ଭୁବନେଶ୍ୱର (ଓଡିଶା ତାଜା ନ୍ୟୁଜ୍ ) କୋଟାକ୍ 11/02/2020 :- କୋଟାକ୍ ମହିନ୍ଦ୍ରା ଆସେଟ ମ୍ୟାନେଜମେଂଟ କଂପାନି ବା କୋଟାକ ମ୍ୟୁଚୁଆଲ ଫଣ୍ଡ ଯାହା ଗତବର୍ଷ ଉଲ୍ଲେଖନୀୟ ଅଭିବୃଦ୍ଧି ହାସଲ କରିଛି ତାହା ଓଡ଼ିଶାରେ ଏହାର ବିତରଣ ନେଟୱର୍କକୁ ସଂପ୍ରସାରଣ କରୁଛି । ଏବଂ ଭୁବନେଶ୍ୱରର ପ୍ରଥମ ଥର ଗ୍ରାହକଙ୍କୁ ଏହାର ବାର୍ତା ହେଉଛି ସିଷ୍ଟମେଟିକ ଇନଭେଷ୍ଟମେଂଟ ପ୍ଲାନ (ଏସଆଇପି) ଜରିଆରେ ସଂପତି ଗଠନ କରିବା ଶିଖନ୍ତୁ । ମ୍ୟୁଚ୍ରୁଆଲ ଫଣ୍ଡ ଶିଳ୍ପର ଅଭିବୃଦ୍ଧି ସମ୍ପର୍କରେ ମନିଷ ମେହତା, ଜାତୀୟ ମୁଖ୍ୟ-ବିକ୍ରି ଓ ମାର୍କେଟିଂ, କୋଟାକ ମହିନ୍ଦ୍ରା ଆସେଟ ମ୍ୟାନେଜମେଂଟ କଂପାନି କହିଛନ୍ତି ଯେ, “ଭାରତର ମ୍ୟୁଚୁଆଲ ଫଣ୍ଡ ଶିଳ୍ପ ଅଭିବୃଦ୍ଧି ପଥରେ ରହିଛି ଏବଂ ନିବେଶକମାନଙ୍କ ମଧ୍ୟରେ ସିଷ୍ଟମେଟିକ ଇନଭେଷ୍ଟମେଂଟ ପ୍ଲାନ (ଏସଆଇପି)ର ଲୋକପ୍ରିୟତା ବଢ଼ିଚାଲିଛି । ଏସଆଇପି ହେଉଛି ଷ୍ଟକ ବଜାରରେ ନିବେଶ ପାଇଁ ଏକ ପ୍ରଭାବଶାଳୀ ଉପକରଣ ଯାହା କେବଳ ନିୟମିତ ଏବଂ ଶୃଙ୍ଖଳିତ ନିବେଶର ଅଭ୍ୟାସ ସୃଷ୍ଟି କରେ ନାହିଁ ବରଂ ଦୀର୍ଘମିଆଦୀ ଭିତିରେ ଷ୍ଟକ ବଜାର ଅସ୍ଥିରତା ସମୟରେ ଆପଣଙ୍କ ଟଙ୍କାକୁ ସୁରକ୍ଷିତ ରଖେ ।’’ ବର୍ତମାନ ମ୍ୟୁଚୁଆଲ ଫଣ୍ଡ ଶିଳ୍ପରେ ୩ କୋଟି ଏସଆଇପି ଖାତା ରହିଛି ।
କୋଟାକ୍ ମ୍ୟୁଚୁଆଲ ଫଣ୍ଡର ବଜାର ଅଂଶ ହେଉଛି ପାଖାପାଖି ୪.୫% । ଏସଆଇପିର ଲାଭ ବିଷୟରେ ସଚେତନତା ସୃଷ୍ଟି କରିବା ଲାଗି ଆମେ ବ୍ୟାପକ ନିବେଶକ ସଚେତନତା କାର୍ଯ୍ୟକ୍ରମ ଆୟୋଜନ କରୁଛୁ ଫଳରେ ତାହା ଭାରତରେ ଆର୍ଥିକ ସଂଚୟ ଅଭିବୃଦ୍ଧିକୁ ଯୋଗଦାନ ପ୍ରଦାନ କରୁଛି ବୋଲି ସେ କହିଛନ୍ତି । ଓଡ଼ିଶାରେ ଶିଳ୍ପର ଏୟୁଏମରେ ୨୦୧୮-୧୯ ଆର୍ଥିକ ବର୍ଷରେ ୨୦%ରୁ ଅଧିକ ଅଭିବୃଦ୍ଧି ଘଟିଛି । କୋଟାକ ମ୍ୟୁଚୁଆଲ ଫଣ୍ଡ ଏବେ ଓଡ଼ିଶାର ୩ଟି ସ୍ଥାନରେ ରହିଛି ଯାହାକୁ ୧୯୦୦ରୁ ଅଧିକ ଚ୍ୟାନେଲ ପାର୍ଟନରଙ୍କ ସହଯୋଗ ରହିଛି । ଉତ୍ପାଦକତା ଓ ଦକ୍ଷତା ବଢ଼ାଇବା ଲାଗି ଏହା ନିଜର ବିତରଣ ପାର୍ଟନରଙ୍କ ପାଇଁ ଏକ ବିଜନେସ ହବ ପୋର୍ଟାଲ ଖୋଲିଛି । ଗ୍ରାହକଙ୍କ ବିପଦର ମାତ୍ରାକୁ ସୁହାଇବା ଭଳି କୋଟାକ ମ୍ୟୁଚୁଆଲ ଫଣ୍ଡର ବିଭିନ୍ନ ଉତ୍ପାଦ ରଣନୀତି ରହିଛି । ଏହି ସଂସ୍ଥା ପକ୍ଷରୁ ପ୍ରଦାନ କରାଯାଉଥିବା ବିଭିନ୍ନ ସ୍କିମ୍ ବିଭିନ୍ନ ବର୍ଗରେ ରହିଛି ଯଥା କୋଟାକ ଷ୍ଟାଣ୍ଡାର୍ଡ ମଲଟିକ୍ୟାପ ଫଣ୍ଡ, କୋଟାକ ବ୍ଲୁଚିପ ଫଣ୍ଡ, କୋଟାକ ଇମର୍ଜି ଇକ୍ୱିଟି, କୋଟାକ ସ୍ମଲ କ୍ୟାପ ଓ କୋଟାକ ବାଲାନ୍ସ ଆଡଭାଟେଂଜ୍ ଫଣ୍ଡ ଯାହା ଗ୍ରାହକଙ୍କ ମଧ୍ୟରେ ବେଶ ଲୋକପ୍ରିୟ ।
