ଭୁବନେଶ୍ୱର (ଓଡିଶା ତାଜା ନ୍ୟୁଜ୍ ) ଭୁବନେଶ୍ୱର 14.2.2020 :- ୫୬ତମ ଜନ୍ମ ଜୟନ୍ତୀ ଭୁବନେଶ୍ୱର ସ୍ଥିତ ଇଡ଼୍କଲ ଅଡ଼୍ଟିରିଅମ୍ରେ ଆଜି ଲୁଳୁ ସେନା ପକ୍ଷରୁ ପାଳିତ ହୋଇଯାଇଛି । ପୂର୍ବତନ ବିଧାୟକ, ଓଡ଼ିଶା ପ୍ରଦେଶ କଂଗ୍ରେସ କମିଟିର ପୂର୍ବତନ କାର୍ଯ୍ୟକାରୀ ସଭାପତି, ପୂର୍ବତନ ଛାତ୍ର କଂଗ୍ରେସ ସଭାପତି, ପୂର୍ବତନ ଯୁବ କଂଗ୍ରେସ ସଭାପତି ତଥା ଦୂର୍ବାର ସଂଗଠକ ସ୍ୱର୍ଗତ୍ୱ ଲଲାଟେନ୍ଦୁ ବିଦ୍ୟାଧର ମହାପାତ୍ର (ଲୁଲୁ)ଙ୍କ ଏହି ଅବସରରେ ଡକ୍ଟର ଜୀମୂତ ମଂଗରାଜ, ପିସିସି ସଭାପତି ନିରଜଂନ ପଟ୍ଟନାୟକ, ଓଡ଼ିଶା ବିଜେପି ସଭାପତି ସମୀର ମହାନ୍ତି, ଧାମନଗର ବିଧାୟକ ବିଷ୍ଣୁ ଚରଣ ସେଠୀ, ବ୍ରହ୍ମପୁର ବିଧାୟକ ବିକ୍ରମ ପଣ୍ଡା, ବରିଷ୍ଠ ଆଇନଜୀବି ଶିବାନନ୍ଦ ରାୟ, ଓଡ଼ିଶା ସମାଜବାଦୀ ପାର୍ଟି ସାଧାରଣ ସଂପାଦକ ସୁଦର୍ଶନ ପ୍ରଧାନ ପ୍ରମୁଖ ଅତିଥି ଭାବେ ଯୋଗଦେଇ ଲୁଲୁଙ୍କ ସ୍ମୃତିଚାରଣ କରିଥିଲୁ । ଲୁଲୁ ସେନାର ଆବାହକ ତଥା ଲୁଲୁ ସେନାର ସଭାନେତ୍ରୀ ଉପାସନା ମହାପାତ୍ର, ଲୁଲୁ ସେନା ଆବାହକ ରାଜେନ୍ଦ୍ର ପ୍ରସାଦ ପଣ୍ଡା ସୁଭେନ୍ଦୁ ମହାନ୍ତି, ଡ଼କ୍ଟର ଦିଲ୍ଳୀପ ଶ୍ରୀଚନ୍ଦନ ପ୍ରମୁଖ ଏହି ଅବସରରେ ବକ୍ତବ୍ୟ ପ୍ରଦାନ କରିଥିଲେ ।
