ନୂଆଦିଲ୍ଲୀ, (ଓଡିଶା ତାଜା ନିଉଜ ) ଦିଲ୍ଲୀ 2020 :- ଦିଲ୍ଲୀ ବିଧାନସଭା ଲାଗି ଶେଷ ହୋଇଛି ମତଦାନ । ନିର୍ବାଚନ ଫଳାଫଳକୁ ନେଇ ବିଭିନ୍ନ ଗଣମାଧ୍ୟମ ଓ ସାମାଜିକ ଗବେଷଣା ଅନୁଷ୍ଠାନ ପକ୍ଷରୁ କରାଯାଇଥିବା ଏକ୍ଜିଟ୍ ପୋଲ ବା ବୁଥ୍ ବାହୁଡ଼ା ମତ ସାମ୍ନାକୁ ଆସିଛି । ଦିଲ୍ଲୀରେ ଏଥର ମୋଟାମୋଟି ପ୍ରତିଦ୍ୱନ୍ଦ୍ୱିତା ଦ୍ୱିମୁଖୀ ହେଉଥିବା ଆକଳନ କରାଯାଇଛି । ଯଦିଓ ଦିଲ୍ଲୀର ୭୦ଟି ନିର୍ବାଚନ ମଣ୍ଡଳୀରେ ଭିନ୍ନଭିନ୍ନ ଦଳରୁ ୩ ଜଣ ଳେଖାଏଁ ପ୍ରଭାବଶାଳୀ ପ୍ରାର୍ଥୀ ମଇଦାନକୁ ଓହ୍ଲାଇଛନ୍ତି କିନ୍ତୁ କଂଗ୍ରେସ ପ୍ରାୟତଃ ଦୌଡ଼ରେ ରହିବ ନାହିଁ ବୋଲି ରାଜନେତିକ ପର୍ଯ୍ୟବେକ୍ଷକମାନେ ଅଙ୍କ କଷିଛନ୍ତି । ଏଥର ଦିଲ୍ଲୀରେ ପ୍ରତିଦ୍ୱନ୍ଦିତା ମୁଖ୍ୟତଃ ରାଜ୍ୟରେ ଶାସନଗାଦୀରେ ଥିବା ଆମ୍ ଆଦମୀ ପାର୍ଟି ଓ କେନ୍ଦ୍ର ସରକାରରେ ଥିବା ବିଜେପି ମଧ୍ୟରେ ହେବ ।
ଗୋଟିଏ ପଟେ ଆମ୍ ଆଦମୀ ପାର୍ଟିର ମୁଖିଆ ଅରବିନ୍ଦ କେଜ୍ରିୱାଲ ଦଳର ମୁଖ୍ୟମବୀ ପ୍ରାର୍ଥୀ ଭାବେ ଭୋଟ ଯୁଦ୍ଧକୁ ଓହ୍ଲାଇଥିବା ବେଳେ ବିଜେପି କିନ୍ତୁ କାହାକୁ ମୁଖ୍ୟମବୀ ପ୍ରାର୍ଥୀ ଭାବେ ଘୋଷଣା କରି ନାହିଁ । ବରଂ ବିଜେପି ପ୍ରଧାନମବୀ ନରେନ୍ଦ୍ର ମୋଦୀଙ୍କ ସଫଳତାକୁ ସମ୍ବଳ କରି ନିର୍ବାଚନୀ ମଇଦାନ୍କୁ ଓହ୍ଲାଇଛି । କଂଗ୍ରେସ ମଧ୍ୟ ସେହିପରି କାହାକୁ ମୁଖ୍ୟମବୀ ପ୍ରାର୍ଥୀ ଘୋଷଣା କରିନାହିଁ । ଏପରିସ୍ଥଳେ ଦିଲ୍ଲୀ ଲଢେଇରେ କିଏ କରିବ ବାଜିମାତ ? କିଏ ଜିତିବ ଦିଲ୍ଲୀର