟତ ରେ ଜଣେ ସରକାରୀ ଶିକ୍ଷକ ପ୍ରଧାନମନ୍ତ୍ରୀ ଆବାସ ଯୋଜନା ରେ ଘର ହାତେଇଥିଲେ ଯାହାକି ସମାଜ ରେ ପ୍ରକାଶିତ ହୋଇଥିଲା ।

ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ବିଭାଗ ତଥା ସ୍ୱତନ୍ତ୍ର ରିଲିଫ କମିଶନଙ୍କ ସ୍ପଷ୍ଟ ନିର୍ଦ୍ଦେଶ ରହିଛି ଯେ ବର୍ଷାରେ କ୍ଷତିଗ୍ରସ୍ତ ଲୋକଙ୍କ ନିମନ୍ତେ ତୁରନ୍ତ ସହାୟତା ପ୍ରଦାନ କରାଯାଏ କିନ୍ତୁ ଏହା ବିଜେପୁର ବ୍ଲକରେ ଦେଖାଯାଏ ନାହିଁ| ବିଜେପୁର ବ୍ଲକ କୁ ଛାଡିଦେଲେ ଅନ୍ୟ ବ୍ଲକ ମାନଙ୍କରେ ଗରିବ ଲୋକଙ୍କ ପାଇଁ ଘର ସଂପୂର୍ଣ୍ଣ ଭାଙ୍ଗି ଗଲେ ମିଳିଥାଏ ଅନେକ ଆର୍ଥିକ ସହାୟତା ଏବଂ ଆବାସ ଗୃହ କିନ୍ତୁ ମାନ୍ୟବର ମୁଖ୍ୟମନ୍ତ୍ରୀ ବୋଧହୁଏ ମନା କରିଛନ୍ତି ଲୋକଙ୍କ ସମସ୍ୟା ଶୁଣିବା ପାଇଁ .. ବିଜେପୁର ବ୍ଲକ ରେ ପ୍ରହସନ ପାଲଟିଛି ମୋ ସରକାର ଏବଂ 5T .ଏହାର ଜ୍ୱଳନ୍ତ ଉଦାହରଣ ଦେଖିବାକୁ ମିଲିଛି ଭାଟିବାହାଳି ଗାଁ ରେ ,ଗାଁରେ ବଡ଼ବଡିକିଆ ଲୋକ ହାତଗୁଞ୍ଜା ଦେଇ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ପାଉଥିବା ବେଳେ ବୃନ୍ଦାବନ ବଗର୍ତ୍ତି ଙ୍କ ଭଳି ଅସହାୟ ଲୋକ ଲାଂଞ୍ଚ ଦେବାପାଇଁ ଅସମର୍ଥ ଥାଇ ମଧ୍ୟ ଆବାସ ଘର ପାଉନାହାନ୍ତି । ବିଜେପୁର ବ୍ଲକ ଦୁର୍ନୀତିରେ ଉବୁଟୁବୁ ହେଉଥିବା ଅନେକ ଲୋକ ସାମାଜିକ ଗଣମାଧ୍ୟମ ଜଂରିଆରେ ଅଭିଯୋଗ କରୁଥିଲେ ହେଁ ସ୍ଥାନୀୟ ବିଡିଓ ଶାସକ ଦଳର କୌଣସି ଏକ ବଡ଼ ନେତାଙ୍କ ଛତ୍ରଛାୟା ଯୋଗୁଁ ବଦଳି ହେଲେ ବି ବିଜେପୁର ଛାଡ଼ି ଯାଉନାହାନ୍ତି.ଅଯୋଗ୍ୟ ଲୋକଙ୍କୁ ଯେହେତୁ ଆବାସ ଯୋଜନାରେ ଘର ଦିଆଯାଉଛି ବୃନ୍ଦାବନଙ୍କୁ ଅବିଳମ୍ବେ ଘର ପ୍ରଦାନ କରିବାକୁ ଆମେ ରାଜ୍ୟ ସରକାର ତଥା ବରଗଡ଼ ଜିଲ୍ଲା ପ୍ରଶାସନ କୁ ସ୍ଥାନୀୟ ସଚେତନ ନାଗରିକ ତଥା ବୁଦ୍ଧିଜୀବୀ ମାନେ ଦାବି କରିଛନ୍ତି । ( ରିପୋର୍ଟ – ନିରୋଜ କୁମାର ପାଣୀ )