ଦିଲ୍ ? ଦିଲ୍ଲୀ ବିଧାନସଭା ନିର୍ବାଚନର ଫଳାଫଳ କ\’ଣ ହେବ ତାହାକୁ ନେଇ ସମସ୍ତଙ୍କ ଉତ୍କଣ୍ଠା ବଢିଥିବା ବେଳେ ଆସିଛି ବୁଥ ବାହୁଡା ମତ । ବିଭିନ୍ନ ଗଣମାଧ୍ୟମ ସଂସ୍ଥା ପକ୍ଷରୁ ପ୍ରକାଶିତ ଏକ୍ଜିଟ ପୋଲ ଅନୁସାରେ ଦିଲ୍ଲୀ ମୁଖ୍ୟମବୀ ଅରବିନ୍ଦ କେଜ୍ରିୱାଲଙ୍କ ଦଳ ଆମ ଆଦମୀ ପାର୍ଟି ପୁଣି ଥରେ କ୍ଷମତାକୁ ଫେରିବାର ସମ୍ଭାବନା ଦେଖାଦେଇଛି । ଅବଶ୍ୟ ୨୦୧୫ ନିର୍ବାଚନ ଅପେକ୍ଷା ଏଥର କିଛି ଆସନ କମିପାରେ ବୋଲି ବୁଥ ବାହୁଡା ମତରୁ ଜଣାପଡିଛି ।
ଟାଇମ୍ସ ନାଓ ପକ୍ଷରୁ ଆକଳନ କରାଯାଇଛି ଯେ ଆମ ଆଦମୀ ପାର୍ଟି- ୪୪ଟି ଆସନ ପାଇବାକୁ ଥିବାବେଳେ ବିଜେପି-୨୬ଟି ଆସନ ପାଇବ । ସେହିପରି କଂଗ୍ରେସ ଖାତା ଖୋଲିପାରିବ ନାହିଁ । ରିପବ୍ଲିକ ଟିଭି ପକ୍ଷରୁ ପ୍ରକାଶିତ ବୁଥ ବାହୁଡା ମତ ଅନୁସାରେ ଆମ ଆଦମୀ ପାର୍ଟି-୪୮-୬୧ଟି ଆସନ ପାଇବାକୁ ଥିବାବେଳେ ବିଜେପି-୦୯-୨୧ ଓ କଂଗ୍ରେସ-୦-୧ଟି ଆସନ ପାଇବ ନ୍ୟୁଜ ଏକ୍ସ ଓ ଇଣ୍ଡିଆ ନ୍ୟୁଜ ପକ୍ଷରୁ ପ୍ରକାଶିତ ଏକଜିଟ୍ ପୋଲ୍ ଅନୁସାରେ ଆମ ଆଦମୀ ପାର୍ଟି-୫୩-୫୭ଟି ଆସନ, ବିଜେପି- ୧୧ରୁ ୧୭ଟି ଆସନ ଓ କଂଗ୍ରେସ-୦ରୁ ୨ଟି ଆସନ ପାଇବ ବୋଲି ଆକଳନ କରାଯାଇଛି । ଏଠାରେ ସୂଚନା ଥାଉ କି ଦିଲ୍ଲୀ ବିଧାନସଭା ନିର୍ବାଚନ ପାଇଁ ଆଜି ୭୦ଟି ଆସନରେ ଭୋଟ ଗ୍ରହଣ ହୋଇଥିବାବେଳେ ସମୁଦାୟ ୬୭୨ ଜଣ ପ୍ରାର୍ଥୀଙ୍କ ଭାଗ୍ୟ ଇଭିଏମରେ କଏଦ ହୋଇଯାଇଛି । ଆସନ୍ତା ୧୧ ତାରିଖରେ ନିର୍ବାଚନ ଫଳାଫଳ ପ୍ରକାଶ ପାଇବ ।
